နိုင်ငံရေးအကြောင်းပြောရင် နိုင်ငံတော်နဲ့ အစိုးရအပိုင်းကို ထည့်မပြောလို့မရပါဘူး။ နောက်ပြီး နိုင်ငံရေးမှာ စနစ် system ဆိုတာ ရှိရပါတယ်။ စနစ်တစ်ခုဟာ နိုင်ငံတော်ရဲ့ဆုံးဖြတ်ချက်ကို လွှမ်းမိုးတတ်ပါတယ်။ ဆုံးဖြတ်ချက်ချမှတ်ရသူတွေဟာ တစ်ဦး တစ်ယောက်ချင်းဖြစ်နိုင်သလို အဖွဲ့အစည်းနဲ့လည်း ဖြစ်နိုင်ပါတယ်။ ဘာပဲဖြစ်ဖြစ် စနစ်တစ်ခုရဲ့လွှမ်းမိုးမှုကို ခံရမှာပဲ ဖြစ်ပါတယ်။ နောက်ပြီး ပြည်သူဆိုတာရှိတယ်။ ပြည်သူ့အသံဆိုတာ ရှိတယ်။ မီဒီယာရှိတယ်။ အတိုက်အခံဆိုတာလည်း ရှိတယ်။ လက်ရှိ အနေအထားတွေကို ဖိအားတွေအမျိုးမျိုးပေးပြီး နောက်ကွယ်က တွန်းအားပေးနေတတ်တာ နိုင်ငံရေးရဲ့ ၀ိသေသတွေဖြစ်လို့ သိပ်ပြီးထူးခြားတယ်လို့တော့ မဆိုနိုင်ပါဘူး။ နိုင်ငံရေးစနစ်ကို ရုပ်ပိုင်းဆိုင်ရာတွေနဲ့ တိုင်းတာလို့မရပါဘူး။ ပုံသေ သတ်မှတ် လို့လည်း မရပါဘူး။ လူ့ဘောင်အဖွဲ့အစည်းတစ်ခုဟာ ဘယ်လောက်ထိ တိုးတက်ကျယ်ပျံ့မှုရှိတယ်၊ ဘယ်လောက် အတိုင်းအတာ အထိ ဖော်ဆောင်နိုင်စွမ်းရှိတယ်၊ ဘယ်လောက် လွှမ်းမိုးသက်ရောက်မှုရှိတယ်ဆိုတာနဲ့ ပတ်သက်ပြီး နိုင်ငံရေးဟာ အမျိုးမျိုး ကွဲပြားခြားနားနိုင်ပါတယ်။
နိုင်ငံတော်လို့ဆိုလိုက်ရင် ခိုင်မြဲသောသဘောဆောင်သွားပါတယ်။ နိုင်ငံတော်မှာ အစိုးရအဖွဲ့ဆိုတာ ရှိရပါတယ်။ အုပ်ချုပ်ရေးအဖွဲ့၊ တရားစီရင်ရေးအတွက် တရားရုံး၊ အေးချမ်းလုံခြုံရေးအတွက် ရဲတပ်ဖွဲ့ဆိုတာတွေ ထားရပါတယ်။ ဒါတွေကိုထားဖို့လိုတယ်ဆိုတာ လူ့အဖွဲ့အစည်းရဲ့ လိုအပ်ချက်တစ်ခုဖြစ်သလို၊ မရှိမဖြစ်အနေနဲ့ အားလုံးက လက်ခံထားကြရတဲ့ သတ်မှတ်ချက်လည်းဖြစ်ပါတယ်။ နိုင်ငံတော်ဆိုတဲ့ သတ်မှတ်ချက်အောက်မှာ ဥပဒေချမှတ်ဖို့၊ ချမှတ်ထားတဲ့ဥပဒေကို လိုက်နာဖို့ဆိုတာတွေကလည်း ဖွဲ့စည်းသတ်မှတ်ထားတဲ့ အဖွဲ့အစည်းတွေအနေနဲ့ မလွဲမသွေ လုပ်ဆောင်ကြရမယ့် တာဝန်တွေ ဖြစ်ပါတယ်။ နိုင်ငံတော်ဆိုတာ ပထ၀ီအနေအထားအရ သတ်မှတ်ထားတဲ့ဘောင်အတွင်းမှာ "တိုင်းပြည်" လည်းဖြစ်နိုင်သလို "လူမျိုး" လည်း ဖြစ်နိုင်ပါတယ်။
"အစိုးရ" ဆိုတာကတော့ ဥပဒေပြုခြင်း၊ ဥပဒေကို အကောင်အထည်ဖော်ခြင်း၊ ဥပဒေကို လိုက်နာစေခြင်းဆိုတဲ့ သဘောသက်ရောက်ပါတယ်။ အစိုးရဆိုတာကို ကျဉ်းမြောင်းတဲ့အမြင်နဲ့ကြည့်လိုက်ရင် နိုင်ငံတော်ရဲ့အာဏာကို ချုပ်ကိုင်ထားတဲ့ အဖွဲ့လို့မြင်ကြပါလိမ့်မယ်။ ဒီလိုပြောရတာကလည်း အစိုးရဖွဲ့ကြဟေ့လို့ အခွင့်ရလိုက်တာနဲ့ ရလိုက်တဲ့ အုပ်စုတစ်စု သို့မဟုတ် ပါတီတစ်ပါတီက နိုင်ငံတော်ကြီးတစ်ခုလုံးကို သူစွဲကိုင်ထားတဲ့ နိုင်ငံရေးဆိုင်ရာ မူဝါဒသဘောတရားတွေ၊ စနစ်တွေနဲ့ အကောင်အထည်ဖော်ပြီး တည်ဆောက်ကြရပါတော့တယ်။
အစိုးရဆိုတာ သူတို့အဖွဲ့ချမှတ်ထားတဲ့ ဆုံးဖြတ်ချက် ဥပဒေတွေအတိုင်း ပြည်သူပြည်သားတွေ လိုက်နာနိုင်အောင် လုံခြုံမှုပေးနိုင်ရပါတယ်။ နိုင်ငံတော်လုံခြုံရေးနဲ့ တရားဥပဒေ စိုးမိုးရေးလို့ လွယ်လွယ်နဲ့သုံးလိုက်ရင် သဘောပေါက်လိမ့်မယ် ထင်ပါတယ်။ အစိုးရအနေနဲ့ သူဖန်တီးချင်တဲ့ မူဝါဒသဘောတရားတွေ၊ စနစ်တွေအောင်မြင်ဖို့ အပိုင်းနှစ်ပိုင်းနဲ့ လုပ်ဆောင်ကြရပါတယ်။ ပထမတစ်ပိုင်းက "အာဏာ" ဖြစ်ပါတယ်။ အာဏာဆိုတာ ဖြစ်သင့်ဖြစ်ထိုက်တာကို မဖြစ်မနေလိုက်နာကြရအောင် မရှိမဖြစ်လိုအပ်ပါတယ်။ ကိုယ့်ကို မုန်းနေတဲ့သူကို ပြုံးပြပြီး သွားခိုင်းနေလို့ အောင်မြင်ချင်မှာပေါ့။ အာဏာကိုတည်မြဲစေဖို့ အမိန့်ဆိုတာကို သုံးသင့်ရင်သုံးရပါတယ်။ ငါတို့ ဒါတွေ ဆုံးဖြတ်ထားတယ်။ လိုက်ကိုလိုက်နာရမယ်။ သူလိုက်နာပြီး ငါမလိုက်နာဘူးဆိုတာမျိုး မရှိစေရပါဘူး။ မလိုက်နာရင် အရေးယူမယ်ဆိုတာမျိုးတွေကိုလည်း ပြဌာန်းပေးကြရပါတယ်။ ချမှတ်ထားတဲ့ မူဝါဒတွေ၊ သဘောတရားတွေကို အောင်မြင်ချင်ရင် အာဏာကို ကျင့်သုံးရတာဟာ နိုင်ငံရေးမှာ လိုအပ်ချက်တစ်ခုဖြစ်ပါတယ်။
အာဏာကိုလက်ကိုင်ထားပြီး သုံးခွင့်ရှိတဲ့ အစိုးရအနေနဲ့ ဥပဒေကို မလေးစားမလိုက်နာသူတွေ ကြောက်လောက်တဲ့ အနေအထား၊ အရှိန်အ၀ါလည်း ရှိနေရပါလိမ့်မယ်။ ဘိန်းစားကနေ ကံကောင်းလို့ ဘုရင်တက်ဖြစ်တဲ့ခေတ် မဟုတ်ပါဘူး။ ဖုတ်သွင်းရထားဆိုက်လာလို့ ဘုရင်လုပ်မယ်ဆိုတာမျိုးလည်း မရှိတော့ပါဘူး။ ပညာမတတ်၊ အရည်အချင်းမရှိသူတွေက တိုင်းပြည်အာဏာလိုချင်ပါတယ်လို့ အော်နေတိုင်းလည်း ပြည်သူအများရဲ့အကျိုးအတွက် ၀ကွက်အပ်လို့ မရပါဘူး။ အာဏာကို အစိုးရသာ သုံးခွင့်ရှိတယ်ဆိုတော့ အရည်အချင်းပြည့်ဝတဲ့ အစိုးရဆိုတာ ဘယ်ကနေလာသလဲဆိုတာ သေချာစွာသုံးသပ်သင့်တဲ့ နိုင်ငံရေးကိစ္စဖြစ်လာရပါတော့တယ်။
ဒုတိယအနေနဲ့ အစိုးရမှာ အာဏာဆိုတာရှိသလို လုပ်ပိုင်ခွင့်လည်း ရှိတယ်လို့သိထားရပါမယ်။ အစိုးရဆိုတာ အာဏာနဲ့ လုပ်ပိုင်ခွင့်ကိုအသုံးပြုပြီး ပြည်သူကို ထိန်းသိမ်းအုပ်ချုပ်နိုင်တဲ့ အဖွဲ့အစည်းဖြစ်ဖို့ လိုပါတယ်။ လုပ်ပိုင်ခွင့်နဲ့ အာဏာကို အသုံးပြုခွင့်တွေဟာ ကိုယ်ကျင့်တရားနဲ့လည်း ဆိုင်ပါတယ်။ လူတစ်ဦးချင်းဖြစ်စေ အဖွဲ့အစည်းမှာဖြစ်စေ အပြန်အလှန် လေးစားလိုက်နာခြင်းဆိုတာ ရှိရပါတယ်။ လူရယ်လို့ဖြစ်လာကတည်းက ငါ သူပုန်ထဖို့ လူဖြစ်လာတာမဟုတ်ဘူးလို့ သဘောပေါက်ထားရပါမယ်။ လူ့ဘောင်အဖွဲ့အစည်းနဲ့နေသူတွေဖြစ်လို့ လူ့ဘောင်က သတ်မှတ်ချက်တွေကို လိုက်နာကြရပါလိမ့်မယ်။ လူသားရယ်လို့ဖြစ်လာကတည်းက အခြေခံလိုက်နာရမယ့်စံတွေကို သတ်မှတ်ပြီးသားဖြစ်နေလို့ ဘောင်ထဲကထွက်ချင်လို့လည်း မရပါဘူး။ ဘောင်ထဲကနေ ကိုယ်သန်ရာ ကိုယ်ပြောပြီး ငါတကောကောနေလည်း မောရုံပဲရှိပါလိမ့်မယ်။ နိုင်ငံသားဆိုတာ အစိုးရအုပ်ချုပ်ခြင်းကို လေးစားလိုက်နာရပါလိမ့်မယ်။ ကိုယ်လူဖြစ်နေရတဲ့လောကမှာ ကိုယ်က ဘာမှမဟုတ်ရင် အုပ်ချုပ်မှုကိုခံရတာ သဘာဝပါပဲ။
လွတ်လပ်သော ဒီမိုကရေစီစနစ်မှာ အာဏာဆိုတာ လုပ်ပိုင်ခွင့်နဲ့ အတူယှဉ်တွဲပြီး ပေါ်ပေါက်လာရပါတယ်။ အစိုးရဆိုတာ အာဏာနဲ့ လုပ်ပိုင်ခွင့်ကို လိုက်နာစောင့်ထိန်းကြရတဲ့သူတွေ ဖြစ်ပါတယ်။ အုပ်ချုပ်ခွင့်အာဏာဆိုတာ ပြည်သူက ပေးအပ်ထားလို့ပဲဖြစ်ပါတယ်။ ဒီတော့ တရားဥပဒေနဲ့ အာဏာသက်ရောက်စေဖို့ တရားရုံးတွေ ပေါ်လာရတယ်။ ပြဌာန်းထားတဲ့ ဥပဒေကို မလိုက်နာရင် အရေးယူကြရပါတယ်။ ဖောက်ဖျက်ကျူးလွန်သူတွေကို ရဲတွေက ဖမ်းဆီး အရေးယူပေးကြရပါတယ်။ အာဏာနဲ့ လုပ်ပိုင်ခွင့် ကင်းကွာသွားချိန်ဟာ နိုင်ငံရေးမတည်ငြိမ်ချိန်နဲ့ အကြမ်းဖက်လိုမှုတွေ ပြင်းထန်နေချိန်မှာ ဖြစ်ပေါ်လာတတ်ပါတယ်။ ဆန့်ကျင်ပုန်ကန်မှုတွေ ဖြစ်ပေါ်လာရင်၊ လက်ရှိ အစိုးရကို ခြိမ်းခြောက်လိုမှုတွေဖြစ်လာရင်၊ ဥပဒေကို မလိုက်နာရင် အချုပ်အခြာအာဏာကို ထိပါးခြင်းလို့လည်း သတ်မှတ်နိုင်ပါတယ်။
(၂၀၀၇ ဒီဇင်ဘာလထုတ် မျက်မှောက်ရေးရာမဂ္ဂဇင်းတွင် ပါရှိသည့် တင်ညွန့်ရေးသားသော နိုင်ငံရေးနှင့် နိုင်ငံရေးသမား ဆောင်းပါးမှ ကောက်နုတ်ထားပါသည်။)
နိုင်ငံတော်လို့ဆိုလိုက်ရင် ခိုင်မြဲသောသဘောဆောင်သွားပါတယ်။ နိုင်ငံတော်မှာ အစိုးရအဖွဲ့ဆိုတာ ရှိရပါတယ်။ အုပ်ချုပ်ရေးအဖွဲ့၊ တရားစီရင်ရေးအတွက် တရားရုံး၊ အေးချမ်းလုံခြုံရေးအတွက် ရဲတပ်ဖွဲ့ဆိုတာတွေ ထားရပါတယ်။ ဒါတွေကိုထားဖို့လိုတယ်ဆိုတာ လူ့အဖွဲ့အစည်းရဲ့ လိုအပ်ချက်တစ်ခုဖြစ်သလို၊ မရှိမဖြစ်အနေနဲ့ အားလုံးက လက်ခံထားကြရတဲ့ သတ်မှတ်ချက်လည်းဖြစ်ပါတယ်။ နိုင်ငံတော်ဆိုတဲ့ သတ်မှတ်ချက်အောက်မှာ ဥပဒေချမှတ်ဖို့၊ ချမှတ်ထားတဲ့ဥပဒေကို လိုက်နာဖို့ဆိုတာတွေကလည်း ဖွဲ့စည်းသတ်မှတ်ထားတဲ့ အဖွဲ့အစည်းတွေအနေနဲ့ မလွဲမသွေ လုပ်ဆောင်ကြရမယ့် တာဝန်တွေ ဖြစ်ပါတယ်။ နိုင်ငံတော်ဆိုတာ ပထ၀ီအနေအထားအရ သတ်မှတ်ထားတဲ့ဘောင်အတွင်းမှာ "တိုင်းပြည်" လည်းဖြစ်နိုင်သလို "လူမျိုး" လည်း ဖြစ်နိုင်ပါတယ်။
"အစိုးရ" ဆိုတာကတော့ ဥပဒေပြုခြင်း၊ ဥပဒေကို အကောင်အထည်ဖော်ခြင်း၊ ဥပဒေကို လိုက်နာစေခြင်းဆိုတဲ့ သဘောသက်ရောက်ပါတယ်။ အစိုးရဆိုတာကို ကျဉ်းမြောင်းတဲ့အမြင်နဲ့ကြည့်လိုက်ရင် နိုင်ငံတော်ရဲ့အာဏာကို ချုပ်ကိုင်ထားတဲ့ အဖွဲ့လို့မြင်ကြပါလိမ့်မယ်။ ဒီလိုပြောရတာကလည်း အစိုးရဖွဲ့ကြဟေ့လို့ အခွင့်ရလိုက်တာနဲ့ ရလိုက်တဲ့ အုပ်စုတစ်စု သို့မဟုတ် ပါတီတစ်ပါတီက နိုင်ငံတော်ကြီးတစ်ခုလုံးကို သူစွဲကိုင်ထားတဲ့ နိုင်ငံရေးဆိုင်ရာ မူဝါဒသဘောတရားတွေ၊ စနစ်တွေနဲ့ အကောင်အထည်ဖော်ပြီး တည်ဆောက်ကြရပါတော့တယ်။
အစိုးရဆိုတာ သူတို့အဖွဲ့ချမှတ်ထားတဲ့ ဆုံးဖြတ်ချက် ဥပဒေတွေအတိုင်း ပြည်သူပြည်သားတွေ လိုက်နာနိုင်အောင် လုံခြုံမှုပေးနိုင်ရပါတယ်။ နိုင်ငံတော်လုံခြုံရေးနဲ့ တရားဥပဒေ စိုးမိုးရေးလို့ လွယ်လွယ်နဲ့သုံးလိုက်ရင် သဘောပေါက်လိမ့်မယ် ထင်ပါတယ်။ အစိုးရအနေနဲ့ သူဖန်တီးချင်တဲ့ မူဝါဒသဘောတရားတွေ၊ စနစ်တွေအောင်မြင်ဖို့ အပိုင်းနှစ်ပိုင်းနဲ့ လုပ်ဆောင်ကြရပါတယ်။ ပထမတစ်ပိုင်းက "အာဏာ" ဖြစ်ပါတယ်။ အာဏာဆိုတာ ဖြစ်သင့်ဖြစ်ထိုက်တာကို မဖြစ်မနေလိုက်နာကြရအောင် မရှိမဖြစ်လိုအပ်ပါတယ်။ ကိုယ့်ကို မုန်းနေတဲ့သူကို ပြုံးပြပြီး သွားခိုင်းနေလို့ အောင်မြင်ချင်မှာပေါ့။ အာဏာကိုတည်မြဲစေဖို့ အမိန့်ဆိုတာကို သုံးသင့်ရင်သုံးရပါတယ်။ ငါတို့ ဒါတွေ ဆုံးဖြတ်ထားတယ်။ လိုက်ကိုလိုက်နာရမယ်။ သူလိုက်နာပြီး ငါမလိုက်နာဘူးဆိုတာမျိုး မရှိစေရပါဘူး။ မလိုက်နာရင် အရေးယူမယ်ဆိုတာမျိုးတွေကိုလည်း ပြဌာန်းပေးကြရပါတယ်။ ချမှတ်ထားတဲ့ မူဝါဒတွေ၊ သဘောတရားတွေကို အောင်မြင်ချင်ရင် အာဏာကို ကျင့်သုံးရတာဟာ နိုင်ငံရေးမှာ လိုအပ်ချက်တစ်ခုဖြစ်ပါတယ်။
အာဏာကိုလက်ကိုင်ထားပြီး သုံးခွင့်ရှိတဲ့ အစိုးရအနေနဲ့ ဥပဒေကို မလေးစားမလိုက်နာသူတွေ ကြောက်လောက်တဲ့ အနေအထား၊ အရှိန်အ၀ါလည်း ရှိနေရပါလိမ့်မယ်။ ဘိန်းစားကနေ ကံကောင်းလို့ ဘုရင်တက်ဖြစ်တဲ့ခေတ် မဟုတ်ပါဘူး။ ဖုတ်သွင်းရထားဆိုက်လာလို့ ဘုရင်လုပ်မယ်ဆိုတာမျိုးလည်း မရှိတော့ပါဘူး။ ပညာမတတ်၊ အရည်အချင်းမရှိသူတွေက တိုင်းပြည်အာဏာလိုချင်ပါတယ်လို့ အော်နေတိုင်းလည်း ပြည်သူအများရဲ့အကျိုးအတွက် ၀ကွက်အပ်လို့ မရပါဘူး။ အာဏာကို အစိုးရသာ သုံးခွင့်ရှိတယ်ဆိုတော့ အရည်အချင်းပြည့်ဝတဲ့ အစိုးရဆိုတာ ဘယ်ကနေလာသလဲဆိုတာ သေချာစွာသုံးသပ်သင့်တဲ့ နိုင်ငံရေးကိစ္စဖြစ်လာရပါတော့တယ်။
ဒုတိယအနေနဲ့ အစိုးရမှာ အာဏာဆိုတာရှိသလို လုပ်ပိုင်ခွင့်လည်း ရှိတယ်လို့သိထားရပါမယ်။ အစိုးရဆိုတာ အာဏာနဲ့ လုပ်ပိုင်ခွင့်ကိုအသုံးပြုပြီး ပြည်သူကို ထိန်းသိမ်းအုပ်ချုပ်နိုင်တဲ့ အဖွဲ့အစည်းဖြစ်ဖို့ လိုပါတယ်။ လုပ်ပိုင်ခွင့်နဲ့ အာဏာကို အသုံးပြုခွင့်တွေဟာ ကိုယ်ကျင့်တရားနဲ့လည်း ဆိုင်ပါတယ်။ လူတစ်ဦးချင်းဖြစ်စေ အဖွဲ့အစည်းမှာဖြစ်စေ အပြန်အလှန် လေးစားလိုက်နာခြင်းဆိုတာ ရှိရပါတယ်။ လူရယ်လို့ဖြစ်လာကတည်းက ငါ သူပုန်ထဖို့ လူဖြစ်လာတာမဟုတ်ဘူးလို့ သဘောပေါက်ထားရပါမယ်။ လူ့ဘောင်အဖွဲ့အစည်းနဲ့နေသူတွေဖြစ်လို့ လူ့ဘောင်က သတ်မှတ်ချက်တွေကို လိုက်နာကြရပါလိမ့်မယ်။ လူသားရယ်လို့ဖြစ်လာကတည်းက အခြေခံလိုက်နာရမယ့်စံတွေကို သတ်မှတ်ပြီးသားဖြစ်နေလို့ ဘောင်ထဲကထွက်ချင်လို့လည်း မရပါဘူး။ ဘောင်ထဲကနေ ကိုယ်သန်ရာ ကိုယ်ပြောပြီး ငါတကောကောနေလည်း မောရုံပဲရှိပါလိမ့်မယ်။ နိုင်ငံသားဆိုတာ အစိုးရအုပ်ချုပ်ခြင်းကို လေးစားလိုက်နာရပါလိမ့်မယ်။ ကိုယ်လူဖြစ်နေရတဲ့လောကမှာ ကိုယ်က ဘာမှမဟုတ်ရင် အုပ်ချုပ်မှုကိုခံရတာ သဘာဝပါပဲ။
လွတ်လပ်သော ဒီမိုကရေစီစနစ်မှာ အာဏာဆိုတာ လုပ်ပိုင်ခွင့်နဲ့ အတူယှဉ်တွဲပြီး ပေါ်ပေါက်လာရပါတယ်။ အစိုးရဆိုတာ အာဏာနဲ့ လုပ်ပိုင်ခွင့်ကို လိုက်နာစောင့်ထိန်းကြရတဲ့သူတွေ ဖြစ်ပါတယ်။ အုပ်ချုပ်ခွင့်အာဏာဆိုတာ ပြည်သူက ပေးအပ်ထားလို့ပဲဖြစ်ပါတယ်။ ဒီတော့ တရားဥပဒေနဲ့ အာဏာသက်ရောက်စေဖို့ တရားရုံးတွေ ပေါ်လာရတယ်။ ပြဌာန်းထားတဲ့ ဥပဒေကို မလိုက်နာရင် အရေးယူကြရပါတယ်။ ဖောက်ဖျက်ကျူးလွန်သူတွေကို ရဲတွေက ဖမ်းဆီး အရေးယူပေးကြရပါတယ်။ အာဏာနဲ့ လုပ်ပိုင်ခွင့် ကင်းကွာသွားချိန်ဟာ နိုင်ငံရေးမတည်ငြိမ်ချိန်နဲ့ အကြမ်းဖက်လိုမှုတွေ ပြင်းထန်နေချိန်မှာ ဖြစ်ပေါ်လာတတ်ပါတယ်။ ဆန့်ကျင်ပုန်ကန်မှုတွေ ဖြစ်ပေါ်လာရင်၊ လက်ရှိ အစိုးရကို ခြိမ်းခြောက်လိုမှုတွေဖြစ်လာရင်၊ ဥပဒေကို မလိုက်နာရင် အချုပ်အခြာအာဏာကို ထိပါးခြင်းလို့လည်း သတ်မှတ်နိုင်ပါတယ်။
(၂၀၀၇ ဒီဇင်ဘာလထုတ် မျက်မှောက်ရေးရာမဂ္ဂဇင်းတွင် ပါရှိသည့် တင်ညွန့်ရေးသားသော နိုင်ငံရေးနှင့် နိုင်ငံရေးသမား ဆောင်းပါးမှ ကောက်နုတ်ထားပါသည်။)
Technorati tags: state, government, politics Powered by ScribeFire.
0 comments:
Post a Comment