Monday, November 26, 2007

ကမ္ဘာ့နိုင်ငံရေးနှင့် ရေနံပါဝါ (၁)

စံချိန်တင် မြင့်တက်လာသော ရေနံဈေးနှုန်းများက ဂလိုဘယ်ပါဝါကို သိသိသာသာ ပြောင်းလဲလိုက်သည်ကို တွေ့ရသည်။ ရေနံစိမ်းတစ်စည်ကို ၉၈ ဒေါ်လာခန့်ထိ ဖြစ်သွားသည့်တိုင် ရေနံသည် အဓိကစွမ်းအင်လိုအပ်ချက် တစ်ခုအဖြစ် ရပ်တည်နေဆဲ။ ကုန်စည်တင်ပို့ရောင်းချရာတွင် မဟာဗျူဟာမြောက် ရောင်းကုန်ပစ္စည်းတစ်ခုအဖြစ် အရေးပါသည့် အခန်းကဏ္ဍမှ ရှိနေဆဲ။

အောက်တိုဘာလတွင် ကမ္ဘာ့ရေနံစိမ်းဈေးကွက်တွင် တစ်စည် ဒေါ်လာ ၃၀ ခန့် မြင့်တက်သွားချိန်တွင် အမေရိကန် ပြည်ထောင်စုနှင့် ဥရောပတိုက်များ၏ နေ့စဉ် ရေနံတင်သွင်းမှု ကုန်ကျစရိတ်မှာ ဒေါ်လာ သန်း ၃၀၀ မျှ ရှိနေခဲ့သည်။ အရှေ့အလယ်ပိုင်းရှိ ရေနံ ထုတ်လုပ်ရောင်းချသည့် နိုင်ငံများကတော့ နေ့စဉ် အသားတင် ဒေါ်လာ သန်း ၅၀၀ မျှ ရရှိနေသည်။ ထိုမျှ ငွေအလုံးအရင်းပမာဏသည် နိုင်ငံရေးဆိုင်ရာ သြဇာသက်ရောက်မှုများကို ဖြစ်ပေါ်စေလျှက်ရှိသည်။

ရေနံဈေး ကမောက်ကမဖြစ်မှုသည် ရေနံထုတ်လုပ်ရောင်းချသည့် နိုင်ငံများကိုလည်းကောင်း၊ ကမ္ဘာ့နိုင်ငံအသီးသီးကို လည်းကောင်း ကြီးမားသော အပြောင်းအလဲများ ဖြစ်ပေါ်စေခဲ့သည်။ ၂၀၀၇ ခုနှစ်တွင် ဆော်ဒီအာရေဗျနိုင်ငံသည် ရေနံရောင်းချရသည့် ဘဏ္ဍာအခွန်မှာ ဒေါ်လာ ၁၅၂ ဘီလီယံ ရှိခဲ့သည်။ ၂၀၀၀ ပြည့်နှစ်ကဆိုလျှင် ဒေါ်လာ ဘီလီယံ ၆၀ သာရှိခဲ့ရာ ခေါက်ချိုးမက တိုးတက်သွားခဲ့သည်။ ရုရှနိုင်ငံသည် ၁၉၉၈ ခုနှစ်တုန်းက စီးပွားရေးချွတ်ခြုံကျနေခဲ့ရာ ဒေ၀ါလီခံရမည့်ကိန်း ဆိုက်နေခဲ့သည်။ နိုင်ငံခြား တိုင်းပြည်များသို့ ပေးဆပ်ရန် ကြွေးမြီများရှိနေခဲ့သည်။ ထိုငွေတွေ ပြန်ဆပ်နိုင်ဖို့ နိုင်ငံတွင်းရှိ ရေနံနှင့် သဘာဝဓါတ်ငွေ့လုပ်ငန်းအတွက် ရင်းနှီးငွေ ဒေါ်လာ ၄၃၄ ဘီလီယံ မြှုပ်နှံခဲ့သည်။ ဤသို့ဖြင့် ၂၀၀၇ ခုနှစ်သို့ ရောက်ရှိသောအခါတွင် ဆော်ဒီအာရေဗျနိုင်ငံသည်လည်းကောင်း၊ ရုရှနိုင်ငံသည် လည်း ကောင်း ရေနံပြည့်ပြည့်၀၀ရရှိနေရုံမျှမက ပိုလျှံနေချေပြီ။ အာဖရိကတိုက်ရှိ နိုင်ငံအချို့နှင့် ကက်ဆပီယံပင်လယ်နိုင်ငံ အချို့သည်လည်းရေနံမှ ဒေါ်လာသန်းပေါင်းများစွာ ရရှိရေးအတွက် ရန်ပုံငွေများ သီးသန့်ထားရှိလာကြသည်။

ဂလိုဘယ်စီးပွားရေးဖြစ်စဉ် သို့မဟုတ် ဂလိုဘယ်အရင်းရှင်စနစ်၏ဘီးများ လည်ပတ်စေရန်အတွက် ရေနံသည် ချေဆီ ဖြစ်လာခဲ့သည်မှာ မှန်သော်လည်း ရေနံသည် လွတ်လပ်ပွင့်လင်းသော လူ့အဖွဲ့အစည်းတစ်ရပ် ပေါ်ပေါက်ရေးနှင့် ဒီမိုကရေစီဖြစ်ထွန်းရေးအတွက် အနှောင့်အယှက် အတားအဆီးဖြစ်လာ၏။ ရေနံမှ အကျိုးအမြတ်များစွာရရှိနေသည့် အစိုးရများနှင့် အုပ်ချုပ်သူများသည် သြဇာ၊ အာဏာ၊ ပါဝါအတွက် စိုးရိမ်ပူပန်စရာ သိပ်မရှိတော့။ သဘောကတော့ ရေနံမှရသည့် ဒေါ်လာငွေများဖြင့် မိတ်ဆွေသင်္ဂဟတွေ ရှာဖွေနိုင်သည်။ ဆုလာဘ်တွေ ပေးနိုင်သည်။ ဆန့်ကျင်ဘက် အဖွဲ့အစည်းနှင့် ပါတီတွေကို မိမိဘက်ပါလာအောင် ၀ယ်ယူနိုင်သည်။ သို့မဟုတ် နှိပ်ကွပ်နိုင်သည်။ ထိုနိုင်ငံတွေမှာ လွတ်လပ်သော ဈေးကွက်များပေါ်ထွန်းရေးကို အားမပေးကြ။ နိုင်ငံပိုင်စီးပွားရေးလုပ်ငန်းများကို ဦးစားပေး လုပ်ဆောင် ကြသည်။ ဥပမာ နိုင်ဂျီးရီးယားနှင့် အဇာဘိုင်ဂျန်ဆိုလျှင် ရေနံလုပ်ငန်းမှ ရရှိသည့်ငွေဖြင့် နိုင်ငံရေးစနစ်ကို တိုးတက်အောင် မလုပ်ဆောင်ဘဲ နိုင်ငံရေးသမားများကို အကျင့်ပျက်ခြစားမှုဖြစ်အောင် ပြုလုပ်လျှက်ရှိသည်။ ဗျူရိုကရေစီစနစ် ရှင်သန်အောင် ပြုလုပ်လျှက်ရှိသည်။

ယနေ့ခေတ်တွင် ရေနံထုတ်လုပ်တင်ပို့ရောင်းချနေသောနိုင်ငံများသည် ရေနံလက်နက်အပေါ်မှာ ပိုပြီး စိတ်ချယုံကြည် ကိုးစားလာကြသည်။ အစဉ်အလာပါဝါများအပေါ်တွင် မှီခိုအားထားမှုတွေ သိပ်မပြုကြတော့။ ၂၀၀၆ ခုနှစ် နွေဦးပိုင်းတွင် တရုတ်သမ္မတ ဟူကျင်တောင် ၀ါရှင်တန်သို့ အလည်အပတ်ခရီး သွားရောက်ခဲ့သည်။ သူသွားမည့်ခရီးမှာ နိုက်ဂျီးရီးယား နိုင်ငံ။ ၀ါရှင်တန်ကား ခရီးတစ်ထောက်နားရာ အရပ်ဒေသမျှသာဖြစ်သည်။ ဟူကျင်တောင်နည်းတူ ဂျပန်ဝန်ကြီးချုပ်ဟောင်း ရှင်ဇိုအာဘေးသည်လည်း အမေရိကန်သို့ ခရီးထွက်ခဲ့သည်။ သူလည်း အမေရိကန်မှအပြန်တွင် ဆော်ဒီအာရေဗျနိုင်ငံသို့ သွားရောက်ခဲ့သည်။ လမ်းမအားလုံးသည် ရေနံထုတ်လုပ်တင်ပို့ရောင်းချသည့်နိုင်ငံများဆီသို့ ဦးတည်နေပြီ။

Technorati Technorati tags: ,

Powered by ScribeFire.

0 comments:

ဖတ်ရှုသူတို့၏ မှတ်ချက်များ

Weblog Commenting and Trackback by HaloScan.com