Friday, December 14, 2007

ငြိမ်းချမ်းမှုကို ဖျက်ဆီးသူများ

အမေရိကန်နိုင်ငံ ကိုလိုရာဒိုပြည်နယ်မှာ အလွန်ကြီးမားတဲ့ ၀က်သစ်ချပင်ကြီးတစ်ပင် ရှိပါတယ်။ အဲဒီအပင်ရဲ့ သက်တမ်းဟာ နှစ် ၄၀၀ ကျော်နေပါပြီ။ တစ်နေ့မှာတော့ အဲဒီအပင်ကြီးဟာ အလိုအလျောက် လဲကျသွားခဲ့ပါတယ်။ အဲဒီအပင်ဟာ အနှစ် ၄၀၀ အတွင်း မိုးကြိုး ၁၄ ကြိမ် အပစ်ခံခဲ့ရပေမယ့် မဖြုံခဲ့။ ပြင်းထန်းတဲ့ လေမုန်တိုင်း ဒဏ်ပေါင်းများစွာ ခံခဲ့ရပါတယ်။ မြေငလျင်တွေ လှုပ်ပေမယ့်လည်း လဲမကျ။ ဒါပေမယ့် ဘာကြောင့်များ လဲကျသွားရသလဲ ပညာရှင်တွေ ဆန်းစစ်လိုက်တော့ လား...လား...ပင်စည်ထဲမှာ အလွန်သေးငယ်တဲ့ ပိုးကောင်ကလေးတွေ ၀င်ရောက်စားသောက်နေခဲ့ကြတဲ့အတွက် လဲကျသွားခဲ့ကြောင်း တွေ့ခဲ့ရပါရောလား။
မြန်မာ့ဆိုရိုးစကားမှာလည်း "အသားထဲက လောက်ထွက်" "လူယုံသတ်လို့ သေတယ်" ဆိုတာမျိုးတွေ ရှိပါတယ်။ ပြင်ပက ရန်သူထက် အတွင်းရန်က ပိုပြီးကြောက်ဖို့ကောင်းတယ်ဆိုတဲ့သဘောပါ။ ဒီအချက်ကို ကိုလိုရာဒိုက ၀က်သစ်ချပင်ကြီးက သက်သေထူနေပါပြီ။ လူဘ၀ရဲ့ ငြိမ်းချမ်းသာယာနေမှုကိုလည်း အပြင်လောကထက် အတွင်း စိတ်သဏ္ဍာန်က ပိုမိုဖျက်ဆီးနိုင်စွမ်းရှိတာကို ဆင်ခြင်ကြည့်ရင် တွေ့နိုင်ပါလိမ့်မယ်။ ဒါကြောင့် အဲဒီ အတွင်းစိတ်တွေကို ပိုးကောင်လေးတွေနဲ့ ခိုင်းနှိုင်းချင်ပါတယ်။ ကျွန်တော်တို့ လူ့ကိုယ်ခန္ဓာထဲမှာ အဲဒီလိုပိုးမျိုးများစွာရှိတဲ့အထဲမှာ အဆိုးဆုံး ပိုး ၅ မျိုးရှိပါတယ်။ အဲဒီပိုးလေးတွေ အကြောင်းကို ပြောပြချင်လို့ပါ။

လောဘ
။ ။ ဒီပိုးကောင်လေးကတော့ ထူးချွန်အောင်မြင်လိုသူတွေအတွက်တော့ မရှိမဖြစ်တဲ့ အကျိုးပြု ပိုးကောင်လေးလည်းဖြစ်ပါတယ်။ အောင်မြင်ထင်ရှားတဲ့သူတိုင်းဟာ သူတို့ရဲ့အလုပ်ကို လောဘနဲ့ လုပ်ကိုင်ခဲ့တဲ့သူတွေပါ။ ဒါပေမယ့် တန်ဆေးလွန်ဘေးဆိုတဲ့အတိုင်း အလွန်အကျွံဆိုရင်တော့ ဘေးဖြစ်နိုင်ပါတယ်။ အတိုင်းအတာတစ်ခုထက် ကျော်လွန်လာရင်တော့ ကိုယ့်ကို ပြန်ကိုက်မယ့် ပိုးကောင်တစ်မျိုးပါပဲ။ လောဘကြီးလွန်တဲ့အခါ ကိုယ့်မှာတကယ်တမ်းမလိုအပ်တာတွေကိုလည်း လိုအပ်တယ်ထင်ပြီး လိုချင်တပ်မက်စိတ် ဖြစ်လာတတ်ပါတယ်။ ဘ၀ဆိုတာကလည်း လိုချင်တိုင်း၊ တောင့်တတိုင်း ရနိုင်တာမျိုးက မဟုတ်ပြန်ပါဘူး။ ဒါကြောင့် လောဘကြီးသူတွေဟာ လိုချင်တာမရတဲ့အတွက် စိတ်ပျက်ရ၊ စိတ်ညစ်ရနဲ့ အရမ်းကို ပင်ပန်းကြရပါတော့တယ်။ ဒီစိတ်နဲ့စား၊ ဒီစိတ်နဲ့သွားပြီး ဒီစိတ်နဲ့ပဲ အသက်ဆက်လာတဲ့အခါ ရှိပြီးသားအရာတွေကိုပါ လက်လွတ်ဆုံးရှုံးရတော့တာပါပဲ။ ဒါကြောင့် လောဘလွန်ကဲတဲ့သူဟာ အမြဲတမ်း ဂဏာမငြိမ်ဖြစ်နေရပြီး ငြိမ်းချမ်းမှုတွေနဲ့ အလှမ်းဝေးနေရတော့တာပေါ့။ ဒါကြောင့် 'လောဘ' ဆိုတာ လူကိုဖျက်တဲ့ ပိုးတစ်မျိုးလို ဆိုနိုင်ပါတယ်။

ရည်မှန်းချက်။ ။ ဒါကိုပြောရင် အများစုက ကျွန်တော့်ကို ငြင်းကြလိမ့်မယ်ထင်ပါတယ်။ မှန်ပါတယ်။ ဘ၀ တိုးတက်ဖို့ဆိုတာ ရည်မှန်းချက်ရှိမှာ ဖြစ်နိုင်တာပါ။ ရည်မှန်းချက်မရှိသူဟာ ပဲ့မပါတဲ့လှေ၊ စတီယာရင်မပါတဲ့ကား၊ ရေဒါမပါတဲ့ လေယာဉ်လို ဦးတည်ရာရှာမရဘဲ စမ်းတ၀ါးဝါးနဲ့ ခရီးဆက်ရမှာပါ။ ဒါပေမယ့် ရည်မှန်းချက် အထားမလွန်ဖို့တော့ အရေးကြီးပါတယ်။ မဖြစ်နိုင်တာကို ဖြစ်ရမယ်လို့ ရည်မှန်းချက်ထားလို့ မရပါဘူး။ ဥပမာအားဖြင့် ယောက်ျားကိုအလျှော့မပေးချင်စိတ်နဲ့ အပြိုင်ဆုတောင်းခဲ့လို့ နတ်ပြည်မှာ နတ်သားတစ်ဖက် ငါးရာရဲ့ ၀ိုင်းပြီး ပျော်ပါးခြင်းကိုခံရတဲ့ နတ်သမီးတစ်ယောက်အကြောင်း ဟာသပုံပြင်လေးကို နမူနာယူသင့်ပါတယ်။ ကိုယ့်ခွန်အားနဲ့မမျှတဲ့ ရည်မှန်းချက်တွေ မချမိဖို့ အလွန်ကို အရေးကြီးပါတယ်။ မတော်လောဘနဲ့ယှဉ်တဲ့ ပုဂ္ဂိုလ်ရေး ရည်မှန်းချက်တွေ့ကြောင့် ပတ်ဝန်းကျင်ကို အကြီးအကျယ် ထိခိုက်စေတတ်ပြီး နောက်ဆုံး ထိုသူကိုယ်တိုင် အဲဒီရည်မှန်းချက်ရဲ့ သားကောင်အဖြစ် ပျက်စီးဘ၀ဆုံးသွားတာမျိုး ဖြစ်စေနိုင်ပါတယ်။ ဒါကြောင့် ဒီလိုရည်မှန်းချက်မျိုးတွေ ရှိနေပြီဆိုရင်တော့ မြန်မြန်မောင်းထုတ်ပစ်မှသာ ကျွန်တော်တို့ ပိုးကိုက်ခြင်းဘေးမှ ကင်းဝေးမှာပါ။

မနာလိုခြင်း။ ။ မနာလိုစိတ်ဆိုတာ မမှန်ကန်သော ယှဉ်ပြိုင်မှုကြောင့် ဖြစ်လာတာမျိုးပါ။ လူအများစုက သူ့အကြောင်းနဲ့သူ ဖြစ်တဲ့ကိစ္စကို ကိုယ့်အကြောင်းနဲ့ကိုယ် မဖြစ်တဲ့ကိစ္စနဲ့ ယှဉ်ကြည့်တတ်ကြပါတယ်။ သူများက ကျားကုတ်ကျားခဲ ကြိုးစားနေချိန်တုန်းကတော့ ကိုယ်က ပေါ့ပေါ့နေ ပေါ့ပေါ့စားခဲ့ပြီး၊ သူအောင်မြင်သွားတော့မှ မနာလိုဖြစ်တာဟာ မှန်ကန်တဲ့ ယှဉ်ပြိုင်မှု မဟုတ်ပါဘူး။ ကိုယ်ကမှ ကြိုးစားချင်စိတ် မရှိဘဲ နေ့မအိပ်ညမအိပ် ကြိုးစားပြီး အောင်မြင်သွားတဲ့သူတစ်ယောက်ကို မတရားစီးပွားရှာသူလို့ အမနာပပြောတာဟာ မှန်ကန်တဲ့ လုပ်ရပ်မဖြစ်နိုင်ပါဘူး။ အဲဒီလိုလူမျိုးဟာ သူ့ရဲ့ မူမမှန်စိတ်၊ မနာလိုစိတ်တွေက သူတို့ကို အမြဲချောက်လှန့်ခြင်းကို ခံကြရတတ်ပါတယ်။

ဒေါသ။။ ဒေါသဆိုတာမျိုးဟာ လူတိုင်းနဲ့မကင်းနိုင်ပေမယ့်လည်း အလွန်ဆိုးရွားတဲ့ ပိုးတစ်ကောင် ဖြစ်လို့နေပါတယ်။ ဒေါသဟာ ပူလောင် ပါတယ်။ ဒေါသထွက်နေသူတစ်ယောက်ဟာ အသက်ရှုမြန်လာပါတယ်။ နှလုံးခုန်နှုံးလည်း မြန်လာပါတယ်။ အသက်ရှုမ၀တော့ဘဲ အဆုတ်ကို အလွန်အားစိုက်ကာ ရှုရှိုက်ရပါတယ်။ တစ်ချို့ အလွန်ဒေါသကြီးသူတွေဆိုရင် တက်သွားတာမျိုး၊ သတိလစ်သွားတာမျိုးပင် ဖြစ်တတ်ပါတယ်။ ဆေးပညာရှင်များက နှလုံးရောဂါဖြစ်ရခြင်း၏ အကြောင်းအရင်းခံတစ်ရပ်မှာ ဒေါသကြီးခြင်းပင်ဖြစ်သည်ဟု သတ်မှတ်ကြပါတယ်။ ဒေါသစိတ် မွှန်နေချိန်မှာ ပြုလုပ်ခဲ့တဲ့ ဆုံးဖြတ်ချက်ဟာလည်း အမှားများတတ်ပါတယ်။ ဒေါသဟာ ပျော်ရွှင်မှုရဲ့ဆန့်ကျင်ဘက်ဖြစ်တဲ့အတွက် လူတွေကို အမြဲတမ်း အရှုံးပေါ်စေပါတယ်။

မာန။ ။ ကျွန်တော်တို့ကိုယ်ထဲက နောက်ဆုံးပိုးတစ်ကောင်ကတော့ မာနပဲဖြစ်ပါတယ်။ မာနဆိုတာကတော့ စိတ်ကြီးဝင်ခြင်း၊ ဘ၀င်မြင့်ခြင်း၊ ထောင်လွှားခြင်းလို့ ဖွင့်ဆိုနိုင်ပါတယ်။ မာနထောင်လွှားသူဟာ ကိုယ့်ရဲ့ အရှိအတိုင်းထက် ပိုပြီး ရှုမြင်တတ်တဲ့အတွက် ဘ၀င်မြင့်သူပါပဲ။ ဒါကြောင့် သူတစ်ပါးရဲ့ မျက်မုန်းကျိုးခြင်းကို ခံရတတ်ပါတယ်။ မာနကြီးသူဟာ နေရာတကာမှာ မာနကိုသာ အလေးထားပြီး မာနကို ထိခိုက်ခံရ ရင် အလွန်ကို စိတ်ဆင်းရဲကြရပါတယ်။ လူတွေကို မတူသလို မတန်သလို ဆက်ဆံတတ်တဲ့အတွက်လည်း အထီးကျန်တတ်ပါတယ်။ ဒါကြောင့် မာနဟာလည်း လူကိုဖျက်ဆီးတဲ့ပိုးတစ်မျိုးအဖြစ် သတ်မှတ်လို့ရတဲ့ အရာတစ်ခုပဲ ဖြစ်ပါတယ်။

အနှစ် ၄၀၀ လုံးလုံး ပြင်ပကို ရာသီဥတုဒဏ်ကို ကြံ့ကြံ့ခံနိုင်ခဲ့တဲ့ ၀က်သစ်ချပင်ကြီး နောက်ဆုံးမှာ လက်တစ်ဖျစ်စာသာရှိတဲ့ ပိုးကောင်လေးတွေရဲ့ လှိုက်စားမှုကြောင့် အလိုအလျောက်ပြိုလဲကျခဲ့ရတာကို ဆင်ခြင်သုံးသပ်နိုင်ကြပါစေကြောင်း ဆုမွန်ကောင်းတောင်းပေးလိုက်ရပါတယ်ခင်ဗျာ။

(ဆရာဖေမြင့် ဘာသာပြန်ရေးသားထားတဲ့ မူမှန်စိတ်၊ မူမှန်အတွေး၊ မူမှန်အကျင့်အကြံ (၂) စာအုပ်မှ ငြိမ်းချမ်းမှုကို ဖျက်ဆီးသူများအား မှီငြမ်းထားပါသည်။)

Technorati Technorati tags: , , , , Powered by ScribeFire.

0 comments:

ဖတ်ရှုသူတို့၏ မှတ်ချက်များ

Weblog Commenting and Trackback by HaloScan.com