တက္ကသိုလ်ကျောင်းသားတစ်ဦးကလည်း ဒီမိုကရေစီကြောင့်ရလာမည့် အခွင့်အရေးများကိုတော့ အမိအရလက်ကိုင်ထားပြီး အသုံးချကာ ဒီမိုကရေစီစနစ်နှင့်အတူ အလိုလိုရှိလာမည့် နိုင်ငံသားတစ်ဦးချင်းစီ၏ အသီးသီးတာဝန်ယူမှုအပိုင်းကိုကျ မသိကျိုးကျွံပြုနေမယ် တာဝန် ယူမှု မရှိဘူးဆိုရင်တော့ ဒါဟာ ဒီမိုကရေစီကျင့်သုံးတယ်ဟု မဆိုနိုင်ကြောင်း၊ ဒီမိုကရေစီရပြီး ဒီမိုကရေစီစနစ်ကျင့်သုံးပြီဆိုသည်နှင့် မိမိနိုင်ငံဟာလည်း အခြားဒီမိုကရေစီကျင့်သုံးသည့် တိုးတက်သော နိုင်ငံကြီးများလို ဖြစ်လာမည်ဟု တွေးထင်ထား၍မရကြောင်း၊ ဒီမိုကရေစီစနစ်များတွင် အရင်းရှင်ဒီမိုကရေစီ၊ ဆိုရှယ်လစ်ဒီမိုကရေစီ၊ လမ်းညွှန်ဒီမိုကရေစီ၊ တိုက်ရိုက်ဒီမိုကရေစီ၊ ကိုယ်စားပြု ဒီမိုကရေစီ၊ ပါလီမန်ဒီမိုကရေစီ၊ ဒီမိုကရေစီသစ်၊ တက်စ်မင်တာဒီိမိုကရေစီ စသည်ဖြင့် ခေတ်ကိုလိုက်၍သော်လည်းကောင်း၊ လက်ခံ ကျင့်သုံးမည့်နိုင်ငံနှင့် လူမျိုးတို့၏ ဓလေ့စရိုက်၊ ယဉ်ကျေးမှုကိုလိုက်၍သော်လည်းကောင်း ပြောင်းလဲခဲ့ ပြောင်းလဲနေသည်ဟု မှတ်သား ဖူးကြောင်း၊ နိုင်ငံတကာမှ ဒီမိုကရေစီကျင့်သုံးသည့်နိုင်ငံများဟာ မိမိနိုင်ငံ၊ မိမိလူမျိုး၊ မိမိဘာသာ၊ ယဉ်ကျေးမှု၊ ဓလေ့စရိုက်များနှင့် ကိုက်ညီမည့် ဒီမိုကရေစီစနစ်သစ်များအား ဖန်တီးကျင့်သုံးခဲ့ရကြောင်း၊ မြန်မာနိုင်ငံဟာ အမေရိကန်ပြည်တွင်ကျင့်သုံးသည့် ဒီမိုကရေစီကို ကျင့်သုံး၍မရကြောင်း၊ မြန်မာလူမျိုးသည် အမေရိကန်လူမျိုးမဟုတ်သဖြင့် အမေရိကန်သည် အမေရိကန်လူမျိုးတို့နှင့်ကိုက်ညီမည့် ဒီမိုကရေစီစနစ်ကို ကျင့်သုံးသကဲ့သို့ မြန်မာနိုင်ငံသည်လည်း မြန်မာလူမျိုးတို့နှင့် အနီးစပ်ဆုံး တစ်သားတည်းကျနိုင်မည့် ဒီမိုကရေစီ စနစ်ကို ကျင့်သုံးရန်လိုကြောင်း၊ ကမ္ဘာပေါ်တွင် ဒီမိုကရေစီစနစ် ထွန်းကားပါသည်ဆိုသော အမေရိကန်၏ဒီမိုကရေစီသည် ပြည်တွင်းစံက တစ်မျိုး၊ ပြည်ပစံက တစ်မျိုးဖြစ်နေကြောင်း၊ အမေရိကန်မှ သတ်မှတ်ထားသည့် ပြည်ပစံ ဒီမိုကရေစီသည် သူ့ပြည်တွင်းတွင်ပင် မသုံးသည့်အတွက် ကိုယ်နိုင်ငံအတွက်တော့ တွေးကြည့်ရုံဖြင့်ပင် သုံးသင့် မသုံးသင့် သိနိုင်ကြောင်း၊ ယခုအချိန်သည် မိမိတို့နိုင်ငံ၏ ဒီမိုကရေစီအတွက် လျှောက်လှမ်းရမည့် ခရီးတစ်ကွေ့သို့ ရောက်နေပြီဟု ဆိုနိုင်ကြောင်း၊ ယခုအချိန်တွင် နိုင်ငံတကာတွင် ကျင့်သုံး နေသည့် အမျိုးမျိုးသော ဒီမိုကရေစီစနစ်များ၏ မြန်မာနိုင်ငံ မြန်မာလူမျိုးတို့အတွက် ကိုက်ညီမည့် ကောင်းမွန်သောအချက်များအား နမူနာယူတတ်ရမည် ကျင့်သုံးသင့်လျှင် ကျင့်သုံးရမည်ဖြစ်ကာ လိုက်လျောညီထွေမှုမရှိ ကိုက်ညီမှုမရှိသည့်အချက်များကိုတော့ သူ့နိုင်ငံ အတွက် မည်မျှပင် ကောင်းကျိုးပြုပါစေ ကိုယ့်နိုင်ငံအတွက် မကိုက်ညီလျှင် ပယ်ဖျက်တတ်ရန်လိုကြောင်း၊ အဓိကကတော့ နိုင်ငံအုပ်ချုပ် သည့် အစိုးရသည် ပြည်သူတို့က သဘောတူညီစွာ ဆုံးဖြတ်ပေးခြင်းဖြစ်ကာ၊ ချမှတ်ပေးထားသည့် စနစ်များမှ ပြည်သူလူထု ရုပ်ပိုင်း၊ စိတ်ပိုင်း နှစ်မျိုးစလုံး ဖွံ့ဖြိုးတိုးတက်အောင် ဆောင်ရွက်ပေးနိုင်လျှင် ဒီမိုကရေစီ ကျင့်သုံးသည်ဟု ခံယူကြောင်း ပြောကြားခဲ့သည်။
ဝါရင့်နိုင်ငံရေးသုံးသပ်သူတစ်ဦးကလည်း ဒီမိုကရေစီစနစ်သည် မိမိကိုယ်မိမိ တာဝန်ယူ၊ တာဝန်သိမှု၊ လူတစ်ဦးချင်းစီ၏ တာဝန်ယူမှုကို ထိန်းကျောင်းပေးခြင်းဖြစ်ပြီး စည်းလွတ်ဝါးလွတ် မဟုတ်ကြောင်း၊ စစ်မှန်သည့် ဒီမိုကရေစီတွင် စည်းကမ်းရှိပြီးသား ကျင့်စဉ်တစ်ခုသာ ဖြစ်ကြောင်း၊ ဒီမိုကရေစီစနစ်ဆိုသည်မှာ အုပ်ချုပ်သည့်အစိုးရသည် ပြည်သူ၏ တာဝန်ပေးချက်အရ အုပ်ချုပ်ရသည်အတွက် ပြည်သူ ကသာ အစိုးရကို ပိုင်ဆိုင်ကြောင်း၊ အစိုးရသည် ပြည်သူ့ကိုယ်စား နိုင်ငံ့အရေးအရာများအား ဆောင်ရွက်ပေးခြင်းလည်း ဖြစ်ကြောင်း၊ ကိုယ်ကျိုးစီးပွားအနေဖြင့် ဒီမိုကရေစီကို အသုံးမချသင့်ကြောင်း၊ သန့်ရှင်းသည့် ဒီမိုကရေစီတွင် စည်းကမ်းပါဝင်ပြီးသားဖြစ်ကြောင်း သုံးသပ်ပြောဆိုသည်။
ပါမောက္ခ ဦးကျော်ညွန့်ကလည်း အာရှနှင့် အနောက်နိုင်ငံများတွင် ဒီမိုကရေစီစကားပြောလျှင် အနောက်နိုင်ငံများတွင် လွတ်လပ်စွာ တွေးပါဟုဆိုသော်လည်း အာရှတွင်တော့ လွတ်လပ်စွာတွေးတော့တွေးပါ ဘာသာရေးအဆုံးအမနှင့် တွေးပါဟုရှိသဖြင့် အာရှနှင့် အနောက်မှာ ယဉ်ကျေးမှုတံတိုင်းကြီးခြားနေကြောင်း၊ ဒီမိုကရေစီဆိုသည်နှင့် အနောက် ဥရောပ၊ အမေရိကန်နိုင်ငံများ၏ လစ်ဘရယ် ဒီမိုကရေစီသို့ ကူးပြောင်းရန်မလွယ်ကြောင်း၊ အာရှ၏တန်ဖိုးကို ထိခိုက်လာနိုင်သည့်ဒီမိုကရေစီမျိုးကို လက်မခံနိုင်ကြောင်း၊ သို့သော် ဟောင်ကောင်၊ တောင်ကိုရီးယား၊ ဂျပန်နှင့် ထိုင်းနိုင်ငံများတွင်တော့ လက်ခံတာ တွေ့ရကြောင်း၊ ကမ္ဘောဒီးယား၊ မလေးရှား၊ အင်ဒိုနီးရှား၊ ဖိလစ်ပိုင်၊ သီရိလင်္ကာ၊ အိန္ဒိယ စသည့်နိုင်ငံများကတော့ လက်မခံနိုင်ဘဲ ထိန်းသိမ်းကြရတာ တွေ့ရကြောင်း၊ အနောက်နိုင်ငံ များ၏ ဒီမိုကရေစီကို ပုံတူကူးချလျှင် အကောင်းထက် အဆိုးဖြစ်ရန် ပိုများကြောင်း၊ အဓိကကတော့ ပြည်သူတို့၏ ကျန်းမာရေး၊ လုံခြုံရေး၊ စာရိတ္တထိန်းပေးမည့် လွတ်လပ်သော ဒီမိုကရေစီမျိုးက အာရှနှင့် ကိုက်ညီကြောင်း၊ မြန်မာနိုင်ငံအတွက် စစ်မှန်သည့် နိုင်ငံ၏ ယဉ်ကျေးမှု၊ လူမျိုးတို့နှင့်ကိုက်ညီသည့် ဒီမိုကရေစီမျိုးကိုသာ လိုအပ်တာဖြစ်ကြောင်း၊ လွတ်လပ်သည် ဆိုရာတွင်လည်း သူတစ်ပါးအား အနှောင့်အယှက်ဖြစ်ခြင်းမရှိသည့် လွတ်လပ်ခွင့်မျိုးပဲ ဖြစ်ပြီး လူရိုင်း လွတ်လပ်ခြင်းနှင့် လူလိမ္မာလွတ်လပ်ခြင်း မတူကြောင်း၊ လူလိမ္မာတို့ လွတ်လပ်ခြင်းမျိုးဖြစ်သည့် ဒီမိုကရေစီသာ လိုအပ်ကြောင်း၊ ဥပဒေကို အလေးထားသည့် စိတ်ဓါတ်အလေ့အကျင့် မဖွံ့ဖြိုးသေးဘဲ အနောက်မှ ကျင့်သုံးနေသည့် ဒီမိုကရေစီမျိုးယူလျှင် ပျက်စီးမည်သာဖြစ်ကြောင်း၊ ထို့ကြောင့် မြန်မာတိုင်းရင်းသားတို့နှင့်ကိုက်ညီသည့် ဒီမိုကရေစီကိုသာ ရွေးချယ်သွားကြရန်လိုကြောင်း ပြောဆိုသည်။
ဒီမိုကရေစီစနစ်ဟာ ကျင့်သုံးတဲ့ ပြည်သူလူထုရဲ့ရေချိန်တွင် အများကြီးတည်ကြောင်း၊ ပြည်သူလူထုဟာ ကိုယ်နဲ့တန်တဲ့ အစိုးရကို ရကြစမြဲပဲဆိုတာ ဒီမိုကရေစီကျင့်သုံးမှုရဲ့ ရလာဒ်ပိုင်းကို ပြောတာဖြစ်ကြောင်း၊ တိုင်းပြည်ကိုအုပ်ချုပ်မည့် လူပုဂ္ဂိုလ်များအား ပြည်သူ လူထုက ဆန္ဒမဲပေးပြီး ရွေးချယ်ကြရတာကြောင့်ဖြစ်ကြောင်း၊ လူတော်များအား မရွေးမိဘဲ လူညံ့များကိုသာရွေးမိလျှင် ရွေးမိသည့် ပြည်သူလူထုအနေဖြင့် မည်သူမပြု မိမိမှုသာဖြစ်ကြောင်း၊ ထို့ကြောင့် ဒီမိုကရေစီစနစ် ကျင့်သုံးတော့မည်ဆိုလျှင် လူတော်လူကောင်း များအား ရွေးနိုင်စွမ်းရှိသည်အထိ ပြည်သူလူထု၏ အတွေးအခေါ် မြင့်မားရေးကိုပါ အလေးပေးပြီး လုပ်ကြရကြောင်း၊ လတ်တလော ဥပမာပေးရလျှင် ပါလက်စတိုင်းတွင် ဟားမားစ်တို့အား ရွေးကောက်တင်မြှောက်လိုက်သဖြင့် အရှေ့အလယ်ပိုင်းပြဿနာ ဖြေရှင်းရေး လုပ်ငန်းစဉ်များပါ အကုန်ရပ်သွားခဲ့ကြောင်း ဆရာမောင်ဝံသမှ ပြောကြားခဲ့သည်။
နိုင်ငံတကာတွင် ဒီမိုကရေစီကျင့်သုံးမှုနှင့်ပတ်သက်၍ ကမ္ဘာပေါ်တွင် ဗြိတိန်နိုင်ငံအား ပါလီမန်မိခင်နိုင်ငံကြီးဟုခေါ်ပြီး အိန္ဒိယအား ဒီမိုကရေစီမိခင်ကြီးဟု ခေါ်ကြောင်း၊ အင်မတန်ရှေးဦးကျသည့် ဒီမိုကရေစီစနစ်အား ဗုဒ္ဓမြတ်စွာဘုရား လက်ထက်ကတည်းက အိန္ဒိယ တွင် ကျင့်သုံးခဲ့ကြောင်း၊ ဝေသာလီသည် ဒီမိုကရေစီနိုင်ငံဖြစ်ကြောင်း၊ နောက် ဂျပန်နိုင်ငံ၏ ဒီမိုကရေစီကျင့်သုံးပုံသည် သဘောကျဖွယ် ဖြစ်ကြောင်း၊ ဗြိတိန်နှင့် ဂျပန်သည် ဘုရင်စနစ်နှင့် ဒီမိုကရေစီကို တွဲပြီးသုံးနေတာတွေ့ရကြောင်း၊ သို့သော်လည်း ဒီမိုကရေစီစနစ် ကောင်းကောင်းကြီး ရှင်သန်နေသည်မှာ စတုတ္ထမဏ္ဍိုင်အားကောင်းသဖြင့် ဖြစ်ကြောင်း၊ စတုတ္ထမဏ္ဍိုင်သည် ပြည်သူလူထုကို အမြဲ နိုးကြားအောင် စေ့ဆော်ပေးနေကြောင်း၊ အမေရိကန်တွင်လည်း ဝါးတားဂိတ်၊ အီရန်ကွန်ထရာအရေးအခင်း စသည်တို့မှာ အုပ်ချုပ်ရေး ပိုင်းမှလူများ မတော်မတရားလုပ်သည်ကို သတင်းစာများက ဖွင့်ချခဲ့သဖြင့် သမ္မတပင် နုတ်ထွက်သွားခဲ့ရကြောင်း၊ သို့သော်လည်း ၎င်းတို့နိုင်ငံတွင် ငွေများ တရားနိုင်မဟုတ်တောင် ငွေများ မဲနိုင်ဆိုတာမျိုးတွေတော့ ရှိသေးကြောင်း၊ ငွေမရှိလျှင် နိုင်ငံရေးမလုပ်နိုင်၊ ရွေးကောက်ပွဲမဝင်နိုင်ဆိုတာမျိုးတွေ ရှိကြောင်းလည်း ဆရာမောင်ဝံသက ပြောကြားသည်။
(၂ဝဝ၇ ခုနှစ် ဒီဇင်ဘာ ၂၇ ရက်နေ့ထုတ် ရန်ကုန်တိုင်းမ်ဂျာနယ်ပါ D. မင်း၊ သန့်ကျော်ဇင်၊ ဇော်ကိုသက်နှင့် ငွေစန္ဒီတို့ စုစည်းရေးသားသည့် ပြည်သူအားလုံးလိုချင်သောဒီမိုကရေစီ၊ ဒီမိုကရေစီဆိုတာဘာလဲ ဆောင်းပါးမှ ထုတ်နှုတ်ထားပါသည်။)
Technorati tags: democracy, burma, myanmar | |
အပြည့်အစုံဖတ်ရန်
အကျဉ်းချုပ်ရန်
ဒီမိုကရေစီစနစ်သည် ဂရိနိုင်ငံမှ စတင်မွေးဖွားပေါ်ပေါက်လာပြီး ဂရိလို Demo Kratia ဟု ခေါ်ဆိုပြီး Demos သည် (People) ပြည်သူ၊ Kratos သည် (Rule or Power) စည်းမျဉ်းဥပဒေ သို့မဟုတ် အုပ်ချုပ်ရေးအာဏာဟု အဓိပ္ပါယ်သတ်မှတ်နိုင်ပြီး ပြည်သူက အုပ်ချုပ်ခြင်း၊ ပြည်သူ့အုပ်ချုပ်ရေး၊ ပြည်သူ့အစိုးရဟု ခေါ်ဆိုနိုင်သည်။ မည်သည့်ကိစ္စမဆို အများနှင့်သက်ဆိုင်သောကိစ္စဖြစ်သည်ကိုလည်းကောင်း၊ ယင်းကိစ္စမျိုးကို မည်သို့ဆောင်ရွက်ထိုက်သည်ကိုလည်းကောင်း အဆုံးအဖြတ်ပေးနိုင်သော လုပ်ပိုင်ခွင့်သည် ပြည်သူအားလုံးတွင် တည်ရှိနေသဖြင့် ပြည်သူလူထုကသာလျှင် ပြည်သူလူထုကိုအစိုးရသော အုပ်ချုပ်ရေးစနစ်ပင်ဖြစ်သည်။ ဒီမိုကရေစီစနစ်သည် ရှေးဂရိ နိုင်ငံရေးနှင့် အတွေးအခေါ်ပညာရပ်မှ စတင်ပေါက်ဖွားလာခဲ့ခြင်းပင်ဖြစ်သည်။
'Democracy is the Government of the People, by the People and for the People'' ဒီမိုကရေစီသည် ပြည်သူက အုပ်ချုပ်ခြင်း ဖြစ်ပြီး ပြည်သူက ပြည်သူကို အုပ်ချုပ်ခြင်းဟု အေဗရာဟင် လင်ကွန်းက ဆိုခဲ့ကြောင်း၊ ကမ္ဘာတွင် ထင်ရှားပြီး ခေတ်ပေါ်သမိုင်းနဲ့လည်း ကိုက်ညီတဲ့ အဓိပ္ပါယ်ဖွင့်ဆိုချက်ဖြစ်ကြောင်း ဆရာကြီး ဒဂုန်တာရာက ပြောကြားသည်။
ယင်းဒီမိုကရေစီစနစ်သည် ဘီစီ ၇၅ဝ လောက်က ဂရိနိုင်ငံတွင် အလွန်ခေတ်စားခဲ့ပေသည်။ ''ရှေးခေတ် ဂရိမြို့ပြနိုင်ငံများတွင် တိုင်းရေးပြည်ရေးကိစ္စရှိလျှင် မြို့လယ်ခေါင်ရှိ ကွက်လပ်ရင်ပြင်ကြီးတွင် မြို့သူမြို့သားများစုကာ ကိစ္စအရပ်ရပ်ကို တင်ပြကြကြောင်း၊ မြို့သူမြို့သားများထဲမှ အကြံကောင်းဥာဏ်ကောင်းပေးနိုင်သူများက ပါဝင်ဆွေးနွေးကြပြီး နောက်ဆုံး ဆုံးဖြတ်ချက်ချတော့မည် ဆိုလျှင်လည်း တက်ရောက်လာသော လူထု၏ဆန္ဒဖြင့် မဲခွဲဆုံးဖြတ်အတည်ပြုကြောင်း၊ ယင်းကို တိုက်ရိုက်ဒီမိုကရေစီဟုခေါ်ကြောင်း၊ နောက်ပိုင်း မြို့ပြနိုင်ငံအဆင့်မှ လူမျိုးစုံ စုပေါင်းနေထိုင်သည့် တိုင်းပြည်ကြီးများဖြစ်လာသည့်အခါ ထိုသို့ စုဝေးဆွေးနွေးဆုံးဖြတ်ရန် မဖြစ်နိုင်တော့ကြောင်း၊ ထိုအခါ လူထုမှ ကိုယ်စားလှယ်တင်မြှောက်စေလွှတ်သည့် သွယ်ဝိုက်ဒီမိုကရေစီ ဖြစ်ပေါ်လာကြောင်း၊ လူထုကိုယ်စားလှယ်မှားမှ ဥပဒေပြုကာ ထိုဥပဒေအား လွှတ်တော်မှယူကြောင်း၊ ထို့နောက် ယင်းဥပဒေအတိုင်း တိုင်းရေးပြည်ရေး စီမံခန့်ခွဲရန် အစိုးရကို လွှတ်တော်မှ ဖွဲ့ပေးကြောင်း၊ အချို့နိုင်ငံများတွင် လူထုမှ သမ္မတကို တိုက်ရိုက် မဲပေးကာ သမ္မတမှ အစိုးရအဖွဲ့ ဖွဲ့စည်းအုပ်ချုပ်သည်လည်းရှိကြောင်း၊ ထို့ပြင် လွတ်လပ်သည့် တရားရုံးများရှိကြောင်း၊ ဒီမိုကရေစီစနစ်တွင် လွှတ်တော်၊ အစိုးရနှင့် တရားရုံးဟု မဏ္ဍိုင်ကြီးသုံးခုသည် တစ်ခုနှင့်တစ်ခု သြဇာလွှမ်းမိုးခြင်းမရှိဘဲ တည်နေကြကြောင်း'' ဆရာမောင်ဝံသမှ ဒီမိုကရေစီ စတင်ကျင့်သုံးပုံနှင့် ဒီမိုကရေစီကျင့်သုံးမှုစနစ် ကွဲပြားလာမှုအပေါ် သုံးသပ်ပြောဆိုခဲ့သည်။
ဒီမိုကရေစီစနစ်သည် ဂရိနိုင်ငံမှ စတင်အခြေပြု ထင်ရှားလာခဲ့ပြီးနောက် ယနေ့ကမ္ဘာတွင် တစ်စတစ်စ ထင်ရှားကျော်ကြားလာသော စနစ်တစ်ခုအဖြစ်သို့ ရောက်ရှိခဲ့ပြီး နိုင်ငံတိုင်းသည်လည်း မိမိနိုင်ငံ၏ တည်နေရာ၊ ယဉ်ကျေးမှု စသည့် ကွဲပြားမှုများကြောင့် ဒီမိုကရေစီ စနစ်များသည်လည်း ပြောင်းလဲခဲ့သည်။ ယင်းနောက် ဒီမိုကရေစီ မူကွဲများ ပေါ်ပေါက်လာပြီး ပြည်သူများမှ ရွေးချယ်တင်မြှောက် လိုက်သော အစိုးရအဖွဲ့ဖြင့် ပြည်သူ့ကိုယ်စားအုပ်ချုပ်သည့် ကိုယ်စားပြုဒီမိုကရေစီ (Representative Democracy)၊ သီးခြားပါတီများ ထူထောင်ခွင့်ရှိပြီး ပါတီတိုင်း ကိုယ်ပိုင်ဝါဒ၊ ကိုယ်ပိုင်အတွေးအခေါ်များဖြင့် ဆောင်ရွက်သည့် ပါလီမန်ဒီမိုကရေစီ (Parliamentary Democracy)၊ ပြည်သူ့ကိုယ်စားပြု ကိုယ်စားလှယ်များဖြင့် လွတ်လပ်သော၊ တရားမျှတသော ရွေးချယ်တင်မြှောက်မှုများပြုလုပ်ကာ လူနည်းစုစိုးမိုးခြယ်လှယ်မှုမှ အကာအကွယ်ပေးထားသော လစ်ဘရယ် ဒီမိုကရေစီ (Liberal Democracy)၊ ပြည်သူမှ တိုက်ရိုက် အုပ်ချုပ်သော တိုက်ရိုက်ဒီမိုကရေစီ (Direct Democarcy)၊ ဒီမိုကရေစီအပေါ် ရှုထောင့်မျိုးစုံမှ လိုရာကျင့်သုံးသည့် ဆိုရှယ်လစ်ဒီမိုကရေစီ (Socialist Democracy)၊ မင်းမဲ့စရိုက် ဒီမိုကရေစီ (Anarchic Democracy)၊ အများဆန္ဒဒီမိုကရေစီ (Consensus Democracy) စသည့် ဒီမိုကရေစီမူကွဲများ ရှိနေပေသည်။
ဆရာဒဂုန်တာရာကလည်း ယနေ့ကျင့်သုံးနေသော နိုင်ငံအတော်များများသည် ဒီမိုကရေစီအစစ်ပင်ဖြစ်ကြောင်း၊ အစစ်နှင့် အတုဟု ယခုသုံးနှုန်းနေကြကြောင်း၊ အားလုံးဆောင်ရွက်ဆဲဖြစ်ပါက အစစ်ဟုပင်ခေါ်ရမည်ဖြစ်ပြီး တူချင်မှ တူမည်ဖြစ်ကြောင်း၊ မတူသည် မှာလည်း သဘာဝကျကြောင်း၊ လွန်ခဲ့သော အနှစ်နှစ်ဆယ်ကပင် ဗဟုဝါဒဟု မိမိရေးပြီးကြောင်း၊ မည်သည့်တိုင်းပြည်တွင် အုပ်ချုပ်သည် ဖြစ်စေ မည်သည့်စနစ်ဖြင့် အုပ်ချုပ်သည်ဖြစ်စေ အများပြည်သူ၏ဆန္ဒအရ အုပ်စိုးခြင်းကတော့ အများလက်ခံနိုင်သည့်အုပ်စိုးခြင်း ဖြစ်ခဲ့ကြောင်း၊ ကိုယ်ရောက်နေသည့် ခေတ်ကို ကိုယ်သိကြကြောင်း၊ ထိုသို့သိခြင်းကို အခြေခံကာ မည်သည့်စနစ်သည် အကောင်းဆုံး ဖြစ်သည်ကို ကိုယ်တိုင် ရွေးကြရမည်ဖြစ်ကြောင်း၊ ခေတ်ကောင်းဖြစ်လာရန် ခေတ်လူငယ်များကသာ လုပ်ရမည်ဖြစ်ကြောင်း၊ အချို့ကိစ္စ များသည် စောင့်ကြည့်ရန်လိုကြောင်း၊ မသိသေးသည့် အကြောင်းအရာကို ပြောရန်ခက်ကြောင်း၊ ဒီမိုကရေစီသည် ပြည်သူက အုပ်စိုး သည့်စနစ်၊ အများဆန္ဒအရ အုပ်ချုပ်သည့်စနစ်မည်သော်လည်း ဒီမိုကရေစီချင်းကတော့ ထပ်တူထပ်မျှ မတူနိုင်ကြောင်း၊ ကိုယ့်အမျိုးသား အခြေအနေ၊ ကိုယ့်ယဉ်ကျေးမှုနှင့်ကိုယ်ဖြစ်သဖြင့် တူရန်လည်း မလိုကြောင်း၊ အခြေခံအားဖြင့် အများဆန္ဒအရ ဖြစ်မည်သာဖြစ်ကြောင်း၊ အများဆန္ဒအရအုပ်ချုပ်လျှင် လွတ်လပ်မှုရှိပြီး မတည်ငြိမ်မှုများ အတော်ပင်နည်းသွားနိုင်ကြောင်း၊ ထိုကြောင့် ငြိမ်းချမ်းရေးစနစ်ဟု ဆိုနိုင်ကြောင်း၊ နိုင်ငံရေးလုပ်ခြင်းသည် ရန်သူကို မိတ်ဆွေဖြစ်အောင် ပြုခြင်းသာဖြစ်ကြောင်း၊ ယင်းသည် ငြိမ်းချမ်းရေးကိုမျှော်မှန်းသည့် ဒဿနဖြစ်ကြောင်း၊ ဒီမိုကရေစီ၏အဓိပ္ပါယ်ကို အကောင်းအထည်ဖော်ခြင်းသည် ငြိမ်းချမ်းရေးဟု မြင်ကြောင်း၊ ထို့ကြောင့် မိမိပြောသော အချက် သုံးချက်ကို လုပ်ကြရန်လိုကြောင်း ပြောဆိုခဲ့သည်။
(၂ဝဝ၇ ခုနှစ် ဒီဇင်ဘာ ၂၇ ရက်နေ့ထုတ် ရန်ကုန်တိုင်းမ်ဂျာနယ်ပါ D. မင်း၊ သန့်ကျော်ဇင်၊ ဇော်ကိုသက်နှင့် ငွေစန္ဒီတို့ စုစည်းရေးသားသည့် ပြည်သူအားလုံးလိုချင်သောဒီမိုကရေစီ၊ ဒီမိုကရေစီဆိုတာဘာလဲ ဆောင်းပါးမှ ထုတ်နှုတ်ထားပါသည်။)
Technorati tags: democracy, burma, myanmar | |
အပြည့်အစုံဖတ်ရန်
အကျဉ်းချုပ်ရန်
Wikipaedia ၏ဖွင့်ဆိုချက်အရ နိုင်ငံရေးသမားဆိုသည်မှာ လူပုဂ္ဂိုလ်တစ်ဦးချင်းဆိုင်ရာအရေး ဖြစ်ပါတယ်။ ဘယ်သူကမှ သတ်မှတ်ပေးလို့ မရပါဘူး။ အစိုးရအဖွဲ့အစည်းတစ်ခုမှာ တက်ကြွစွာလှုပ်ရှားပါဝင်သူကို နိုင်ငံရေးသမားလို့ အချို့နိုင်ငံတွေမှာ ခေါ်ကြပါတယ်။ နိုင်ငံရေး သဘောတရား၊ အတွေးအခေါ်၊ လူတန်းစားအရေးနဲ့ အာဏာဆိုတာတွေကို ကျွမ်းကျင်ပိုင်နိုင်စွာ ကိုင်တွယ်နိုင်သူတွေကိုလည်း နိုင်ငံရေး သမားတွေလို့ ခေါ်ကြပါတယ်။ အစိုးရအပိုင်းမှာ ဆုံးဖြတ်ချက်ချပေးရလောက်အောင် အရေးပါသူတွေကိုလည်း နိုင်ငံရေးသမားတွေလို့ ခေါ်ကြပါသေးတယ်။ နိုင်ငံရပ်ခြားမှာက နိုင်ငံရေးသမားဆိုတာ လုပ်ခလစာတွေနဲ့ ကျကျနန လုပ်စားနေကြသူတွေဖြစ်ပါတယ်။ နိုင်ငံရေး သမားတစ်ယောက်ဖြစ်အောင် သတ်မှတ်ထားတဲ့ ဘွဲ့တွေ၊ ဒီဂရီတွေ အဆင့်ဆင့် ရယူကြိုးပမ်းခဲ့ကြရပါတယ်။ လက်သီးလက်မောင်း တန်းနိုင်တိုင်း နိုင်ငံရေးသမားဆိုပြီး လက်ခံလေ့မရှိကြပါဘူး။ ဘယ်လောက်ချမ်းသာသလဲ၊ ချမ်းသာတဲ့ နောက်ခံ ဘယ်လောက်ရှိသလဲ ဆိုတဲ့အပေါ် မူတည်ပြီး သတ်မှတ်ရွေးချယ်လေ့ရှိကြပါတယ်။ မူလကတည်းက ပညာလည်းမတတ်၊ ဥစ္စာလည်းပြတ်သူတွေ၊ နိုင်ငံအရေး မှာ ဦးဆောင်နိုင်သူတွေ မဟုတ်ခဲ့ရင်၊ နိုင်ငံရေးအခြေခံ၊ ကိုယ့်နိုင်ငံအပေါ် နားလည်သူတွေ မဟုတ်ခဲ့ရင်၊ ကိုယ့်နိုင်ငံသူ နိုင်ငံသားတွေ မဟုတ်ခဲ့ရင် နိုင်ငံရေးလောကအနားကို သီခွင့်တောင် မပြုခဲ့ကြပါဘူး။ အခြေခံမွဲသူတွေဟာ နိုင်ငံရေးမှာ ဦးဆောင်ရမယ့်အခန်း ရောက်လာရင် ကိုယ်ကျိုးကြည့်ပြီး နိုင်ငံရေးနဲ့စီးပွားရှာကာ ကြီးပွားရာကြီးပွားကြောင်းတွေ လုပ်တတ်လို့ သူတို့ဆီမှာ နိုင်ငံရေးသမား ဆိုတာ တော်ရုံတန်ရုံ အရည်အချင်းနဲ့တော့ မဖြစ်နိုင်ပါဘူး။
ပါတီနိုင်ငံရေးမှာ ဝင်ရောက်လှုပ်ရှားသူတွေကိုလည်း နိုင်ငံရေးသမားတွေလို့ ခေါ်ကြပါတယ်။ နိုင်ငံအချို့မှာ အုပ်ချုပ်ရေး၊ တရားစီရင်ရေး၊ ဥပဒေပြုရေး၊ ဒေသဆိုင်ရာ အဖွဲ့အစည်းတွေအားလုံးမှာ ပါဝင်လှုပ်ရှားသူတွေကို နိုင်ငံရေးသမားတွေလို့ သတ်မှတ်ကြပါသေးတယ်။ မြန်မာနိုင်ငံမှာကတော့ အုပ်ချုပ်ရေးယန္တရားတွင် ပါဝင်ပတ်သက်နေသူတွေကို နိုင်ငံရေးသမားတွေလို့ မသတ်မှတ်ကြပါဘူး။ နိုင်ငံတော်ရဲ့ မူအရ ဝန်ထမ်းဟူက နိုင်ငံရေးကင်းရှင်းကြရမည်ဟု ဆိုထားသောကြောင့် အုပ်ချုပ်ရေးပိုင်းတွင် တာဝန်ယူနေသူများကို နိုင်ငံရေးသမား တွေလို့ မခေါ်နိုင်ပါဘူး။
ပါတီတွေထောင်ပြီး ပါတီက ခွင့်ပြုလို့ ပါတီတွင်း ခေါင်းဆောင်မှုပေးနိုင်သူတွေကို ပါတီနိုင်ငံရေးသမားတွေလို့ ခေါ်ကြပါတယ်။ ပါတီဝင်တိုင်း နိုင်ငံရေးသမားလို့ မခေါ်ကြပါဘူး။ မြန်မာ့ဆိုရှယ်လစ်လမ်းစဉ်ပါတီခေတ်ကလည်း နိုင်ငံ့ဝန်ထမ်းတိုင်းလိုလို ပါတီဝင်ကြရ ပေမယ့် နိုင်ငံရေးသမားတွေ မဟုတ်ပါဘူး။ ဒါပေမယ့် ပါတီကတော့ ကေဒါတွေ၊ အမြုတေတွေ၊ အရန်၊ တင်းပြည့်ဆိုတာတွေသုံးပြီးတော့ ပါတီအဆင့်တွေကို သတ်မှတ်ပေးပေမယ့် လူတိုင်းကို နိုင်ငံရေးသမားတွေလို့ ပါတီတွင်း နေရာယူထားသူတွေကတောင် သုံးနှုန်းခဲ့ကြတာ မတွေ့ရပါဘူး။ အချို့နိုင်ငံတွေမှာ ဒေသဆိုင်ရာ လုံခြုံရေးနဲ့ အုပ်ချုပ်ရေးအတွက် တာဝန်ယူထားသူတွေကို နိုင်ငံရေးသမားတွေလို့ ခေါ်ကြပါတယ်။ ဘာကြောင့်လည်းဆိုတော့ သူတို့လည်း ဒေသဆိုင်ရာ ပြည်သူတွေက ထောက်ခံပြီး ရွေးချယ်တင်မြှောက်လိုက်မှ ဒီရာထူး ကို ရရှိလာနိုင်လို့ပါ။ ဒါကြောင့် မြို့တော်ဝန်တွေ၊ ရဲတွေကိုလည်း နိုင်ငံရေးသမားတွေအနေနဲ့ သတ်မှတ်ကြပါတယ်။ သူတို့ တိုင်းပြည်တွေ မှာ ကိုယ့်ဒေသ ကိုယ့်ရပ်ရွာကို ကြီးကြပ်ကာကွယ်ပေးရသူတွေဟာ လူကြိုက်လောက်အောင် ပေါ်ပြူလာဖြစ်မှ အရွေးခံကြရပါတယ်။
နိုင်ငံတော်ရဲ့ အုပ်ချုပ်ရေးယန္တရားထဲမှာ ဝင်ရောက်လုပ်ကိုင်ပြီး လုပ်ခလစစားနေသူတွေကိုတော့ နိုင်ငံရေးသမားအနေနဲ့ မသတ်မှတ်ပါ ဘူး။ အုပ်ချုပ်ရေး၊ တရားစီရင်ရေး၊ နိုင်ငံတော်ကာကွယ်ရေးတာဝန်တွေကို အချိန်ပြည့်ထမ်းဆောင်နေကြရသူတွေကို နိုင်ငံရေးသမားတွေ လို့ မသတ်မှတ်ကြပါဘူး။ သူတို့ဟာ နိုင်ငံ့ဝန်ထမ်းတွေပဲ ဖြစ်ကြပါတယ်။ နိုင်ငံတော်မှာ အဆုံးအဖြတ်ပေးရသူတွေဖြစ်နေလို့ သူတို့ကို နိုင်ငံတော်ရဲ့ အရေးပါတဲ့တာဝန်တွေကို ထမ်းဆောင်နေသူတွေလို့သာ သတ်မှတ်ကြပြီး နိုင်ငံရေးသမားတွေလို့ မဆိုနိုင်ပါဘူး။
နိုင်ငံသူ နိုင်ငံသားတိုင်းက လွတ်လပ်စွာ ရွေးချယ်တင်မြှောက်လိုက်လို့ ထိပ်တန်းရောက်လာသူတိုင်းကိုလည်း နိုင်ငံရေးသမားလို့ မခေါ်နိုင်ပါဘူး။ ပါတီကအာဏာရလာလို့ ထိပ်တန်းတာဝန်တစ်ခုခု အပေးခံရပြီး ပါတီရဲ့တာဝန်ကို ထမ်းဆောင်နေပေမယ့် နိုင်ငံရေး သမားလို့ သူတို့ဆီမှာ မသတ်မှတ်ပါဘူး။ သူတို့သတ်မှတ်တဲ့ နိုင်ငံရေးသမားဆိုတဲ့စံမှာ ပြည်သူတွေကို အမှန်တကယ်ခေါင်းဆောင်မှု ပေးနိုင်သော၊ ပြည်သူတိုင်းက အမှန်တကယ် နားလည်လက်ခံသောဆိုတဲ့ စံတွေပါနေတာ တွေ့ရပါတယ်။ ပါတီခေါင်းဆောင်တစ်ယောက် အနေနဲ့ နိုင်ငံကိုခေါင်းဆောင်ဖို့ တာဝန်ပေးတယ်ဆိုတာ ပါတီရဲ့အဆုံးအဖြတ်ဖြစ်နိုင်သလို ပြည်သူတွေက ဒီလူကိုကြိုက်လို့ မဲပေးလိုက် တာကြောင့်လည်း ဖြစ်နိုင်ပါတယ်။ ဒီမိုကေရစီနိုင်ငံကြီးတွေမှာတောင်မှ မင်းတို့ကြိုက်တဲ့သူတက်၊ တိုင်းပြည်အတွက်လုပ်၊ မင်းတို့အတွက် မလုပ်ရင် ပြီးတာပဲဆိုပြီး လစ်လျူရှုကာ ကိုယ့်သဘောနဲ့နေကြသူတွေလည်း အများကြီးရှိပါတယ်။ ဒီမိုကရေစီနိုင်ငံကြီးတွေမှာလည်း နိုင်ငံ လုံးကျွတ်ထောက်ခံတဲ့ နိုင်ငံရေးသမားမရှိဘူးဆိုတာ တိုင်းပြည်မှာရှိတဲ့ လူဦးရေနဲ့ မဲပေးတဲ့အချိုးအဆကို နှိုင်းဆကြည့်ရင် သိနိုင်ပါတယ်။ ဆိုလိုချင်တာက နိုင်ငံရေးသမားလို့ ကြွေးကြော်ပြီး တက်လာသူတိုင်း နိုင်ငံရေးသမားတွေ မဟုတ်ကြဘူး၊ နိုင်ငံသူ နိုင်ငံသားအားလုံးကို ကိုယ်စားမပြုနိုင်ဘူးဆိုတာပါပဲ။
နိုင်ငံရေးပါတီတွေ အာဏာရလာရင် အစိုးရတွေ ဖွဲ့တတ်ကြပါတယ်။ သူတို့ကိုယ်သူတို့ နိုင်ငံရေးပါတီ၊ နိုင်ငံရေးခေါင်းဆောင်တွေအဖြစ် သတ်မှတ်ပြီး ဂုဏ်ယူတတ်ကြပေမယ့် ဒီဘက်ခေတ်အပိုင်းမှာ နိုင်ငံရေးသမားဆိုတာတွေကို ပြည်သူတွေ အမြင်မကြည်ဖြစ်လာခဲ့ကြတာ ကြာခဲ့ပါပြီ။ နိုင်ငံရေးဆိုတာ လုပ်စားစရာလို့ သတ်မှတ်ပြီး လုပ်စားသွားကြတာများလွန်းလို့ ပြည်သူအပေါင်းလည်း စိတ်ရောကိုယ်ပါ ထောင်းလမောင်း ကြေနေကြပါပြီ။ နိုင်ငံရေးသမားတွေရဲ့ မြှုပ်ကွက်တွေ၊ မသမာမှုတွေ၊ ကိုယ်အာဏာမရမချင်း အဆိုးမြင်ဝါဒ လက်ကိုင် ထားမှုတွေကြောင့် တိုင်းပြည်ထဲမှာ လူမျိုးစုအချင်းချင်း စစ်ခင်းနေကြရတာတွေကို ပြည်သူတွေ ရွံ့မုန်းနေကြပါပြီ။ ငါ့ပါတီ အာဏာမရ မချင်း တက်သမျှအစိုးရ ဆန့်ကျင်မယ်ကွလို့ တစ်ဘက်သတ် တစ်ယူသန်စိတ်တွေနဲ့ လက်နက်ကိုင်ဆန့်ကျင်နေကြလို့ သွေးချောင်းစီး နေတဲ့ နိုင်ငံတွေလည်း မနည်းတော့ပါဘူး။
နိုင်ငံရေးသမားဆိုတာကို ''နိုင်ငံရေးလုပ်စားသူများ'' လို့ သတ်မှတ်ခံကြရတာကလည်း နိုင်ငံရေးကို နိုင်ငံတော် နိုင်ငံသားတွေအတွက် လုပ်ချင်လို့မဟုတ်ဘဲ နောက်ကွယ်က ကြိုးကိုင်သူတွေအတွက်ဖြစ်စေ၊ အကျိုးအမြတ်တစ်ခုခုအတွက်ဖြစ်စေ၊ နောက်တစ်ကြိမ် ပြန်အရွေး ခံရဖို့ မသေချာသူတွေဟာ ကိုယ်ကျိုးရှာပြီး လုပ်စားတတ်ကြပါတယ်။ နိုင်ငံရေးရာသီဥတု ပြင်းထန်နေချိန်မှာ ပွဲလန့်တုန်း ဖျာခင်းလိုက်ဦးမှ ဆိုတဲ့ နိုင်ငံရေးသမားတွေလည်း နိုင်ငံရေးဇာတ်ခုံပေါ်မှာ အများကြီးရှိတတ်ပါတယ်။ တစ်သက်လုံး နိုင်ငံရေးအကွက်ချောင်းပြီး ငါးပွက်ရာ ငါးစာချတတ်တဲ့သူတွေလည်း ဒီလောကမှာ တစ်ပုံကြီးရှိတတ်တာကြောင့် နိုင်ငံရေးသမားဆိုတာ သိပ်ပေါ်ပြူလာဖြစ်နိုင်တဲ့ ခေတ်တော့ မဟုတ်တော့ပါဘူး။
(၂ဝဝ၇ ဒီဇင်ဘာလထုတ် မျက်မှောက်ရေးရာမဂ္ဂဇင်းပါ တင်ညွန့်ရေးသားသော နိုင်ငံရေးနှင့် နိုင်ငံရေးသမားမှ ထုတ်နှုတ်ထားပါသည်။)
Technorati tags: politician, politics | |
အပြည့်အစုံဖတ်ရန်
အကျဉ်းချုပ်ရန်
ရေနံဈေးနှုန်း ကြီးမြင့်ခြင်းသည် အားနည်းသောဒေါ်လာနှင့် ဈေးကစားသူများကဲ့သို့ ပြင်ပအချက်များကြောင့်ဖြစ်ကြောင်း ရေနံထုတ်လုပ် ရောင်းချသည့်နိုင်ငံများအဖွဲ့ (OPEC) မှ ပြောကြားခဲ့သည်မှာ နှစ်များစွာ ကြာခဲ့ပြီဖြစ်သည်။ ယင်းအကြောင်းပြချက်များသည် အိုပက်၏ ရေနံတိုးမထုတ်သောလောဘကို ဖုံးကွယ်ရန် အကြောင်းပြချက်များဟုဆိုကာ မယုံကြည်သူများက ပယ်ချခဲ့သည်မှာလည်း နှစ်များစွာ ကြာပြီဖြစ်သည်။
သို့သော် ရေနံဈေးကွက်တွင် အိုပက်မဟုတ်သော အင်အားစုများ၏ ဈေးနှုန်းမြင့်တက်စေသော အင်အားသည် အိုပက်ကြိုးပမ်းခဲ့သော အရာများကို ပျက်စီးသွားစေနိုင်ကြောင်း ယင်းအဖွဲ့ကို မယုံကြည်သူများကပင် မကြာသေးမီက အသိအမှတ်ပြုလာခဲ့ကြသည်။ အထင်ရှားဆုံး အချင်းအရာမှာ တအိအိဈေးကျနေသော ဒေါ်လာဖြစ်သည်။ ရေနံကို ဒေါ်လာနှင့် ဈေးနှုန်းသတ်မှတ်သောကြောင့် ၂၀၀၂ ခုနှစ်နောက်ပိုင်းမှစကာ ဖွံ့ဖြိုးပြီးနိုင်ငံများ၏ ငွေကြေးနှင့်နှိုင်းယှဉ်ပါက ဒေါ်လာတန်ဖိုး သုံးပုံတစ်ပုံနီးပါး ကျဆင်းခဲ့သောကြောင့် အမေရိကန်တို့သည် ရေနံတစ်စည်အတွက် ဒေါ်လာ ၂၀ ကျော် ပိုသုံးနေရသည်။ ထို့ပြင် ဈေးကစားသူများကြောင့်လည်း ရေနံဈေး မြင့်တက်ကောင်းမြင့်တက်နိုင်သည်။ ကုန်စည်အားလုံးကို ဈေးကစား ကြိုးကိုင်ခြယ်လှယ်နိုင်သော်လည်း ရေနံကတော့ အထိမခံသည့်အမျိုးဖြစ်သည်။
ပထမအချက်။ ။ ရေနံသည် ထောက်ပံ့မှုအလျဉ်ပြတ်တတ်သော ကုန်စည်ဖြစ်သည်။ ဟာရီကိန်း သို့မဟုတ် နယ်စပ်စစ်ပွဲများကြောင့် ရေနံထုတ်လုပ်မှု ထိခိုက်တတ်သည်။
ဒုတိယအချက်။ ။ ကမ္ဘာလုံးဆိုင်ရာ ရေနံစနစ်ကလည်း နားလည်ရန် အလွန်ခက်ခဲသည်။ ထုတ်လုပ်သူများ၊ ချက်လုပ်သန့်စင်သူများ၊ သယ်ယူပို့ဆောင်သူများနှင့် ဖြန့်ဖြူးသူများ အဆင့်ဆင့်ရှိနေသည်။ မည်သည့်နေရာတွင် မည်သည့်အချိန်၌ ရေနံမည်မျှလိုမည်ကိုမူ မည်သူမျှ အတိအကျမသိပေ။ ရေနံထုတ်လုပ်ရောင်းချသည့်စနစ်တွင် စာရင်းမည်မျှ ပိုနေသည်ကို ခန့်မှန်းရန်နှင့် ရေနံအလျဉ်ပြတ်မှုကို ကာကွယ်ရန် မည်သည့်ပမာဏမျှ သိုလှောင်ထားရမည်ကို ဆုံးဖြတ်ရန်ခက်ခဲသည်။ ဥပမာအားဖြင့် အမေရိကန်စွမ်းအင်ဌာနက အမေရိကန်တွင် ရေနံသိုလှောင်ထားမှု ကျဆင်းနေကြောင်း ကြေညာပါက ရေနံဈေးကွက်က ဈေးနှုန်းမြင့်တက်ခြင်းဖြင့် တုံ့ပြန်သည်။
ရေနံသည် မတည်ငြိမ်သော ကုန်စည်ဖြစ်သည်။ ထို့ကြောင့် နေ့စဉ် စွန့်စားခြင်းဖြင့် အမြတ်ရနေသော ကုန်သည်များကို ဆွဲဆောင်သည်။ ဈေးနှုန်းကလည်း နာရီနှင့်အမျှ အပြောင်းအလဲရှိသည်။ ဈေးနှုန်းကို အလောင်းအစားပြု စွန့်စားခြင်းသည် ရာဇ၀တ်မှုမဟုတ်သောကြောင့် ယင်းအလောင်းအစားများက ဈေးနှုန်းကို လွှမ်းမိုးလာသောအခါ ပြဿနာဖြစ်သည်။
အစဉ်အလာအားဖြင့် ရေနံဈေးနှုန်းသည် ရေနံတစ်စည် ထုတ်လုပ်သည့်စရိတ်နှင့် သုံးဆခန့်ကွာဟတတ်ကြောင်း နယူးယောက်ရှိ Oppenheimer & Co. မှ ရေနံအကြောင်းလေ့လာသူ Fadel Gheit က ပြောကြားခဲ့သည်။ ရေနံထုတ်လုပ်မှုစရိတ်သည် ကမ္ဘာတစ်ဝှမ်းတွင် တစ်စည်လျှင် ၁၅ ဒေါ်လာမှ ၁၉ ဒေါ်လာကြား ကုန်ကျသည်။ အမှန်တကယ် ရေနံဈေးနှုန်းသည် ၄၅ ဒေါ်လာနှင့် ၅၇ ဒေါ်လာဖြင့် မည်သည့်နေရာတွင်မဆို ၀ယ်ယူရသင့်သည်။ ရေနံတစ်စည် ၄၅ ဒေါ်လာသည် သင့်တင့်သောဈေးနှုန်းဖြစ်ကြောင်း အိုပက်က ၂၀၀၅ ခုနှစ်တွင် ပြောကြားခဲ့ဖူးသည်။
ထို့ပြင် မလူးသာမလွန့်သာသော ဈေးကွက်များသည် နိုင်ငံရေးအဖြစ်အပျက်များ၊ ဟာရီကိန်း (သို့မဟုတ်) ဈေးကစားသူများ၏ အလောင်းအစားများကြောင့် ဖြစ်ပေါ်လာသော အနှောင့်အယှက်များ ဖြစ်သည်။
ဈေးကစားမှု အာမခံ (Speculator Premium) ကို မည်ကဲ့သို့ ထိန်းချုပ်နိုင်ပါမည်နည်း။
ဈေးနှုန်းမြင့်တက်မှုတိုင်းသည် ရေနံတင်ပို့ရောင်းချသူများအတွက် ဧရာမ ဆုလာဘ်တစ်ခုဖြစ်သည်။ ဈေးကစားမှု အာမခံကြောင့် အီရန်သည် တစ်လဒေါ်လာ ၅.၅ ဘီလျံခန့် အမြတ်ထွက်နေသည်။ ထိုငွေများကို အန္တရာယ်ပေးနိုင်သော လုပ်ငန်းများတွင် အသုံးပြုနိုင်သည်။ ထို့ပြင် တီဟီရန်အား စီးပွားရေးပိတ်ဆို့မှုများကို ထေမိနိုင်သည်။
(International Herald Tribune တွင်ပါရှိသည့် Paul Roberts ရေးသားသော Why oil prices so hight? ဖြစ်ပါသည်။)
Technorati tags: oil, price, opec
အပြည့်အစုံဖတ်ရန်
အကျဉ်းချုပ်ရန်
နိုင်ငံတစ်နိုင်ငံ၏ တရားစီရင်ရေး၊ အုပ်ချုပ်ရေး၊ စီမံခန့်ခွဲရေး ကိစ္စအရပ်ရပ်ကို ကမ္ဘာ့အလယ်တွင် မတင့်တယ်စရာဖြစ်အောင်၊ ဖြောင့်မတ် မှန်ကန်သော လမ်းကြောင်းကို တိမ်းစောင်းအောင် လုပ်ဆောင်နေမှုများတွင် လာဘ်ပေးလာဘ်ယူမှုလည်း တစ်ခုအပါအဝင်ဖြစ်ပါသည်။ တံစိုးလက်ဆောင်နှင့် လာဘ်လာဘယူပြီး မိမိလုပ်ပိုင်ခွင့်နှင့် တာဝန်ဝတ္တရားများကို လွဲမှားစွာ ဆောင်ရွက်ပေးမှုကြောင့် တစ်ဖက် ကာယကံရှင်မှာ များစွာ နစ်နာရသလို နိုင်ငံတော်အုပ်ချုပ်သူ လူပုဂ္ဂိုလ်တို့အပေါ်တွင်လည်း အများပြည်သူ အထင်သေးစရာ၊ အပြစ် ပြောစရာများ ကြုံတွေ့ရတတ်ပါသည်။ ထို့ထက်ပိုဆိုးသည်မှာ လာဘ်ပေးလာဘ်ယူများပြားပြီး အမှန်က အမှားဖြစ်၊ အမှားက အမှန်ဖြစ်ရာ က တိုင်းပြည်၏ အုပ်ချုပ်ရေးယန္တရားမှာလည်း ကမောက်ကမဖြစ်သွားပြီး မတရားခံရသူတို့က နာကျည်းချက်ဖြင့် လက်တုံ့ပြန်ခြင်းလည်း ကြုံတွေ့ရတတ်ပါသည်။
နိုင်ငံတော်အုပ်ချုပ်သူများအနေဖြင့် တာဝန်ရှိပုဂ္ဂိုလ်များ၊ ဝန်ထမ်းများ လာဘ်ပေးလာဘ်ယူကင်းရှင်းရေး၊ အဂတိလိုက်စားမှု ပပျောက်ရေး တို့အတွက် ဥပဒေများ သတ်မှတ်ပြဌာန်းပေးထားပါသည်။ ၁၉၄၈ ခုနှစ် နိုဝင်ဘာလ ၈ ရက် နေ့စွဲဖြင့် 'အဂတိလိုက်စားမှုတားမြစ်ရေး အက်ဥပဒေ' ကို ပြဌာန်းခဲ့သလို ပြစ်မှုဆိုင်ရာဥပဒေ ပုဒ်မ ၁၆၁ မှ ၁၆၅ အထိ တို့တွင်လည်း ပြည်သူ့ဝန်ထမ်းများကျူးလွန်သော သို့မဟုတ် သက်ဆိုင်သောပြစ်မှုများ (offenses by or relating to public servants) ကိုလည်း ပြဌာန်းထားရှိပါသည်။
သို့သော်လည်း အကျင့်ပျက်ဝန်ထမ်းအချို့သည် လာဘ်လာဘမရလျှင် ဘာမျှ လုပ်ချင်ကိုင်ချင်ပုံမရ၊ လာဘ်ကိုမျှော်ကိုးပြီး လာဘ်ရမှသာ လုပ်ငန်းဆောင်ရွက်ပေးတတ်သဖြင့် လာဘ်မပေးနိုင်ပါက လုပ်ငန်းများကို ဖင့်နှေးစေပြီး ကြန့်ကြာအောင် လုပ်တတ်ကြသည်။ ထိုအခါ ကာယကံရှင်များက လုပ်ဆောင်မပေးသော ဝန်ထမ်းကို ကျော်ပြီး အစိုးရကိုသာ အပြစ်တင်တတ်ကြသဖြင့် အစိုးရလည်း နာမည် ပျက်ကိန်း ကြုံရသလို လည်ပတ်နေသော အုပ်ချုပ်ရေးယန္တရားလည်း ယိုင်နဲ့သွားရတော့သည်။
လာဘ်ပေးလာဘ်ယူ ပပျောက်ရေးကိစ္စကို ထိန်းချုပ်ရာတွင် လာဘ်ပေးသူရော၊ လာဘ်ယူသူပါ နှစ်ဦးစလုံးက မိမိတို့ အသိတရားရှိရှိဖြင့် ထိန်းချုပ်ရန်လိုပါသည်။ အကြောင်းမှာ အဂတိလိုက်စားမှုတားမြစ်ရေး အက်ဥပဒေအရ လာဘ်ပေးသူ၊ လက်ယူသူ နှစ်ဦးစလုံးမှာ အပြစ် ရှိသောကြောင့်ဖြစ်ပါသည်။
ကာယကံရှင်အနေဖြင့်လည်း မိမိရပိုင်ခွင့်များကို ပြည်သူ့ဝန်ထမ်းထံမှ မှန်မှန်ကန်ကန် နည်းလမ်းတကျ ရယူဖို့လိုပါသည်။ ပြည်သူ့ ဝန်ထမ်းများ အနေဖြင့်လည်း နိုင်ငံတော်၏လစာကို ရရှိခံစားပြီးဖြစ်ရာ မိမိတာဝန်အရ လုပ်ဆောင်ပေးရမည့်ကိစ္စကို ဥပဒေလုပ်ထုံး လုပ်နည်းနှင့်အညီ သမာသမတ်ကျကျ လုပ်ဆောင်ပေးရမည် ဖြစ်ပါသည်။ မတော်လောဘနှင့်ယှဉ်ကာ ကိုယ်ကျင့်သိက္ခာ ဖောက်ဖျက်မှု များ ရှိလာလျှင် ဥပဒေ၏အပြစ်ပေးခြင်းကို ခံရနိုင်ပါသည်။
ဘာမှမဟုတ်သည့် လာဘ်ငွေလေးအတွက် ပြည်သူ့ဝန်ထမ်းတစ်ဦး၏ ဘဝကြီးတစ်ခုလုံး ပျက်စီးသွားနိုင်သည်ကို သတိပြုသင့်ပါသည်။ ပို၍သတိပြုသင့်သည်မှာ လာဘ်ယူမှုကိစ္စကို တာဝန်ရှိသူ ပြည်သူ့ဝန်ထမ်း၏ ဇနီးသည်က ပြုလုပ်ခဲ့လျှင်လည်း ခင်ပွန်းဖြစ်သူ ဝန်ထမ်းတွင် အပြစ်ရှိပြီး ပြစ်ဒဏ်ခံရနိုင်ပါသည်။ ပြစ်မှုဆိုင်ရာဥပဒေ ပုဒ်မ ၁၆၂ တွင် ''မည်သူမဆို ပြည်သူ့ဝန်ထမ်းတစ်ဦးဦးအား ရာထူးဆိုင်ရာ ပြုလုပ်မှုတစ်ခုခုကို ပြုလုပ်စေရန်၊ ရှောင်ကြဉ်စေရန်၊ မျက်နှာလိုက်စေရန်၊ နှိမ်စေရန် သို့မဟုတ် လူတစ်ဦးတစ်ယောက်အတွက် ကောင်းကျိုးကိုသော်လည်းကောင်း၊ မကောင်းကျိုးကိုသော်လည်းကောင်း ပြုစေရန် ဥပဒေနှင့်မညီသောနည်းလမ်းဖြင့် သွေးဆောင်မှု ပြုလျှင် ပြည်သူ့ဝန်ထမ်းကို လာဘ်ပေးမှုကျူးလွန်ရာရောက်၍ ထောင်ဒဏ်သုံးနှစ် သို့မဟုတ် ငွေဒဏ် သို့မဟုတ် ဒဏ်နှစ်ရပ်လုံး ချမှတ် နိုင်ကြောင်း'' ပြဌာန်းထားသည်။
အလားတူ ပြစ်မှုဆိုင်ရာဥပဒေ ပုဒ်မ ၁၆၃ တွင်လည်း ''ပြည်သူ့ဝန်ထမ်းအပေါ်တွင် မိမိ၏သြဇာကို အသုံးပြုသည့်အတွက် တံစိုးယူလျှင် ထောင်ဒဏ်တစ်နှစ် သို့မဟုတ် ငွေဒဏ် သို့မဟုတ် ဒဏ်နှစ်ရပ်စလုံး ချမှတ်နိုင်ကြောင်း'' ပြဌာန်းထားသည်။ ပုဒ်မ ၁၆၄ တွင် ''ပြည်သူ့ ဝန်ထမ်းတစ်ဦးနှင့်စပ်လျင်း၍ တစ်ဆက်တည်းဖြစ်သော အထက်ပုဒ်မနှစ်ခုတွင် ဖော်ပြထားသည့် ပြစ်မှုတစ်ခုခုကို ကျူးလွန်ရာတွင် ထို ပြည်သူ့ဝန်ထမ်းဖြစ်သူက ထိုပြစ်မှုကို အားပေးကူညီလျှင် ထိုပြည်သူ့ဝန်ထမ်းကို သုံးနှစ်ထိ ထောင်ဒဏ် သို့မဟုတ် ငွေဒဏ် သို့မဟုတ် ဒဏ်နှစ်ရပ်လုံး ချမှတ်ရမည်'' ဟု ပြဌာန်းထားသည်ကို တွေ့ရပါသည်။ ဥပမာ- ပြည်သူ့ဝန်ထမ်းခင်ပွန်းအား ဇနီးဖြစ်သူက ၎င်း၏ မိတ်ဆွေအား ရာထူးခန့်ပေးရန် ကာယကံရှင်ထံမှ လာဘ်ယူပြီး ခင်ပွန်းသည်ကိုပြောရာ ခင်ပွန်းသည်ကလည်း ဇနီးပြောသည့်အတိုင်း လုပ်ဆောင်ပေးခဲ့ရာတွင် ပြည်သူ့ဝန်ထမ်း ခင်ပွန်းသည်ရော ဇနီးသည်ပါ ပြစ်မှုပုဒ်မ ၁၆၂ နှင့် ၁၆၃ တို့ကို ကျူးလွန်ရာရောက်ပြီး ပုဒ်မ ၁၆၄ အရ နှစ်ဦးစလုံး ပြစ်ဒဏ်ခံရမည်ဖြစ်သည်။ ဤပြဌာန်းချက်များကိုကြည့်ပါက ဇနီးမယားများအနေဖြင့်လည်း ပြည်သူ့ဝန်ထမ်း ခင်ပွန်းသည်၏ တာဝန်ဝတ္တရားဆောင်ရွက်မှုများတွင် မမှန်ကန်သောနည်းလမ်းဖြင့် ဝင်ရောက်စွက်ဖက်ရန်မသင့်ကြောင်း သတိပြု သင့်ကြောင်း တွေ့နိုင်ပါသည်။
အချုပ်အားဖြင့်တင်ပြရလျှင် ယနေ့ မြန်မာနိုင်ငံတော်အား စည်းကမ်းပြည့်ဝသော ဒီမိုကရေစီနိုင်ငံတော်သစ်ကြီးဖြစ်အောင် ကြိုးပမ်း တည်ဆောက်နေချိန်တွင် နိုင်ငံဝန်ထမ်း၊ ပြည်သူ့ဝန်ထမ်းများအနေဖြင့် သစ္စာ၊ သမာဓိ၊ သိက္ခာ၊ ကိုယ်ကျင့်တရားပြည့်ဝစွာဖြင့် နိုင်ငံ့ တာဝန်များကို မှန်မှန်ကန်ကန် စေတနာအပြည့်ထားကာ ဆောင်ရွက်သွားရန်နှင့် အဂတိလိုက်စားမှုကို အမြစ်ပါမကျန် တွန်းလှန် ဖြိုဖျက်သင့်လှကြောင်း စေတနာကောင်းဖြင့် ရေးသားလိုက်ရပါသည်။
(၂ဝဝ၇ ခုနှစ် နိုဝင်ဘာလ ၂၁ ရက်နေ့ထုတ် The Crime Journal ပါ မောင်မောင်လှဌေး (ဥပဒေ) ၏ ''ရှောင်ရှားသင့်သော လာဘ်ပေးလာဘ်ယူကိစ္စ'' ဆောင်းပါးမှ ထုတ်နှုတ်ယူထားခြင်းဖြစ်ပါသည်။)
Technorati tags: bribe,, public,, civil,, servant
အပြည့်အစုံဖတ်ရန်
အကျဉ်းချုပ်ရန်
အတ္တသမံ ပေမံနတ္ထိ - ကိုယ့်ကိုယ်ကိုချစ်သောအချစ်နှင့် တန်းတူရည်တူ ဒီဂရီပါဝါတူသော အချစ်မည်သည မရှိလို့ ဆိုစကားရှိပါတယ်။ သက်ရှိသတ္တ၀ါတိုင်းဟာ ကိုယ့်အသက်ကို အခင်တွယ်ဆုံး၊ အချစ်ဆုံးဖြစ်ပါတယ်။ ဒါကြောင့် အသက်ရှင်လိုကြပါတယ်။ အသက်ရှင်လို၊ အသက်ရှည်လိုတဲ့အတွက် အသက်မွေးကြရပါတယ်။ အသက်ရှိသော သတ္တ၀ါတိုင်း အသက်မွေးဖို့အတွက် အစာရှာကြရပါတယ်။ စားနပ်ရိက္ခာဆိုသည့်အတိုင်း အစားအစာဟူသမျှကို ရိက္ခာလို့ ခေါ်ပါတယ်။ တိရစ္ဆာန်တွေမှာလည်း ၀မ်းကရှိနေတဲ့အတွက် ၀မ်းစာရိက္ခာလိုပြီး၊ လူတွေမှာလည်း သမုဒ္ဒရာ ၀မ်းတစ်ထွာအတွက် ၀မ်းစာရိက္ခာလိုပါတယ်။ ဒီနေရာမှာ လူနဲ့ တိရစ္ဆာန် မတူတာက တိရစ္ဆာန်တွေမှာ ရိက္ခာသာလိုပြီး သိက္ခာမလိုပါဘူး။ လူတွေမှာတော့ ရိက္ခာတစ်ခုတည်းနဲ့ မလုံလောက်သေးဘဲ သိက္ခာရှိဖို့ပါလိုပါတယ်။ ရိက္ခာသာ အလေးထားပြီး သိက္ခာကို အလေးမထားရင် လူနဲ့ တိရစ္ဆာန် ဘာမျှထူးခြားတော့မည် မဟုတ်ပေ။
အာဌာဝကဘီလူးက "အရှင်ဘုရား - ဘယ်ပုံဘယ်နည်း အသက်မွေးခြင်းဟာ အကောင်းဆုံးပါလဲ" လို့ ဘုရားကို မေးလျှောက်တော့ ဘုရားက "ပညာနဲ့အသက်မွေးတာ အကောင်းဆုံး" လို့ ဖြေတော်မူခဲ့ပါတယ်။ အဌကထာဆရာက ပညာနှင့် အသက်မွေးခြင်းဟူသည် နှစ်ဖက်မြင်ပုဂ္ဂိုလ်တို့၏ အသက်မွေးခြင်းလို့ ဖွင့်ဆိုပါတယ်။ နှစ်ဖက်ဟူသည် လက်ရှိပစ္စုပ္ပန်ဘ၀နဲ့ နောင်တမလွန်ဘ၀ကို ဆိုလိုတာပါ။ နောက်တစ်နည်းအနေနဲ့ သူ့ဘက်၊ ကိုယ့်ဘက်၊ သူ့ဖို့၊ ကိုယ့်ဖို့ ကိုလည်း ဆိုလိုပါတယ်။ သူသူကိုယ်ကိုယ် အသက်မွေးကြ၊ ၀မ်းကျောင်းကြရမှာ ပစ္စုပ္ပန်အရေးနဲ့ တမလွန်အရေးဆိုပြီး နှစ်ဖက်မျှတွေးဖို့လိုပါတယ်။ နှစ်ဖက်မျှမြင်ရမယ်။ သူ့ဖို့ကိုယ့်ဖို့ နှစ်ဖက်မျှတွေးရပါမယ်။
လူဆိုတာ တစ်ယောက်တည်းနေတော့ တစ်ဝမ်းတစ်ခါးသာ ရှိပါတယ်။ နှစ်ယောက်ပေါင်းမိတော့ နှစ်ဝမ်းနှစ်ခါး။ ဒီလိုနဲ့ ၀မ်းတွေခါးတွေက တိုးပွားများပြားလာမယ်။ ၀မ်းတွေရှိတော့ ၀မ်းစာရှာကြရပါရော။ ဒီလို ၀မ်းစာရှာကြရာမှာ တချို့က ၀မ်းသာဝတယ်၊ ကုသိုလ်က မရ။ တချို့ကျ ကုသိုလ်သာရတယ်၊ ၀မ်းက မ၀။ ပီတိစားပြီး အားရှိနေကြရတယ်။ တချို့က ကုသိုလ်လည်းမရ၊ ၀မ်းလည်းမ၀။ တချို့များ ကျတော့ ကုသိုလ်လည်းရ၊ ၀မ်းလည်းဝကျပါတယ်။ ပညာနဲ့ အသက်မွေး ၀မ်းကျောင်းသူဟာ ကုသိုလ်လည်းရ၊ ၀မ်းလည်းဝတဲ့အမျိုးပါပဲ။
ဒီနေရာမှာ ပညာဆိုတာ အသိပညာ၊ အသိစိတ်ဓါတ်၊ အသိတရား ဖြစ်ပါတယ်။ အသိစိတ်ဓါတ်ရှိသူဟာ ကောင်းတဲ့အပြုအမူ၊ ကောင်းတဲ့ အလေ့အထရှိတယ်။ ကောင်းတဲ့အပြုအမူ၊ ကောင်းတဲ့အလေ့အထဟာ သီလသိက္ခာ ပါပဲ။ အသိစိတ်ဓါတ်ရှိသူဟာ ကောင်းတဲ့စိတ်ထား ရှိတယ်။ စိတ်ထားကောင်းတယ်ပေါ့။ ကောင်းတဲ့စိတ်ထားရှိလို့ စိတ်ထားကောင်းတာဟာ သမာဓိသိက္ခာဖြစ်ပါတယ်။ သမာဓိမျာ 'သံ' က ကောင်းခြင်းလို့ အဓိပ္ပါယ်ထွက်ပြီး 'အဓိ' က စိတ်ထားလို့ အဓိပ္ပါယ်ရပါတယ်။ ဒါကြောင့် သမာဓိဆိုတာ စိတ်ထားကောင်းခြင်းပဲ ဖြစ်ပါ တယ်။ အသိစိတ်ဓါတ်၊ အသိတရား၊ အသိပညာကိုယ်တိုင်ဟာ ပညာသိက္ခာ ဖြစ်ပါတယ်။
အဲဒီတော့ အသိစိတ်ဓါတ်၊ အသိတရားရှိသူမှာ ရိက္ခာနဲ့ သိက္ခာက တစ်သားတည်းကျနေပါတယ်။ အူမနဲ့ သီလ ထပ်တူမျှနေပါတယ်။ ဘုရားရှင်မိန့်တော်မူတဲ့ ပညာနဲ့အသက်မွေးတာ အကောင်းဆုံးဆိုတာက ဒီလို ရိက္ခာနဲ့ သိက္ခာ တစ်ထပ်တည်းကျတဲ့ အသက်မွေးခြင်း၊ အူမနဲ့သီလ ထပ်တူမျှနေတဲ့ အသက်မွေးခြင်းကို ဆိုလိုပါတယ်။ ဒီလို အသက်မွေးနိုင်သူဟာ တော်လည်းတော်၊ ကောင်းလည်းကောင်းတဲ့ အတွက် သူတော်ကောင်း မည်ပါတယ်။
အူမနဲ့သီလကို တစ်သီးတစ်ခြားခွဲထားလို့မရ၊ တစ်ဖက်ဖက် အစွန်းထွက်လို့မရ၊ မျှနေမှသာ သဘာဝကျပါတယ်။ လူတိုင်းမှာ အူမရှိပြီး အူမတိုင်းလည်း တောင့်ဖို့လိုပါတယ်။ အူမတောင့်ခြင်းဟာ သီလစောင့်ခြင်းကို ကျေးဇူးပြုနိုင်သလို သီလစောင့်ခြင်းကလည်း အူမတောင့်ဖို့အတွက် ကျေးဇူးပြုနိုင်ပါလိမ့်မယ်။ သီလဆိုတာ ကောင်းသောအလေ့အထ၊ ကောင်းသောအပြုအမူဖြစ်တဲ့အတွက် ကောင်းသောအလေ့အထတွေရှိရင် ကောင်းတဲ့အပြုအမူတွေပြုမူကြရင် အူမတွေ တောင့်လာကြမှာ မလွဲပါပဲ။
(၁၂ ရက် ၁၂ လ ၂၀၀၇ ခုနှစ်ထုတ် Weekly Eleven News တွင်ပါရှိသော အရှင်သံဝရာလင်္ကာရ (ဓမ္မပိရဆရာတော်) ၏ အူမနှင့် သီလ ဆောင်းပါးမှ ထုတ်နှုတ်ထားပါသည်။)
Technorati tags: dahmma,, buddhism,, buddha
အပြည့်အစုံဖတ်ရန်
အကျဉ်းချုပ်ရန်
နိုင်ငံရေးဆိုတဲ့စကားလုံးနဲ့ လူတိုင်းလောက်နီးနီး ရင်းနှီးကြပါတယ်။ နိုင်ငံရေးဆိုရင် ပါတီထောင်ကြတာလို့လည်း လူသိများပါတယ်။ နိုင်ငံရေးဆိုတာ ပြည်သူ့အရေးလို့ သိသူကတော့ နည်းပါတယ်။ လူသားအချင်းချင်း ပေါင်းသင်းဆက်ဆံမှုဆိုတာ မဖြစ်မနေအရေးပါတဲ့ အကြောင်းအရာတစ်ခု ဖြစ်ပါတယ်။ လူဆိုတာ အထီးတည်း နေလို့မရပါဘူး။ အသိုင်းအ၀ိုင်းနဲ့ နေကြရပါတယ်။ ကိုယ်နေတဲ့ဝန်းကျင်က သေးတော့ မိသားစု၊ ကြီးတော့ နိုင်ငံဖြစ်လာပါတယ်။ နိုင်ငံရေးဆိုတာ အုပ်စုကြီးတစ်ခုအတွင်းမှာရှိတဲ့ သီးခြား တစ်ဦးချင်းစီရဲ့ အပြုအမူ၊ အနေအထိုင်၊ လုပ်ဆောင်မှုတွေကို လေ့လာခြင်းလို့လည်း ဆိုနိုင်ပါတယ်။ အဖွဲ့အစည်းတစ်ခုအတွင်း အချင်းချင်းဆက်ဆံရေး၊ စီမံခန့်ခွဲရေး၊ ဆုံးဖြတ်ချက်များချမှတ်ရေး၊ ချမှတ်ထားတဲ့ အဆုံးအဖြတ်တွေကို ပြီးမြောက်အောင်ဆောင်ရွက်ရေး၊ သတ်မှတ်ချက်များ ပြဌာန်းရေးဆိုတာတွေ လုပ်ဆောင်လာကြရတယ်။ ဒါကို နိုင်ငံရေးလို့လည်း ပြောနိုင်ပါတယ်။
နိုင်ငံရေးလို့ပြောရင် အာဏာဆိုတာလည်း မဖြစ်မနေ ထည့်ပြောရပါတယ်။ နိုင်ငံရေးဆိုသည်မှာ အုပ်ချုပ်မှုဆိုင်ရာ သိပ္ပံပညာဖြစ်သကဲ့သို့ ၀ိဇ္ဇာပညာလည်းဖြစ်သည်။ နိုင်ငံတော်၏ ဖွဲ့စည်းပုံအသွင်သဏ္ဍာန်၊ အုပ်ချုပ်မှုအပိုင်းတို့သည် သိပ္ပံနည်းကျ စီမံရသောကြောင့် သိပ္ပံပညာဖြစ်ပြီး၊ တစ်နိုင်ငံနှင့်တစ်နိုင်ငံ ပေါင်းကူးဆက်ဆံရမှုများတွင် စောင့်ထိန်းအပ်သော တရားများကို လိုက်နာကြရခြင်းကြောင့် ၀ိဇ္ဇာပညာလည်းဖြစ်ပါသည်ဟု Oxford အင်္ဂလိပ် အဘိဓါန်မှာ ဖော်ပြထားပါတယ်။ Harold Lasswell (1936) ကလည်း နိုင်ငံရေးဆိုတာ ဘာကို၊ ဘယ်အချိန်မှာ၊ ဘယ်လို ရအောင်လုပ်ရမယ်ဆိုတာကို သိခြင်းလို့ ဆိုပါတယ်။ Bertrand de Jouvenal (1963) ကတော့ နိုင်ငံရေးဆိုတာ လူကို လူက မောင်းနှင်တဲ့စွမ်းအားတဲ့။ David Easton (1979) က နိုင်ငံရေးဆိုတာ အာဏာရှိသူက ခွဲဝေပိုင်းဖြတ်ပေးရသော တန်ဖို့ လို့ ဆိုထားပါတယ်။ ယေဘုယျအားဖြင့် နိုင်ငံရေးဆိုသည်မှာ နိုင်ငံတော် သို့မဟုတ် အခြားနိုင်ငံရေးဆိုင်ရာ အဖွဲ့အစည်းများကို လမ်းညွှန်ပေးခြင်း၊ စီမံအုပ်ချုပ်ရေးဆိုင်ရာ ၀ိဇ္ဇာ သို့မဟုတ် သိပ္ပံပညာ ဖြစ်သည်လို့ Oxford Concise Dictionary of Politics မှာ ဖော်ပြထားပါတယ်။ လူမှုရေးဆိုင်ရာသဘောအရတော့ နိုင်ငံရေးဆိုတာ တစ်ဦးတစ်ယောက်ကနေ စီမံအုပ်ချုပ်ရတာမျိုးလို့ဆိုရင် သဘောကျချင်မှ ကျကြပါလိမ့်မယ်။ ဒါပေမယ့် လိုအပ်ချက်အရကတော့ ဒီလိုလုပ်ဆောင်ဖို့ လိုအပ်ကောင်း လိုအပ်နိုင်ပါတယ်။
လူဆိုတာက စဉ်းစားမှု ရင့်သန်သူတွေဖြစ်လေတော့ နိုင်ငံရေးနဲ့ပတ်သက်ပြီး အတွေးအမြင်တွေ အတော်လေးကွဲပြား ကြပါတယ်။ အတိုက်အခံတွေလုပ်ကြတယ်။ သဘောထားတွေကွဲကြတယ်။ နိုင်ငံတော်ရဲ့ ပင်ကိုယ်သဘာဝကိုက မတူညီများ၊ ၀ိရောဓိများနှင့် မကင်းနိုင်တာကြောင့် နိုင်ငံအချင်းချင်း၊ လူမျိုးအချင်းချင်းလည်း စစ်ပွဲတွေ ဖြစ်နိုင်ပါတယ်။ ပိုင်ဆိုင်မှုတွေ မတူညီတာ၊ အလိုလောဘတွေကြောင့်လည်း စစ်တွေဖြစ်နိုင်ပါတယ်။ နိုင်ငံရေးလို့ ပြောလိုက်တာနဲ့ ကိုယ်မဟုတ်တာလုပ်တာကိုလည်း လူ့အခွင့်အရေးလို့ ကိုင်ပေါက်လိုက်ကြတော့တယ်။ လူတွေမှာကလည်း ချမှတ်ထားတဲ့ စည်းကမ်းဥပဒေတွေကို လိုက်နာချင်သူရှိသလို အမြဲဆန့်ကျင်နေတဲ့သူတွေလည်း ရှိတတ်ပါတယ်။ မိမိအကျိုးစီးပွားကို မထိခိုက်သရွေ့ အကောင်းမြင်တတ်ပြီး အကျိုးစီးပွားကိုထိခိုက်တာနဲ့ အခွင့်အရေးဆုံးရှုံးတယ်ဆိုပြီး ဖြစ်ကြပြန်တော့ နိုင်ငံရေးဆိုတာ လူ့အရေး၊ လူတိုင်းရဲ့အလိုဆန္ဒအရေးတို့ကို မဖြည့်ပေးနိုင်သေးသမျှ ပေးကားပေး၏ မရ၊ ကျွေးကားကျွေး၏ မ၀ဆိုသလို ဖြစ်နေမှာပါပဲ။
(၂၀၀၇ ဒီဇင်ဘာလထုတ် မျက်မှောက်ရေးရာမဂ္ဂဇင်းတွင် ပါရှိသည့် တင်ညွန့်ရေးသားသော နိုင်ငံရေးနှင့် နိုင်ငံရေးသမား ဆောင်းပါးမှ ကောက်နုတ်ထားပါသည်။ နိုင်ငံတော်နှင့် အစိုးရ အကြောင်းကိုလည်း ဆက်လက်ရေးသားပါဦးမည်။)
Technorati tags: politics, နိုင်ငံရေး Powered by ScribeFire.
အပြည့်အစုံဖတ်ရန်
အကျဉ်းချုပ်ရန်
