ရေနံဈေးနှုန်း ကြီးမြင့်ခြင်းသည် အားနည်းသောဒေါ်လာနှင့် ဈေးကစားသူများကဲ့သို့ ပြင်ပအချက်များကြောင့်ဖြစ်ကြောင်း ရေနံထုတ်လုပ် ရောင်းချသည့်နိုင်ငံများအဖွဲ့ (OPEC) မှ ပြောကြားခဲ့သည်မှာ နှစ်များစွာ ကြာခဲ့ပြီဖြစ်သည်။ ယင်းအကြောင်းပြချက်များသည် အိုပက်၏ ရေနံတိုးမထုတ်သောလောဘကို ဖုံးကွယ်ရန် အကြောင်းပြချက်များဟုဆိုကာ မယုံကြည်သူများက ပယ်ချခဲ့သည်မှာလည်း နှစ်များစွာ ကြာပြီဖြစ်သည်။
သို့သော် ရေနံဈေးကွက်တွင် အိုပက်မဟုတ်သော အင်အားစုများ၏ ဈေးနှုန်းမြင့်တက်စေသော အင်အားသည် အိုပက်ကြိုးပမ်းခဲ့သော အရာများကို ပျက်စီးသွားစေနိုင်ကြောင်း ယင်းအဖွဲ့ကို မယုံကြည်သူများကပင် မကြာသေးမီက အသိအမှတ်ပြုလာခဲ့ကြသည်။ အထင်ရှားဆုံး အချင်းအရာမှာ တအိအိဈေးကျနေသော ဒေါ်လာဖြစ်သည်။ ရေနံကို ဒေါ်လာနှင့် ဈေးနှုန်းသတ်မှတ်သောကြောင့် ၂၀၀၂ ခုနှစ်နောက်ပိုင်းမှစကာ ဖွံ့ဖြိုးပြီးနိုင်ငံများ၏ ငွေကြေးနှင့်နှိုင်းယှဉ်ပါက ဒေါ်လာတန်ဖိုး သုံးပုံတစ်ပုံနီးပါး ကျဆင်းခဲ့သောကြောင့် အမေရိကန်တို့သည် ရေနံတစ်စည်အတွက် ဒေါ်လာ ၂၀ ကျော် ပိုသုံးနေရသည်။ ထို့ပြင် ဈေးကစားသူများကြောင့်လည်း ရေနံဈေး မြင့်တက်ကောင်းမြင့်တက်နိုင်သည်။ ကုန်စည်အားလုံးကို ဈေးကစား ကြိုးကိုင်ခြယ်လှယ်နိုင်သော်လည်း ရေနံကတော့ အထိမခံသည့်အမျိုးဖြစ်သည်။
ပထမအချက်။ ။ ရေနံသည် ထောက်ပံ့မှုအလျဉ်ပြတ်တတ်သော ကုန်စည်ဖြစ်သည်။ ဟာရီကိန်း သို့မဟုတ် နယ်စပ်စစ်ပွဲများကြောင့် ရေနံထုတ်လုပ်မှု ထိခိုက်တတ်သည်။
ဒုတိယအချက်။ ။ ကမ္ဘာလုံးဆိုင်ရာ ရေနံစနစ်ကလည်း နားလည်ရန် အလွန်ခက်ခဲသည်။ ထုတ်လုပ်သူများ၊ ချက်လုပ်သန့်စင်သူများ၊ သယ်ယူပို့ဆောင်သူများနှင့် ဖြန့်ဖြူးသူများ အဆင့်ဆင့်ရှိနေသည်။ မည်သည့်နေရာတွင် မည်သည့်အချိန်၌ ရေနံမည်မျှလိုမည်ကိုမူ မည်သူမျှ အတိအကျမသိပေ။ ရေနံထုတ်လုပ်ရောင်းချသည့်စနစ်တွင် စာရင်းမည်မျှ ပိုနေသည်ကို ခန့်မှန်းရန်နှင့် ရေနံအလျဉ်ပြတ်မှုကို ကာကွယ်ရန် မည်သည့်ပမာဏမျှ သိုလှောင်ထားရမည်ကို ဆုံးဖြတ်ရန်ခက်ခဲသည်။ ဥပမာအားဖြင့် အမေရိကန်စွမ်းအင်ဌာနက အမေရိကန်တွင် ရေနံသိုလှောင်ထားမှု ကျဆင်းနေကြောင်း ကြေညာပါက ရေနံဈေးကွက်က ဈေးနှုန်းမြင့်တက်ခြင်းဖြင့် တုံ့ပြန်သည်။
ရေနံသည် မတည်ငြိမ်သော ကုန်စည်ဖြစ်သည်။ ထို့ကြောင့် နေ့စဉ် စွန့်စားခြင်းဖြင့် အမြတ်ရနေသော ကုန်သည်များကို ဆွဲဆောင်သည်။ ဈေးနှုန်းကလည်း နာရီနှင့်အမျှ အပြောင်းအလဲရှိသည်။ ဈေးနှုန်းကို အလောင်းအစားပြု စွန့်စားခြင်းသည် ရာဇ၀တ်မှုမဟုတ်သောကြောင့် ယင်းအလောင်းအစားများက ဈေးနှုန်းကို လွှမ်းမိုးလာသောအခါ ပြဿနာဖြစ်သည်။
အစဉ်အလာအားဖြင့် ရေနံဈေးနှုန်းသည် ရေနံတစ်စည် ထုတ်လုပ်သည့်စရိတ်နှင့် သုံးဆခန့်ကွာဟတတ်ကြောင်း နယူးယောက်ရှိ Oppenheimer & Co. မှ ရေနံအကြောင်းလေ့လာသူ Fadel Gheit က ပြောကြားခဲ့သည်။ ရေနံထုတ်လုပ်မှုစရိတ်သည် ကမ္ဘာတစ်ဝှမ်းတွင် တစ်စည်လျှင် ၁၅ ဒေါ်လာမှ ၁၉ ဒေါ်လာကြား ကုန်ကျသည်။ အမှန်တကယ် ရေနံဈေးနှုန်းသည် ၄၅ ဒေါ်လာနှင့် ၅၇ ဒေါ်လာဖြင့် မည်သည့်နေရာတွင်မဆို ၀ယ်ယူရသင့်သည်။ ရေနံတစ်စည် ၄၅ ဒေါ်လာသည် သင့်တင့်သောဈေးနှုန်းဖြစ်ကြောင်း အိုပက်က ၂၀၀၅ ခုနှစ်တွင် ပြောကြားခဲ့ဖူးသည်။
ထို့ပြင် မလူးသာမလွန့်သာသော ဈေးကွက်များသည် နိုင်ငံရေးအဖြစ်အပျက်များ၊ ဟာရီကိန်း (သို့မဟုတ်) ဈေးကစားသူများ၏ အလောင်းအစားများကြောင့် ဖြစ်ပေါ်လာသော အနှောင့်အယှက်များ ဖြစ်သည်။
ဈေးကစားမှု အာမခံ (Speculator Premium) ကို မည်ကဲ့သို့ ထိန်းချုပ်နိုင်ပါမည်နည်း။
ဈေးနှုန်းမြင့်တက်မှုတိုင်းသည် ရေနံတင်ပို့ရောင်းချသူများအတွက် ဧရာမ ဆုလာဘ်တစ်ခုဖြစ်သည်။ ဈေးကစားမှု အာမခံကြောင့် အီရန်သည် တစ်လဒေါ်လာ ၅.၅ ဘီလျံခန့် အမြတ်ထွက်နေသည်။ ထိုငွေများကို အန္တရာယ်ပေးနိုင်သော လုပ်ငန်းများတွင် အသုံးပြုနိုင်သည်။ ထို့ပြင် တီဟီရန်အား စီးပွားရေးပိတ်ဆို့မှုများကို ထေမိနိုင်သည်။
(International Herald Tribune တွင်ပါရှိသည့် Paul Roberts ရေးသားသော Why oil prices so hight? ဖြစ်ပါသည်။)
Technorati tags: oil, price, opec
အပြည့်အစုံဖတ်ရန်
အကျဉ်းချုပ်ရန်
နိုင်ငံတစ်နိုင်ငံ၏ တရားစီရင်ရေး၊ အုပ်ချုပ်ရေး၊ စီမံခန့်ခွဲရေး ကိစ္စအရပ်ရပ်ကို ကမ္ဘာ့အလယ်တွင် မတင့်တယ်စရာဖြစ်အောင်၊ ဖြောင့်မတ် မှန်ကန်သော လမ်းကြောင်းကို တိမ်းစောင်းအောင် လုပ်ဆောင်နေမှုများတွင် လာဘ်ပေးလာဘ်ယူမှုလည်း တစ်ခုအပါအဝင်ဖြစ်ပါသည်။ တံစိုးလက်ဆောင်နှင့် လာဘ်လာဘယူပြီး မိမိလုပ်ပိုင်ခွင့်နှင့် တာဝန်ဝတ္တရားများကို လွဲမှားစွာ ဆောင်ရွက်ပေးမှုကြောင့် တစ်ဖက် ကာယကံရှင်မှာ များစွာ နစ်နာရသလို နိုင်ငံတော်အုပ်ချုပ်သူ လူပုဂ္ဂိုလ်တို့အပေါ်တွင်လည်း အများပြည်သူ အထင်သေးစရာ၊ အပြစ် ပြောစရာများ ကြုံတွေ့ရတတ်ပါသည်။ ထို့ထက်ပိုဆိုးသည်မှာ လာဘ်ပေးလာဘ်ယူများပြားပြီး အမှန်က အမှားဖြစ်၊ အမှားက အမှန်ဖြစ်ရာ က တိုင်းပြည်၏ အုပ်ချုပ်ရေးယန္တရားမှာလည်း ကမောက်ကမဖြစ်သွားပြီး မတရားခံရသူတို့က နာကျည်းချက်ဖြင့် လက်တုံ့ပြန်ခြင်းလည်း ကြုံတွေ့ရတတ်ပါသည်။
နိုင်ငံတော်အုပ်ချုပ်သူများအနေဖြင့် တာဝန်ရှိပုဂ္ဂိုလ်များ၊ ဝန်ထမ်းများ လာဘ်ပေးလာဘ်ယူကင်းရှင်းရေး၊ အဂတိလိုက်စားမှု ပပျောက်ရေး တို့အတွက် ဥပဒေများ သတ်မှတ်ပြဌာန်းပေးထားပါသည်။ ၁၉၄၈ ခုနှစ် နိုဝင်ဘာလ ၈ ရက် နေ့စွဲဖြင့် 'အဂတိလိုက်စားမှုတားမြစ်ရေး အက်ဥပဒေ' ကို ပြဌာန်းခဲ့သလို ပြစ်မှုဆိုင်ရာဥပဒေ ပုဒ်မ ၁၆၁ မှ ၁၆၅ အထိ တို့တွင်လည်း ပြည်သူ့ဝန်ထမ်းများကျူးလွန်သော သို့မဟုတ် သက်ဆိုင်သောပြစ်မှုများ (offenses by or relating to public servants) ကိုလည်း ပြဌာန်းထားရှိပါသည်။
သို့သော်လည်း အကျင့်ပျက်ဝန်ထမ်းအချို့သည် လာဘ်လာဘမရလျှင် ဘာမျှ လုပ်ချင်ကိုင်ချင်ပုံမရ၊ လာဘ်ကိုမျှော်ကိုးပြီး လာဘ်ရမှသာ လုပ်ငန်းဆောင်ရွက်ပေးတတ်သဖြင့် လာဘ်မပေးနိုင်ပါက လုပ်ငန်းများကို ဖင့်နှေးစေပြီး ကြန့်ကြာအောင် လုပ်တတ်ကြသည်။ ထိုအခါ ကာယကံရှင်များက လုပ်ဆောင်မပေးသော ဝန်ထမ်းကို ကျော်ပြီး အစိုးရကိုသာ အပြစ်တင်တတ်ကြသဖြင့် အစိုးရလည်း နာမည် ပျက်ကိန်း ကြုံရသလို လည်ပတ်နေသော အုပ်ချုပ်ရေးယန္တရားလည်း ယိုင်နဲ့သွားရတော့သည်။
လာဘ်ပေးလာဘ်ယူ ပပျောက်ရေးကိစ္စကို ထိန်းချုပ်ရာတွင် လာဘ်ပေးသူရော၊ လာဘ်ယူသူပါ နှစ်ဦးစလုံးက မိမိတို့ အသိတရားရှိရှိဖြင့် ထိန်းချုပ်ရန်လိုပါသည်။ အကြောင်းမှာ အဂတိလိုက်စားမှုတားမြစ်ရေး အက်ဥပဒေအရ လာဘ်ပေးသူ၊ လက်ယူသူ နှစ်ဦးစလုံးမှာ အပြစ် ရှိသောကြောင့်ဖြစ်ပါသည်။
ကာယကံရှင်အနေဖြင့်လည်း မိမိရပိုင်ခွင့်များကို ပြည်သူ့ဝန်ထမ်းထံမှ မှန်မှန်ကန်ကန် နည်းလမ်းတကျ ရယူဖို့လိုပါသည်။ ပြည်သူ့ ဝန်ထမ်းများ အနေဖြင့်လည်း နိုင်ငံတော်၏လစာကို ရရှိခံစားပြီးဖြစ်ရာ မိမိတာဝန်အရ လုပ်ဆောင်ပေးရမည့်ကိစ္စကို ဥပဒေလုပ်ထုံး လုပ်နည်းနှင့်အညီ သမာသမတ်ကျကျ လုပ်ဆောင်ပေးရမည် ဖြစ်ပါသည်။ မတော်လောဘနှင့်ယှဉ်ကာ ကိုယ်ကျင့်သိက္ခာ ဖောက်ဖျက်မှု များ ရှိလာလျှင် ဥပဒေ၏အပြစ်ပေးခြင်းကို ခံရနိုင်ပါသည်။
ဘာမှမဟုတ်သည့် လာဘ်ငွေလေးအတွက် ပြည်သူ့ဝန်ထမ်းတစ်ဦး၏ ဘဝကြီးတစ်ခုလုံး ပျက်စီးသွားနိုင်သည်ကို သတိပြုသင့်ပါသည်။ ပို၍သတိပြုသင့်သည်မှာ လာဘ်ယူမှုကိစ္စကို တာဝန်ရှိသူ ပြည်သူ့ဝန်ထမ်း၏ ဇနီးသည်က ပြုလုပ်ခဲ့လျှင်လည်း ခင်ပွန်းဖြစ်သူ ဝန်ထမ်းတွင် အပြစ်ရှိပြီး ပြစ်ဒဏ်ခံရနိုင်ပါသည်။ ပြစ်မှုဆိုင်ရာဥပဒေ ပုဒ်မ ၁၆၂ တွင် ''မည်သူမဆို ပြည်သူ့ဝန်ထမ်းတစ်ဦးဦးအား ရာထူးဆိုင်ရာ ပြုလုပ်မှုတစ်ခုခုကို ပြုလုပ်စေရန်၊ ရှောင်ကြဉ်စေရန်၊ မျက်နှာလိုက်စေရန်၊ နှိမ်စေရန် သို့မဟုတ် လူတစ်ဦးတစ်ယောက်အတွက် ကောင်းကျိုးကိုသော်လည်းကောင်း၊ မကောင်းကျိုးကိုသော်လည်းကောင်း ပြုစေရန် ဥပဒေနှင့်မညီသောနည်းလမ်းဖြင့် သွေးဆောင်မှု ပြုလျှင် ပြည်သူ့ဝန်ထမ်းကို လာဘ်ပေးမှုကျူးလွန်ရာရောက်၍ ထောင်ဒဏ်သုံးနှစ် သို့မဟုတ် ငွေဒဏ် သို့မဟုတ် ဒဏ်နှစ်ရပ်လုံး ချမှတ် နိုင်ကြောင်း'' ပြဌာန်းထားသည်။
အလားတူ ပြစ်မှုဆိုင်ရာဥပဒေ ပုဒ်မ ၁၆၃ တွင်လည်း ''ပြည်သူ့ဝန်ထမ်းအပေါ်တွင် မိမိ၏သြဇာကို အသုံးပြုသည့်အတွက် တံစိုးယူလျှင် ထောင်ဒဏ်တစ်နှစ် သို့မဟုတ် ငွေဒဏ် သို့မဟုတ် ဒဏ်နှစ်ရပ်စလုံး ချမှတ်နိုင်ကြောင်း'' ပြဌာန်းထားသည်။ ပုဒ်မ ၁၆၄ တွင် ''ပြည်သူ့ ဝန်ထမ်းတစ်ဦးနှင့်စပ်လျင်း၍ တစ်ဆက်တည်းဖြစ်သော အထက်ပုဒ်မနှစ်ခုတွင် ဖော်ပြထားသည့် ပြစ်မှုတစ်ခုခုကို ကျူးလွန်ရာတွင် ထို ပြည်သူ့ဝန်ထမ်းဖြစ်သူက ထိုပြစ်မှုကို အားပေးကူညီလျှင် ထိုပြည်သူ့ဝန်ထမ်းကို သုံးနှစ်ထိ ထောင်ဒဏ် သို့မဟုတ် ငွေဒဏ် သို့မဟုတ် ဒဏ်နှစ်ရပ်လုံး ချမှတ်ရမည်'' ဟု ပြဌာန်းထားသည်ကို တွေ့ရပါသည်။ ဥပမာ- ပြည်သူ့ဝန်ထမ်းခင်ပွန်းအား ဇနီးဖြစ်သူက ၎င်း၏ မိတ်ဆွေအား ရာထူးခန့်ပေးရန် ကာယကံရှင်ထံမှ လာဘ်ယူပြီး ခင်ပွန်းသည်ကိုပြောရာ ခင်ပွန်းသည်ကလည်း ဇနီးပြောသည့်အတိုင်း လုပ်ဆောင်ပေးခဲ့ရာတွင် ပြည်သူ့ဝန်ထမ်း ခင်ပွန်းသည်ရော ဇနီးသည်ပါ ပြစ်မှုပုဒ်မ ၁၆၂ နှင့် ၁၆၃ တို့ကို ကျူးလွန်ရာရောက်ပြီး ပုဒ်မ ၁၆၄ အရ နှစ်ဦးစလုံး ပြစ်ဒဏ်ခံရမည်ဖြစ်သည်။ ဤပြဌာန်းချက်များကိုကြည့်ပါက ဇနီးမယားများအနေဖြင့်လည်း ပြည်သူ့ဝန်ထမ်း ခင်ပွန်းသည်၏ တာဝန်ဝတ္တရားဆောင်ရွက်မှုများတွင် မမှန်ကန်သောနည်းလမ်းဖြင့် ဝင်ရောက်စွက်ဖက်ရန်မသင့်ကြောင်း သတိပြု သင့်ကြောင်း တွေ့နိုင်ပါသည်။
အချုပ်အားဖြင့်တင်ပြရလျှင် ယနေ့ မြန်မာနိုင်ငံတော်အား စည်းကမ်းပြည့်ဝသော ဒီမိုကရေစီနိုင်ငံတော်သစ်ကြီးဖြစ်အောင် ကြိုးပမ်း တည်ဆောက်နေချိန်တွင် နိုင်ငံဝန်ထမ်း၊ ပြည်သူ့ဝန်ထမ်းများအနေဖြင့် သစ္စာ၊ သမာဓိ၊ သိက္ခာ၊ ကိုယ်ကျင့်တရားပြည့်ဝစွာဖြင့် နိုင်ငံ့ တာဝန်များကို မှန်မှန်ကန်ကန် စေတနာအပြည့်ထားကာ ဆောင်ရွက်သွားရန်နှင့် အဂတိလိုက်စားမှုကို အမြစ်ပါမကျန် တွန်းလှန် ဖြိုဖျက်သင့်လှကြောင်း စေတနာကောင်းဖြင့် ရေးသားလိုက်ရပါသည်။
(၂ဝဝ၇ ခုနှစ် နိုဝင်ဘာလ ၂၁ ရက်နေ့ထုတ် The Crime Journal ပါ မောင်မောင်လှဌေး (ဥပဒေ) ၏ ''ရှောင်ရှားသင့်သော လာဘ်ပေးလာဘ်ယူကိစ္စ'' ဆောင်းပါးမှ ထုတ်နှုတ်ယူထားခြင်းဖြစ်ပါသည်။)
Technorati tags: bribe,, public,, civil,, servant
အပြည့်အစုံဖတ်ရန်
အကျဉ်းချုပ်ရန်
အတ္တသမံ ပေမံနတ္ထိ - ကိုယ့်ကိုယ်ကိုချစ်သောအချစ်နှင့် တန်းတူရည်တူ ဒီဂရီပါဝါတူသော အချစ်မည်သည မရှိလို့ ဆိုစကားရှိပါတယ်။ သက်ရှိသတ္တ၀ါတိုင်းဟာ ကိုယ့်အသက်ကို အခင်တွယ်ဆုံး၊ အချစ်ဆုံးဖြစ်ပါတယ်။ ဒါကြောင့် အသက်ရှင်လိုကြပါတယ်။ အသက်ရှင်လို၊ အသက်ရှည်လိုတဲ့အတွက် အသက်မွေးကြရပါတယ်။ အသက်ရှိသော သတ္တ၀ါတိုင်း အသက်မွေးဖို့အတွက် အစာရှာကြရပါတယ်။ စားနပ်ရိက္ခာဆိုသည့်အတိုင်း အစားအစာဟူသမျှကို ရိက္ခာလို့ ခေါ်ပါတယ်။ တိရစ္ဆာန်တွေမှာလည်း ၀မ်းကရှိနေတဲ့အတွက် ၀မ်းစာရိက္ခာလိုပြီး၊ လူတွေမှာလည်း သမုဒ္ဒရာ ၀မ်းတစ်ထွာအတွက် ၀မ်းစာရိက္ခာလိုပါတယ်။ ဒီနေရာမှာ လူနဲ့ တိရစ္ဆာန် မတူတာက တိရစ္ဆာန်တွေမှာ ရိက္ခာသာလိုပြီး သိက္ခာမလိုပါဘူး။ လူတွေမှာတော့ ရိက္ခာတစ်ခုတည်းနဲ့ မလုံလောက်သေးဘဲ သိက္ခာရှိဖို့ပါလိုပါတယ်။ ရိက္ခာသာ အလေးထားပြီး သိက္ခာကို အလေးမထားရင် လူနဲ့ တိရစ္ဆာန် ဘာမျှထူးခြားတော့မည် မဟုတ်ပေ။
အာဌာဝကဘီလူးက "အရှင်ဘုရား - ဘယ်ပုံဘယ်နည်း အသက်မွေးခြင်းဟာ အကောင်းဆုံးပါလဲ" လို့ ဘုရားကို မေးလျှောက်တော့ ဘုရားက "ပညာနဲ့အသက်မွေးတာ အကောင်းဆုံး" လို့ ဖြေတော်မူခဲ့ပါတယ်။ အဌကထာဆရာက ပညာနှင့် အသက်မွေးခြင်းဟူသည် နှစ်ဖက်မြင်ပုဂ္ဂိုလ်တို့၏ အသက်မွေးခြင်းလို့ ဖွင့်ဆိုပါတယ်။ နှစ်ဖက်ဟူသည် လက်ရှိပစ္စုပ္ပန်ဘ၀နဲ့ နောင်တမလွန်ဘ၀ကို ဆိုလိုတာပါ။ နောက်တစ်နည်းအနေနဲ့ သူ့ဘက်၊ ကိုယ့်ဘက်၊ သူ့ဖို့၊ ကိုယ့်ဖို့ ကိုလည်း ဆိုလိုပါတယ်။ သူသူကိုယ်ကိုယ် အသက်မွေးကြ၊ ၀မ်းကျောင်းကြရမှာ ပစ္စုပ္ပန်အရေးနဲ့ တမလွန်အရေးဆိုပြီး နှစ်ဖက်မျှတွေးဖို့လိုပါတယ်။ နှစ်ဖက်မျှမြင်ရမယ်။ သူ့ဖို့ကိုယ့်ဖို့ နှစ်ဖက်မျှတွေးရပါမယ်။
လူဆိုတာ တစ်ယောက်တည်းနေတော့ တစ်ဝမ်းတစ်ခါးသာ ရှိပါတယ်။ နှစ်ယောက်ပေါင်းမိတော့ နှစ်ဝမ်းနှစ်ခါး။ ဒီလိုနဲ့ ၀မ်းတွေခါးတွေက တိုးပွားများပြားလာမယ်။ ၀မ်းတွေရှိတော့ ၀မ်းစာရှာကြရပါရော။ ဒီလို ၀မ်းစာရှာကြရာမှာ တချို့က ၀မ်းသာဝတယ်၊ ကုသိုလ်က မရ။ တချို့ကျ ကုသိုလ်သာရတယ်၊ ၀မ်းက မ၀။ ပီတိစားပြီး အားရှိနေကြရတယ်။ တချို့က ကုသိုလ်လည်းမရ၊ ၀မ်းလည်းမ၀။ တချို့များ ကျတော့ ကုသိုလ်လည်းရ၊ ၀မ်းလည်းဝကျပါတယ်။ ပညာနဲ့ အသက်မွေး ၀မ်းကျောင်းသူဟာ ကုသိုလ်လည်းရ၊ ၀မ်းလည်းဝတဲ့အမျိုးပါပဲ။
ဒီနေရာမှာ ပညာဆိုတာ အသိပညာ၊ အသိစိတ်ဓါတ်၊ အသိတရား ဖြစ်ပါတယ်။ အသိစိတ်ဓါတ်ရှိသူဟာ ကောင်းတဲ့အပြုအမူ၊ ကောင်းတဲ့ အလေ့အထရှိတယ်။ ကောင်းတဲ့အပြုအမူ၊ ကောင်းတဲ့အလေ့အထဟာ သီလသိက္ခာ ပါပဲ။ အသိစိတ်ဓါတ်ရှိသူဟာ ကောင်းတဲ့စိတ်ထား ရှိတယ်။ စိတ်ထားကောင်းတယ်ပေါ့။ ကောင်းတဲ့စိတ်ထားရှိလို့ စိတ်ထားကောင်းတာဟာ သမာဓိသိက္ခာဖြစ်ပါတယ်။ သမာဓိမျာ 'သံ' က ကောင်းခြင်းလို့ အဓိပ္ပါယ်ထွက်ပြီး 'အဓိ' က စိတ်ထားလို့ အဓိပ္ပါယ်ရပါတယ်။ ဒါကြောင့် သမာဓိဆိုတာ စိတ်ထားကောင်းခြင်းပဲ ဖြစ်ပါ တယ်။ အသိစိတ်ဓါတ်၊ အသိတရား၊ အသိပညာကိုယ်တိုင်ဟာ ပညာသိက္ခာ ဖြစ်ပါတယ်။
အဲဒီတော့ အသိစိတ်ဓါတ်၊ အသိတရားရှိသူမှာ ရိက္ခာနဲ့ သိက္ခာက တစ်သားတည်းကျနေပါတယ်။ အူမနဲ့ သီလ ထပ်တူမျှနေပါတယ်။ ဘုရားရှင်မိန့်တော်မူတဲ့ ပညာနဲ့အသက်မွေးတာ အကောင်းဆုံးဆိုတာက ဒီလို ရိက္ခာနဲ့ သိက္ခာ တစ်ထပ်တည်းကျတဲ့ အသက်မွေးခြင်း၊ အူမနဲ့သီလ ထပ်တူမျှနေတဲ့ အသက်မွေးခြင်းကို ဆိုလိုပါတယ်။ ဒီလို အသက်မွေးနိုင်သူဟာ တော်လည်းတော်၊ ကောင်းလည်းကောင်းတဲ့ အတွက် သူတော်ကောင်း မည်ပါတယ်။
အူမနဲ့သီလကို တစ်သီးတစ်ခြားခွဲထားလို့မရ၊ တစ်ဖက်ဖက် အစွန်းထွက်လို့မရ၊ မျှနေမှသာ သဘာဝကျပါတယ်။ လူတိုင်းမှာ အူမရှိပြီး အူမတိုင်းလည်း တောင့်ဖို့လိုပါတယ်။ အူမတောင့်ခြင်းဟာ သီလစောင့်ခြင်းကို ကျေးဇူးပြုနိုင်သလို သီလစောင့်ခြင်းကလည်း အူမတောင့်ဖို့အတွက် ကျေးဇူးပြုနိုင်ပါလိမ့်မယ်။ သီလဆိုတာ ကောင်းသောအလေ့အထ၊ ကောင်းသောအပြုအမူဖြစ်တဲ့အတွက် ကောင်းသောအလေ့အထတွေရှိရင် ကောင်းတဲ့အပြုအမူတွေပြုမူကြရင် အူမတွေ တောင့်လာကြမှာ မလွဲပါပဲ။
(၁၂ ရက် ၁၂ လ ၂၀၀၇ ခုနှစ်ထုတ် Weekly Eleven News တွင်ပါရှိသော အရှင်သံဝရာလင်္ကာရ (ဓမ္မပိရဆရာတော်) ၏ အူမနှင့် သီလ ဆောင်းပါးမှ ထုတ်နှုတ်ထားပါသည်။)
Technorati tags: dahmma,, buddhism,, buddha
အပြည့်အစုံဖတ်ရန်
အကျဉ်းချုပ်ရန်
နိုင်ငံရေးဆိုတဲ့စကားလုံးနဲ့ လူတိုင်းလောက်နီးနီး ရင်းနှီးကြပါတယ်။ နိုင်ငံရေးဆိုရင် ပါတီထောင်ကြတာလို့လည်း လူသိများပါတယ်။ နိုင်ငံရေးဆိုတာ ပြည်သူ့အရေးလို့ သိသူကတော့ နည်းပါတယ်။ လူသားအချင်းချင်း ပေါင်းသင်းဆက်ဆံမှုဆိုတာ မဖြစ်မနေအရေးပါတဲ့ အကြောင်းအရာတစ်ခု ဖြစ်ပါတယ်။ လူဆိုတာ အထီးတည်း နေလို့မရပါဘူး။ အသိုင်းအ၀ိုင်းနဲ့ နေကြရပါတယ်။ ကိုယ်နေတဲ့ဝန်းကျင်က သေးတော့ မိသားစု၊ ကြီးတော့ နိုင်ငံဖြစ်လာပါတယ်။ နိုင်ငံရေးဆိုတာ အုပ်စုကြီးတစ်ခုအတွင်းမှာရှိတဲ့ သီးခြား တစ်ဦးချင်းစီရဲ့ အပြုအမူ၊ အနေအထိုင်၊ လုပ်ဆောင်မှုတွေကို လေ့လာခြင်းလို့လည်း ဆိုနိုင်ပါတယ်။ အဖွဲ့အစည်းတစ်ခုအတွင်း အချင်းချင်းဆက်ဆံရေး၊ စီမံခန့်ခွဲရေး၊ ဆုံးဖြတ်ချက်များချမှတ်ရေး၊ ချမှတ်ထားတဲ့ အဆုံးအဖြတ်တွေကို ပြီးမြောက်အောင်ဆောင်ရွက်ရေး၊ သတ်မှတ်ချက်များ ပြဌာန်းရေးဆိုတာတွေ လုပ်ဆောင်လာကြရတယ်။ ဒါကို နိုင်ငံရေးလို့လည်း ပြောနိုင်ပါတယ်။
နိုင်ငံရေးလို့ပြောရင် အာဏာဆိုတာလည်း မဖြစ်မနေ ထည့်ပြောရပါတယ်။ နိုင်ငံရေးဆိုသည်မှာ အုပ်ချုပ်မှုဆိုင်ရာ သိပ္ပံပညာဖြစ်သကဲ့သို့ ၀ိဇ္ဇာပညာလည်းဖြစ်သည်။ နိုင်ငံတော်၏ ဖွဲ့စည်းပုံအသွင်သဏ္ဍာန်၊ အုပ်ချုပ်မှုအပိုင်းတို့သည် သိပ္ပံနည်းကျ စီမံရသောကြောင့် သိပ္ပံပညာဖြစ်ပြီး၊ တစ်နိုင်ငံနှင့်တစ်နိုင်ငံ ပေါင်းကူးဆက်ဆံရမှုများတွင် စောင့်ထိန်းအပ်သော တရားများကို လိုက်နာကြရခြင်းကြောင့် ၀ိဇ္ဇာပညာလည်းဖြစ်ပါသည်ဟု Oxford အင်္ဂလိပ် အဘိဓါန်မှာ ဖော်ပြထားပါတယ်။ Harold Lasswell (1936) ကလည်း နိုင်ငံရေးဆိုတာ ဘာကို၊ ဘယ်အချိန်မှာ၊ ဘယ်လို ရအောင်လုပ်ရမယ်ဆိုတာကို သိခြင်းလို့ ဆိုပါတယ်။ Bertrand de Jouvenal (1963) ကတော့ နိုင်ငံရေးဆိုတာ လူကို လူက မောင်းနှင်တဲ့စွမ်းအားတဲ့။ David Easton (1979) က နိုင်ငံရေးဆိုတာ အာဏာရှိသူက ခွဲဝေပိုင်းဖြတ်ပေးရသော တန်ဖို့ လို့ ဆိုထားပါတယ်။ ယေဘုယျအားဖြင့် နိုင်ငံရေးဆိုသည်မှာ နိုင်ငံတော် သို့မဟုတ် အခြားနိုင်ငံရေးဆိုင်ရာ အဖွဲ့အစည်းများကို လမ်းညွှန်ပေးခြင်း၊ စီမံအုပ်ချုပ်ရေးဆိုင်ရာ ၀ိဇ္ဇာ သို့မဟုတ် သိပ္ပံပညာ ဖြစ်သည်လို့ Oxford Concise Dictionary of Politics မှာ ဖော်ပြထားပါတယ်။ လူမှုရေးဆိုင်ရာသဘောအရတော့ နိုင်ငံရေးဆိုတာ တစ်ဦးတစ်ယောက်ကနေ စီမံအုပ်ချုပ်ရတာမျိုးလို့ဆိုရင် သဘောကျချင်မှ ကျကြပါလိမ့်မယ်။ ဒါပေမယ့် လိုအပ်ချက်အရကတော့ ဒီလိုလုပ်ဆောင်ဖို့ လိုအပ်ကောင်း လိုအပ်နိုင်ပါတယ်။
လူဆိုတာက စဉ်းစားမှု ရင့်သန်သူတွေဖြစ်လေတော့ နိုင်ငံရေးနဲ့ပတ်သက်ပြီး အတွေးအမြင်တွေ အတော်လေးကွဲပြား ကြပါတယ်။ အတိုက်အခံတွေလုပ်ကြတယ်။ သဘောထားတွေကွဲကြတယ်။ နိုင်ငံတော်ရဲ့ ပင်ကိုယ်သဘာဝကိုက မတူညီများ၊ ၀ိရောဓိများနှင့် မကင်းနိုင်တာကြောင့် နိုင်ငံအချင်းချင်း၊ လူမျိုးအချင်းချင်းလည်း စစ်ပွဲတွေ ဖြစ်နိုင်ပါတယ်။ ပိုင်ဆိုင်မှုတွေ မတူညီတာ၊ အလိုလောဘတွေကြောင့်လည်း စစ်တွေဖြစ်နိုင်ပါတယ်။ နိုင်ငံရေးလို့ ပြောလိုက်တာနဲ့ ကိုယ်မဟုတ်တာလုပ်တာကိုလည်း လူ့အခွင့်အရေးလို့ ကိုင်ပေါက်လိုက်ကြတော့တယ်။ လူတွေမှာကလည်း ချမှတ်ထားတဲ့ စည်းကမ်းဥပဒေတွေကို လိုက်နာချင်သူရှိသလို အမြဲဆန့်ကျင်နေတဲ့သူတွေလည်း ရှိတတ်ပါတယ်။ မိမိအကျိုးစီးပွားကို မထိခိုက်သရွေ့ အကောင်းမြင်တတ်ပြီး အကျိုးစီးပွားကိုထိခိုက်တာနဲ့ အခွင့်အရေးဆုံးရှုံးတယ်ဆိုပြီး ဖြစ်ကြပြန်တော့ နိုင်ငံရေးဆိုတာ လူ့အရေး၊ လူတိုင်းရဲ့အလိုဆန္ဒအရေးတို့ကို မဖြည့်ပေးနိုင်သေးသမျှ ပေးကားပေး၏ မရ၊ ကျွေးကားကျွေး၏ မ၀ဆိုသလို ဖြစ်နေမှာပါပဲ။
(၂၀၀၇ ဒီဇင်ဘာလထုတ် မျက်မှောက်ရေးရာမဂ္ဂဇင်းတွင် ပါရှိသည့် တင်ညွန့်ရေးသားသော နိုင်ငံရေးနှင့် နိုင်ငံရေးသမား ဆောင်းပါးမှ ကောက်နုတ်ထားပါသည်။ နိုင်ငံတော်နှင့် အစိုးရ အကြောင်းကိုလည်း ဆက်လက်ရေးသားပါဦးမည်။)
Technorati tags: politics, နိုင်ငံရေး Powered by ScribeFire.
အပြည့်အစုံဖတ်ရန်
အကျဉ်းချုပ်ရန်
ဆိုလိုတာကတော့ "စုပေါင်းစွမ်းအင် ဖန်တီးခြင်း" (Synergize) ပါပဲ။ "စုပေါင်းစွမ်းအင်" ဆိုသည်မှာ နှစ်ယောက် ဒါမှမဟုတ် နှစ်ယောက်ထက် ပိုတဲ့လူတွေ၊ ကိုယ်စွမ်းဥာဏ်စွမ်းရှိသမျှ ပူးပေါင်းလုပ်ကိုင်လို့ ရလာတဲ့ စုပေါင်းအာနိသင်ကို ခေါ်တာပါ။ ဒီအာနိသင်၊ ဒီအစွမ်းဟာ ကိုယ့်ဟာ မဟုတ်သလို သူ့ဟာလည်း မဟုတ်ပါဘူး။ အားလုံးထက်ပိုကောင်းတဲ့ အားလုံးနဲ့ဆိုင်တဲ့ အားလုံးပိုင်တဲ့ စွမ်းအင်ပါ။
တကယ်တော့ "စုပေါင်းစွမ်းအင်" ဆိုတာ ထူးဆန်းအံ့သြဖွယ်ရာတော့လည်း မဟုတ်ပါဘူး။ သဘာဝကြီးရဲ့ ထောင့်တိုင်း နေရာတိုင်းမှာ အလွယ်နဲ့ တွေ့နိုင်တာမျိုးပါ။ လူ့ဘ၀ လူ့လောကမှာတော့ "စုပေါင်းစွမ်းအင်" ဆိုတာ မတွေ့ချင်မမြင်ချင်အဆုံး။ ဝေးဝေးရှာစရာမလိုပါ။ ကိုယ်နဲ့နီးတဲ့ တီးဝိုင်း တစ်ခုခုကိုပဲ နားသောတဆင်ကြည့်လိုက်။ ဂစ်တာသံတော့ပါတယ်။ ဒါပေမယ့် ဂစ်တာသံသက်သက် မဟုတ်ဘူး။ အော်ဂင်တော့ဟုတ်တယ်။ ဒါပေမယ့် အော်ဂင်သံသက်သက်လည်း မဟုတ်ပြန်ဘူး။ ကောင်မလေး သီချင်းဆိုနေတယ်။ ဒါပေမယ့် သူ့အသံ သက်သက်လည်း မဟုတ်ပြန်ဘူး။ တကယ်တော့ တူရိယာပေါင်းစုံက စုစည်းပေးလိုက်တဲ့ 'ဂီတသံ' သာ ဖြစ်ပါတယ်။ အဲဒါ "စုပေါင်းစွမ်းအင်" ပါပဲ။
"စုပေါင်းစွမ်းအင်" ဆိုတာ သူ့အလိုလိုရလာတာမျိုးတော့လည်း မဟုတ်ပါဘူး။ တမင်ဖန်တီးယူရတဲ့ဖြစ်စဉ်ပါ။ ဒီလို ဖန်တီးနိုင်ဖို့ ပထမဆုံး နှလုံးသွင်းရမှာက 'လူတိုင်းလူတိုင်း သူ့အဆင်း၊ သူ့အလင်းနဲ့ ရှိပါကလား' ဆိုတာကိုပါ။ 'မတူခြားနားမှု' (Diversity) ကို အသိအမှတ်ပြုနိုင်ကြဖို့ ဖြစ်ပါတယ်။ များသောအားဖြင့်တော့ လူတွေဟာ 'မတူခြားနားမှု' နဲ့ပတ်သက်ရင် သုံးမျိုးသုံးစား တုံ့ပြန်တတ်ကြပါတယ်။ တချို့က မကြိုက်ဘူး ရှောင်တယ် (Shun Diversity)။ တချို့က ဘာသိဘာသာနေတယ် (Tolerate Diversity)။ တချို့ကျတော့ လေးစားတန်ဖိုးထားတတ်တယ် (Celebrate Diversity)။
ရှောင်ကြဉ်ရေးသမားက ကိုယ်နဲ့ အသားအရောင်၊ ကိုးကွယ်တဲ့ဘာသာ၊ လူမျိုး၊ ဒါမှမဟုတ် အတွေးအခေါ် အယူအဆမတူရင် အထင်သေးချင် ရှုတ်ချချင်ကြတယ်။ တစ်ခါတစ်လေ ရန်လုပ်ချင်တဲ့သဘောတောင် ရှိတတ်တယ်။ ကိုယ်နဲ့ သွေးတူမွေးတူချင်းမှ အဖက်လုပ်ချင်တဲ့သဘောပါ။ ဒီလိုလူမျိုးအတွက် "စုပေါင်းစွမ်းအင်" ဆိုတာ ဝေးမှဝေး...။
ဘာသိဘာသာသမားကတော့တစ်မျိုး။ သူ့ဆောင်ပုဒ်က "မင်းသဘောနဲ့ မင်းနေပါ။ ငါ့သဘောနဲ့ ငါနေမယ်။ မင်းလုပ်ချင်ရာလုပ်။ ငါလုပ်ချင်ရာ လုပ်မယ်။ မင်းကို ငါ မနှောင့်ယှက်ဘူး။ ငါ့ကိုလည်း လာမနှောင့်ယှက်နဲ့"။ ရှောင်ကြဉ်ရေးသမားလောက် မပြင်းထန်ပေမယ့် သူလည်း "စုပေါင်းစွမ်းအင်" နဲ့ မနီးလှပါဘူး။
လေးစားတန်ဖိုးထားတတ်သူကတော့ "တစ်ထပ်တည်း တွေးတတ်တဲ့ လူနှစ်ယောက်ထက်၊ တစ်မျိုးစီ စဉ်းစားတတ်တဲ့ လူနှစ်ယောက်က အောင်မြင်မှု ပိုရနိုင်တယ်" လို့ ယုံကြည်တယ်။ အဲဒီတော့ သူ့အတွေးက "မတူခြားနားမှု = တီထွင်မှုရဲ့လမ်းစ = အခွင့်အလမ်း"။ ဒီလိုလူမျိုးမှ "စုပေါင်းစွမ်းအင်" ကို ရနိုင်စရာ ရှိပါတယ်။
မတူခြားနားမှုတွေ၊ အသွင်ကွဲ အဆင်ကွဲတွေ စုပေါင်းလိုက်ရုံနဲ့ "စုပေါင်းစွမ်းအင်" ရတာမျိုးတော့လည်း မဟုတ်ပါဘူး။ ပေါင်းတဲ့နည်းကလည်း အရေးကြီးပါတယ်။ တစ်ခုက 'စေ့စပ်ညှိနှိုင်းပေါင်းစပ်ခြင်း' (compromise)လို့ခေါ်ပါတယ်။ ရည်ရွယ်ချက်က ]ကြားအဖြေ} တစ်ခု ရဖို့ပါ။ ၁ + ၁ = ၁ ၁/၂ လို့ ညီမျှခြင်း ထုတ်နိုင်ပါတယ်။ မူလ အခြေအနေထက်တော့ ပိုကောင်းလာပါတယ်။ အကောင်းဆုံးတော့ မဟုတ်သေးပါဘူး။
နောက်တစ်ခုက 'ပူးပေါင်းဆောင်ရွက်ခြင်း' (cooperation) ဖြစ်ပါတယ်။ ရည်ရွယ်ချက်က စုစုပေါင်းစွမ်းအင် ရိုးရိုးကို ရဖို့လောက်သာ ဖြစ်တယ်။ အဆတိုးပြီး စွမ်းအင်သစ်ရလာတာမျိုး မဟုတ်ပါဘူး။ ၁ + ၁ = ၂ ပေါ့။ ဒါလည်း အကောင်းဆုံးလို့ မပြောနိုင်သေးပါဘူး။
လိုချင်တာက ၁ + ၁ = ၃ ဆိုတာမျိုးပါ။ မူလပါဝင်တဲ့ စွမ်းအင်တွေ စုစုပေါင်းထက် ပိုလာတဲ့ ပေါင်းစပ်မှုမျိုးပါ။ ရည်ရွယ်ချက်က တီထွင်ဖန်တီးမှုအသစ် (စွမ်းအင်သစ်) ရဖို့ပါ။ ဒါမျိုးကိုမှ "စုပေါင်းစွမ်းအင်" (synergy) လို့ ခေါ်နိုင်ပါလိမ့်မယ်။ ပြောရရင် 'အမြင့်ဆုံးလမ်း' (high way) ပေါ့။ အဲဒီ 'အမြင့်ဆုံးလမ်း' ကိုရောက်အောင် အဆင့်ငါးဆင့်ကို ဖြတ်သန်းဖို့လိုပါတယ်။
၁။ Define the problem။ ။ ပြဿနာကို ဖွင့်ဆိုရပါမယ်။ ဘာကြောင့်ဖြစ်တယ်၊ ဘယ်လိုဖြစ်တယ် စသဖြင့်ပေါ့။
၂။ Their way။ ။ သူများရဲ့အိုင်ဒီယာကို နားလည်ဖို့ အရင်ကြိုးစားရပါမယ်။
၃။ My way။ ။ ကိုယ့်အိုင်ဒီယာကို သူများနားလည်အောင် မျှဝေပြရပါမယ်။
၎။ Brainstorm။ ။ အိုင်ဒီယာမျိုးစုံ၊ လမ်းကြောင်းမျိုးစုံကို နှိုင်းယှဉ်ဆက်စပ်ပြီး ရွေးစရာလမ်းကြောင်းသစ်တွေ၊ အိုင်ဒီယာသစ်တွေ ဖန်တီးကြရပါမယ်။
၅။ High way။ ။ အကောင်းဆုံးလမ်းကို ရွေးချယ်ရမှာ ဖြစ်ပါတယ်။
"စုပေါင်းစွမ်းအင်" ရဖို့ ကြိုးစားရတဲ့လမ်းမှာ တောင်ကြီးသုံးလုံး ကာနေတတ်တာ ကိုတော့ အထူးသတိပြုဖို့ လိုပါတယ်။ ဒီတောင်တွေကို မကျော်နိုင်ရင် "စုပေါင်း စွမ်းအင်" ကို ဘယ်လိုမှ ဆုပ်ကိုင်နိုင်မှာ မဟုတ်ပါဘူး။ ပထမဆုံးတောင်ကြီးကတော့ 'မာန' ဆိုတဲ့ တောင်ကြီးပေါ့။ မတူခြားနားမှုကို အထင်အမြင်သေးရာက ကိုယ့်ကိုယ်ကို သူများထက် ခေါင်းတစ်လုံးမြင့်သူလို့ အထင်ရောက်လာတဲ့ 'ဘ၀င်' စိတ်ပါ။ အဲဒီဘ၀င်က ခံနေတော့ သူများရဲ့ခံစားမှုကို မစာနာတတ်သလို သူများရဲ့ အိုင်ဒီယာ ကိုလည်း စိတ်မ၀င်စားတတ်တော့ဘူး။ 'အမှန်တရားအားလုံး ငါ့မှာရှိနေပြီ' ဆိုပြီး ကိုယ့်အသိစိတ်ကို ကိုယ့်ဘာသာ တံခါးပိတ်နေတော့တယ်။
ဒုတိယတောင်ကြီးကတော့ 'ဂိုဏ်းဂဏစိတ်' ဆိုတဲ့ တောင်ကြီးပါ။ ကိုယ်နဲ့ အမြင်တူ၊ အတွေးတူ၊ ယုံကြည်ချက်တူသူချင်းသာ အဖက်လုပ်ပြီး လောကကြီးနဲ့ အဆက် ပြတ်နေတာ ဖြစ်ပါတယ်။ ဒီလိုလူမျိုးတွေဟာ ကိုယ့်အစုအဝေးကိုသာ တစ်ကမ္ဘာ ထင်နေတတ်ပေမယ့် တကယ်တော့ စိတ်ကူးယဉ်ဂိုဏ်းလေးတစ်ခုထက် မပိုပါဘူး။ အုပ်စုစွဲ၊ ဂိုဏ်းဂဏစွဲက ခံနေတော့ သူများအမြင်၊ သူများအိုင်ဒီယာကို ဘယ်မှာ လက်ခံစဉ်းစားနိုင်တော့မှာလဲ။ 'ငါနဲ့မတူ ငါ့ရန်သူ' ဆိုတဲ့ အစွဲနဲ့ ပုတ်ခတ်စော်ကားတဲ့ တုံ့ပြန်နည်းကလွဲလို့ သူတို့ဘာမှ မလုပ်တတ်ကြတော့ဘူး။
နောက်ဆုံးတောင်ကြီးကတော့ 'အာဃာတ' ဆိုတဲ့ တောင်ကြီးပါ။ အခုအခံ အစွဲအလမ်းတွေကို မွေးထုတ်လိုက်တဲ့ အမုန်းမီးပွားတွေ ဖြစ်ပါတယ်။ ဒီလိုလူမျိုး တွေဟာ အတိတ်ရဲ့အကျဉ်းသားတွေ ဖြစ်တတ်သလို၊ အမုန်းနဲ့ လောင်မြိုက်ခံ နေရ ရှာသူတွေလည်း ဖြစ်ပါတယ်။ ဒီတောင်ကြီးသုံးခုကိုလည်း ကျော်နိုင်ပြီဆိုရင်တော့ "စုပေါင်းစွမ်းအင်" နဲ့ လက်တကမ်းကို ရောက်လာပြီဖြစ်ပါတော့တယ်။
(Sean Covey ၏ The 7 Habits of Highly Effective Teens အား ကျော်ဝင်း၏ ဘာသာပြန်မှုများမှ ကောက်နှုတ်ထားပါသည်။)
technorati tags: synergize, synergy, diversity, habbits
အပြည့်အစုံဖတ်ရန်
အကျဉ်းချုပ်ရန်
လွတ်လပ်မှုကို အလွဲသုံးစားမလုပ်ဖို့ သိပ်အရေးကြီးပါတယ်။ လွတ်လပ်မှုကို အလွဲသုံးစားလုပ်တဲ့သူဟာ လွတ်လပ်မှုနဲ့ မတန်ဘူး။ ကိုယ့်လွတ်လပ်မှုကို တန်ဖိုးထားရင် သူတစ်ပါးရဲ့ လွတ်လပ်မှုကိုလည်း တန်ဖိုးထားမှ ဖြစ်မယ်။ ကိုယ့်အကျိုးရှိဖို့ သူတစ်ပါးအကျိုး ထိခိုက်တဲ့အလုပ်တွေကို စည်းမဲ့ကမ်းမဲ့လုပ်တာဟာ လွတ်လပ်မှုမဟုတ်ဘူး။ လူ့အသိုင်းအ၀ိုင်းတစ်ခုလုံးအတွက် အကျိုးရှိတာကိုသိပြီး လုပ်နိုင်တဲ့သူဟာ လွတ်လပ်မှုရှိတဲ့သူ ဖြစ်တယ်။ တစ်ကိုယ်ကောင်းဆန်တဲ့သူဟာ လွတ်လပ်မှုမရှိတဲ့သူ လွတ်လပ်မှုနဲ့ မတန်တဲ့သူ ဖြစ်တယ်။
ဥပဒေဆိုတာ လွတ်လပ်မှုကို တားဆီးနေတဲ့အရာလို့ ဆိုနိုင်ပေမဲ့ ဥပဒေမရှိဘဲ လွတ်လပ်မှု မရှိနိုင်ဘူး။ စည်းကမ်းနဲ့ လွတ်လပ်မှု၊ တာဝန်နဲ့ လွတ်လပ်မှုတို့ဟာ တွဲနေတယ်။ ဥပဒေမရှိ စည်းကမ်းမရှိတဲ့ အသိုင်းအ၀ိုင်းမှာ လုံခြုံမှု မရှိဘူး။ လုံခြုံမှုမရှိရင်လည်း လွတ်လပ်မှု မရှိတော့ဘူး။ ကိုယ့်အိမ်ထဲကို ကိုယ်ခွင့်မပြုဘဲ ဘယ်သူမဆို ၀င်လာလို့ရရင် လုံခြုံမှု ရှိသေးသလား။ လွတ်လပ်မှု ရှိသေးသလား။
လွတ်လပ်မှုရဲ့ စစ်မှန်တဲ့အဓိပ္ပါယ်ကို နားလည်ဖို့ သိပ်အရေးကြီးပါတယ်။ အတ္တစိတ်ကလိုချင်တဲ့ လွတ်လပ်မှုက တစ်မျိုး၊ သတိနဲ့ဥာဏ်ပါတဲ့ အတ္တစွဲကင်းတဲ့စိတ်က လိုချင်တဲ့ လွတ်လပ်မှုက နောက်တစ်မျိုး။ အတ္တစွဲကင်းတဲ့လူက လိုချင်တဲ့ လွတ်လပ်မှုဟာ သူ့တစ်ယောက်တည်းအတွက် လိုချင်တဲ့ လွတ်လပ်မှု မဟုတ်ဘူး။ လူ့အသိုင်းအ၀ိုင်းတစ်ခုလုံးအတွက် လိုချင်တဲ့ လွတ်လပ်မှုဖြစ်တယ်။
အတ္တစွဲကင်းတဲ့လူဟာ ကိုယ်ထင်ရာမလုပ်ဘူး။ နောက်ဖြစ်လာမယ့် အကျိုးဆက်တွေကို ထည့်စဉ်းစားတယ်။ အမြော်အမြင်ကြီးတဲ့အတွက် နိုင်ငံတစ်နိုင်ငံလုံးအတွက်ကော နောက်လာမယ့် ခေတ်အဆက်ဆက်အတွက်ကော ထည့်စဉ်းစားပြီး လုပ်သင့်တာကိုပဲ လုပ်မယ်။ သူတွေးတာက ငါတို့ဟာ လူ့အသိုင်းအ၀ိုင်းကြီးတစ်ခုလုံးရဲ့ အစိတ်အပိုင်း တစ်ခုပဲဖြစ်တယ်။
We exist as part of a community. We cannot afford to ignore those who went before, and those who will come after.
ငါတို့ဟာ အသိုင်းအ၀ိုင်းကြီးတစ်ခုရဲ့ အစိတ်အပိုင်းတစ်ခုဖြစ်တယ်။ တို့ရှေ့က သွားတဲ့သူတွေနဲ့ တို့နောက်က လာမယ့်သူတွေကို အလေးမထားဘဲ နေလို့မဖြစ်ဘူး။
(ဆရာတော်ဦးဇောတိက (မဟာမြိုင်တောရ) ၏ အသက်ရှင်နေလျက် ဘ၀သေနေသူ စာအုပ်မှ ထုတ်နှုတ်ထားပါသည်။)
အပြည့်အစုံဖတ်ရန်
အကျဉ်းချုပ်ရန်
တကောင်းအဆက် ဗဟိုမဟာအနွယ်တွေမို့
ဇောင်းထက်သလို ကဗျာသွယ်စေတော့
ဒေါင်းငှက်ဆို မြန်မာရယ်လို့
ကမ္ဘာအလယ်က သိကြပြီ။
ဒေါင်းခွပ်လျှင်နာ
ဒေါင်းတွန်ရင် သာပါလိမ့်
ပြည်မြန်မာ သည်နိမိတ်
ရှေးအတိတ်ဆီ။
သည်ရွှေပြည် အလှဆောင်းမယ်လို့
မြန်မာ့ဒေါင်း ညီလာခံတော့
သီတာရံ အနောက်တောဆီက
သဘောမတည် ငှက်တမန်တို့
မရှက်ပြန် အဖျက်ရန်အကြံမိုက်တွေနဲ့
အသိုက်ပြောင်း ဒေါင်းအသွင်ကြံဆောင်ကြသော်လည်း
ဟန်ဆောင်ဘ၀ တာမရှည်
(မာယာအလီလီနဲ့)
တစာစာမြည်လို့ လှည့်စားတုန်း။
အိုးဝေ ... အိုးဝေ ... ရယ်လို့
မျိုးအဆွေ တွန်သံနှောလေခိုက်
တောတစ်ဝိုက် သိမ့်တုန်ခါရော့
ညာတဲ့သူ အသံပြာနဲ့
တအာအာ ဘာသာစကားကိုက
မြန်မာနားမှာ မချိုစရာမို့
ဘယ်လိုလာ အရေခြုံနေလည်း
မြေတုန်အောင် အခါခါရှာလို့
မညှာတာ အပြီးတိုက်စို့ရဲ့
(ဟဲ့-)
ကျီးမိုက် ပြန်ဦး ။ ။
(၁၉၉၉ ခုနှစ်၊ စာပေဗိမာန် စာမူဆု၊ ကဗျာပေါင်းချုပ်၊ ပထမဆုရ ပြင်စည်အောင် (ခရာတော) ၏ သရပါအ၀င် ကဗျာများ စာအုပ်မှ ကူးယူဖော်ပြသည်။)
အပြည့်အစုံဖတ်ရန်
အကျဉ်းချုပ်ရန်
1. He had only one major publication.
2. It was in Hebrew.
3. It had no references.
4. It wasn't published in a refereed journal.
5. Some even doubt he wrote it by himself.
6. It may be true that he created the world, but what has he done since then?
7. His cooperative efforts have been quite limited.
8. The scientific community has had a hard time replicating his results.
9. He never applied to the ethics board for permission to use human subjects.
10. When one experiment went awry he tried to cover it by drowning his subjects.
11. When subjects didn't behave as predicted, he deleted them from the sample.
12. He rarely came to class, just told students to read the book.
13. Some say he had his son teach the class.
14. He expelled his first two students for learning.
15. Although there were only 10 requirements, most of his students failed his tests.
16. His office hours were infrequent and usually held on a mountain top.
17. No record of working well with colleagues.
Honor to thehappypersons.googlegroups.com
အပြည့်အစုံဖတ်ရန်
အကျဉ်းချုပ်ရန်
နိုင်ငံရေးတွင် စိတ်ဝင်စားဖွယ်ရာအချက်များစွာ ရှိပါသည်။ စနစ်တကျ လေ့လာလုပ်ဆောင်လျှင် တိုင်းပြည်အကျိုးရှိဖွယ်၊ နမူနာယူဖွယ် အချက်များစွာရှိပါသည်။ လူဦးရေမှာ ပထ၀ီနိုင်ငံရေး (Geo-Politics) ၏ ပထမအချက်ကြီးတစ်ရပ်ဖြစ်ပါသည်။ ယင်းက နိုင်ငံရေးကို အကြီးအကျယ် လွှမ်းမိုးမှုရှိပေသည်။ လူဦးရေအခြေအနေ (Demographic Situation) ကို ထည့်မတွက်ဘဲ နိုင်ငံရေးလုပ်ဆောင်လျှင် အကျိုးမရှိ ဖြစ်နိုင်သည်။
ကျွန်တော်တို့ မြန်မာနိုင်ငံ လူဦးရေအခြေအနေနှင့် ပထ၀ီနိုင်ငံရေးကို လေ့လာလျှင် အလွန်ရင်လေးဖွယ် အချက်ကို တွေ့ရပေမည်။ မြန်မာနိုင်ငံမြောက်ဘက်တွင် လူဦးရေ သန်းပေါင်း ၁၀၀၀ ကျော်ရှိသည့် တရုတ်နိုင်ငံရှိပြီး၊ အနောက် ဘက်တွင် လူဦးရေ သန်းပေါင်း ၈၀၀ ကျော်ရှိ အိန္ဒိယနိုင်ငံရှိပေသည်။ အနောက်မြောက်မှ ဘင်္ဂလားဒေ့ရ်ှသည်လည်း လူဦးရေ သန်းပေါင်း ၁၀၀ ကျော်နေပေပြီ။ ယင်းလူဦးရေထူထပ်လှသည့် နိုင်ငံကြီးသုံးနိုင်ငံကြားတွင် လူဦးရေ ၅၄ သန်း ကျော်မျှသာရှိသော မြန်မာနိုင်ငံအခြေအနေသည် မည်မျှရင်လေးဖွယ်ကောင်းပါသနည်း။
ထိုသို့သော လူဦးရေအခြေအနေတွင် မြန်မာလူမျိုးတို့၏ စရိုက်လက္ခဏာ (National Characteristic) ကို ထည့်တွက်လိုက်ပါက အခြေအနေမှာ အလွန်ဆိုးရွားလှသည်ကို တွေ့ကြရပေမည်။ မြန်မာလူမျိုးတို့သည် တစ်ဦးချင်း အလွန်လွတ်လွတ်လပ်လပ် နေလိုပြီး၊ မိမိသဘောအရသာ နေသွားလို၏ (Individualistic) )။ ထို့ကြောင့် ခိုင်မာ စွမ်းပကားရှိသည့် ခေါင်းဆောင်များ မရှိသည့်အခါ မြန်မာတို့သည် ညီညွတ်စည်းလုံးမှု လုံးဝမရှိဘဲ ၀ါးအစည်းပြေ သလို သူတစ်လူငါတစ်မင်းသာ နေထိုင်ခဲ့ကြသည်ကို တွေ့ရပါသည်။
ပုဂံခေတ်မှ ယခုအထိ တိုင်းပြည်စည်းလုံးညီညွတ်သည့် ကာလမှာ အလွန်နည်းပြီး ၀ါးအစည်းပြေသလို ဖြစ်ခဲ့သည်က များလေသည်။ အနော်ရထာ၊ ဘုရင့်နောင်၊ အလောင်းဘုရား၊ ဗိုလ်ချုပ်အောင်ဆန်းတို့ကဲ့သို့ စွမ်းပကားရှိပြီး ခိုင်မာသည့် ခေါင်းဆောင်များ လက်ထက်တွင်သာ မြန်မာတို့ ရေပက်မ၀င်အောင် စည်းလုံးခဲ့လေသည်။ မြန်မာတို့ စည်းလုံးမိပြီ ဆိုလျှင်လည်း အရှေ့တောင်အာရှ ဖိန့်ဖိန့်တုန်ခဲ့သည်ချည်းဖြစ်၏။
သို့သော် ထိုသို့ စည်းလုံးခဲ့သည့်အချိန်မှာ အလွန်နည်းပါးလှပါဘိ။ အနော်ရထာ နန်းသက် (အေဒီ ၁၀၄၄-၁၀၇၇) ၃၃ နှစ်၊ ဘုရင့်နောင် နန်းသက် (အေဒီ ၁၅၅၀-၁၅၈၁) ၃၁ နှစ်၊ အလောင်းဘုရား နန်းသက် (အေဒီ ၁၇၅၂-၁၇၆၀) ၈ နှစ် နှင့် ဗိုလ်ချုပ်အောင်ဆန်း ၂ နှစ် (၁၉၄၅ ခုနှစ် စစ်ကြီးအပြီး ဗိုလ်ချုပ် နိုင်ငံရေးဦးဆောင်မှုပေးသည့် ကာလကိုသာ ရေတွက်ပါသည်။) စုစုပေါင်း ၇၄ နှစ်သာ မြန်မာတို့ စည်းစည်းလုံးလုံး ရှိခဲ့ကြလေသည်။ အနော်ရထာလက်ထက် ၁၀၄၄ မှစကာ ရေတွက်သော် ၁၉၄၇ ခုနှစ် ဗိုလ်ချုပ်အောင်ဆန်းကျဆုံးသည်အထိ နှစ်ပေါင်း ၉၀၃ နှစ်တွင် ၇၄ နှစ်သာ မြန်မာတို့ စည်းစည်းလုံးလုံး ရှိခဲ့ကြလေသည်။ ၁၉၄၇ ခုနှစ်မှစကာ ယနေ့ထိ ကွဲခဲ့ပြဲခဲ့ကြသည်ကို ကိုယ်တွေ့ တွေ့ဖူး၊ ကြုံဖူးကြပြီး ဖြစ်ပေသည်။
ထို့ကြောင့် ယနေ့မျက်မှောက်ခေတ် မြန်မာနိုင်ငံ၏ ပထ၀ီနိုင်ငံရေးအခြေအနေအရ ကျွန်တော်တို့၏ အလိုအပ်ဆုံးအချက် မှာ စည်းလုံးညီညွတ်ရေးဖြစ်ပါသည်။ အစဉ်အလာအရ မြန်မာတို့ စည်းစည်းလုံးလုံး ရှိခဲ့ကြသည်မှာလည်း ခိုင်မာ စွမ်းပကားရှိသည့် ခေါင်းဆောင်များလက်ထက်တွင်သာ ဖြစ်ရကား ကျွန်တော်တို့ အလိုအပ်ဆုံးအချက်မှာ ခိုင်မာ စွမ်းပကားရှိသည့် လက်ရုံးရည်၊ နှလုံးရည်နှင့် ပြည့်စုံသည့် ခေါင်းဆောင်မှုအောက်မှ တစ်မျိုးသားလုံး စည်းလုံးညီညွတ် မှုဟု ကောက်ချက်ချနိုင်မည် ဖြစ်ပေသည်။
နိုင်ငံကလည်းသေးငယ်၊ အချင်းချင်းလည်း မညီမညွတ်ဖြစ်နေလျှင်၊ ထို့ပြင် ယင်းနိုင်ငံငယ်နှင့် အိမ်နီးချင်းနိုင်ငံသည် နိုင်ငံကြီးတစ်ခုဖြစ်နေပါက ယင်းနိုင်ငံငယ် သေဖို့သာပြင်ပေတော့။ နိုင်ငံကြီးများအလယ်တွင် ကြားညှပ်နေသည့် မြန်မာနိုင်ငံတွင် လွတ်လပ်ရေးမရမီမှစကာ ယခုထိ အတောမသတ် အချင်းချင်း ကွဲပြဲတိုက်ခိုက်လာကြသည်ကို နှောင်းခေတ်သမိုင်းဆရာတို့က မည်သို့ သုံးသပ်ရေးသားကြမည် ထင်သနည်း။
ယင်းမှာ နိုင်ငံငယ်များအတွက် သမိုင်းက ပေးသည့် အရေးအကြီးဆုံး သင်ခန်းစာပင် ဖြစ်ပါသည်။
ပိုလန်ကိုကြည့်ပါ။ အချင်းချင်း သူတစ်လူ ငါတစ်မင်း မညီညွတ်ကြသောကြောင့် အိမ်နီးချင်းနိုင်ငံများဖြစ်သည့် ရုရှား၊ ပရပ်ရှားနှင့် သြစတြီးယားတို့က ပိုလန်ကို သားတစ်သဖွယ် အပိုင်းပိုင်းလှီးဖြတ်ကာ ခွဲဝေယူခြင်း အကြိမ်ကြိမ် ခံခဲ့ရလေသည် (Partitions of Poland) ။ ဒုတိယကမ္ဘာစစ်အတွင်းကပင် ရုရှားနှင့် ဂျာမနီတို့က လက်ဝါးချင်းရိုက်ကာ ပိုလန်ကို တစ်ပိုင်းစီ ခွဲစိတ်ယူခဲ့ကြပါသေးသည်။
နိုင်ငံသေးငယ်တိုင်း သူများစော်ကားခံရသည်တော့မဟုတ်ပေ။ နိုင်ငံလေးများအတွက် သူများ အစော်ကားမခံရစေရန် မရှိမဖြစ် လိုအပ်ချက်မှာ စည်းလုံးညီညွတ်ရေးနှင့် စစ်ရေးပြင်ဆင်ပြီးဖြစ်မှုတို့ဖြစ်ပါသည်။ အစ္စရေးနှင့် ဆွစ်ဇာလန်တို့မှာ နိုင်ငံငယ်များအတွက် အကောင်းဆုံးသာဓကများ ဖြစ်ပေသည်။
အစ္စရေးလူဦးရေမှာ သုံးသန်းမျှသာဖြစ်၏။ ရန်သူအာရပ်နိုင်ငံအားလုံး လူဦးရေနှင့်နှိုင်းလျှင် ၂၀ ပုံ ၁ ပုံပင်မရှိချေ။ သို့သော် အစ္စရေးကို မည်သူကမျှ မစော်ကားရဲ။ အစ္စရေးစတင်တည်ထောင်ခဲ့သည့် ၁၉၄၈ ခုနှစ်မှ ယနေ့ထိ အာရပ်များနှင့် စစ်သုံးကြိမ်ဖြစ်ခဲ့ရာ စစ်ဖြစ်တိုင်း အစ္စရေးကသာ အနိုင်ရခဲ့သည်ချည်း ဖြစ်သည်။
ဆွစ်ဇာလန်နိုင်ငံသည် သေးငယ်လှသော်လည်း ဒီမိုကရေစီကို အလွန်မြတ်နိုးသည့်နိုင်ငံဖြစ်၏။ ဘက်မလိုက်သည်မှာ လည်း တကယ်ဒင်ဒင်မြည် ဘက်မလိုက်နိုင်ငံဖြစ်လေသည်။ မကြာသေးမီ အချိန်လေးအထိ ဆွစ်ဇာလန်သည် ကုလသမဂ္ဂကိုပင် အဖွဲ့ဝင်အဖြစ် မ၀င်ခဲ့ဘဲ သီးခြားရပ်တည်ခဲ့သည့်နိုင်ငံ ဖြစ်လေသည်။
နှစ်နိုင်ငံစလုံးသည် သေးငယ်စေကာမူ စစ်ရေးတွင် ဒင်ဒင်မြည် ထိပ်ထိပ်ကြဲများဖြစ်သောကြောင့် မည်သူ့ အစော်ကားမျှ မခံခဲ့ရခြင်းဖြစ်လေသည်။ သည်နှစ်နိုင်ငံလုံးနှင့် မြန်မာနိုင်ငံ နှိုင်းယှဉ်ကြည့်လျှင် သယံဇာတ ပေါကြွယ်ဝသည့်နေရာတွင် မြန်မာက ထိပ်တန်းကဖြစ်ပါသည်။ မြန်မာတို့သည်သာ စည်းလုံးညီညွတ်စွာဖြင့် သယံဇာတအရင်းအမြစ်များကို စီးပွားရေး တကယ်နားလည်သူများနှင့် စနစ်တကျ ထုတ်ယူသုံးစွဲလိုက်လျှင် မြန်မာတို့ အာရှတွင် နှစ်ပေါင်းသုံးဆယ် အတွင်း ထိပ်တန်းနိုင်ငံတစ်နိုင်ငံ ဖြစ်သွားနိုင်ပါသည်။ ထို့ကြောင့် ကျွန်တော်တို့၏ နိုင်ငံရေးခေါင်းဆောင်များ ပထ၀ီနိုင်ငံရေး (အထူးသဖြင့်) မြန်မာနိုင်ငံ၏ လူဦးရေအခြေအနေကို ရှေ့တန်းတင် စဉ်းစားကြပြီး ညီညွတ်ရေးတည်ဆောက်ရန် အချိန်တန်ပြီဖြစ်ပါကြောင်း ရေးသားတင်ပြလိုက်ရပါသည်။
(သောင်းထိုက်၏ ပထ၀ီနိုင်ငံရေးစာအုပ်မှ ထုတ်နှုတ်ထားပါသည်။)
technorati tags: demographic, geopolitic, individualistic, national characteristic
အပြည့်အစုံဖတ်ရန်
အကျဉ်းချုပ်ရန်
ဒီသတင်းလေးကို အောက်တိုဘာ ၂၆ ရက်ထုတ် လျှပ်တစ်ပြက်ဂျာနယ်မှာ တွေ့လိုက်ရတော့ စိတ်မကောင်းဖြစ်မိပါတယ်။ ဒီမင်းသမီးတွေဟာလည်း မြန်မာမိန်းကလေးတွေပါပဲ။ ဗုဒ္ဓဘာသာဝင် တွေပါပဲ။ ကိုယ့်ရဲ့နှမသားချင်း အရွယ်တွေလည်း ဖြစ်ပါတယ်။ ကိုယ်ချင်းစာပြီး စောင့်ရှောက်ပေးသင့်ပါတယ်။ အခုဖြစ်ပုံက စိတ်မကောင်းစရာလည်း ကောင်းပါတယ်။ အခုနှစ်ပိုင်းအတွင်းမှာ ဒီလိုအဖြစ်အပျက်တွေ တော်တော်တွေ့နေ၊ မြင်နေ၊ ကြားနေရပါတယ်။ နည်းပညာတွေ တိုးတက် လာတာ မိန်းကလေးတွေအတွက် ထိတ်လန့်စရာလိုဖြစ်နေပါတယ်။ ရုပ်ရှင်အစည်းအရုံးဥက္ကဌ ဦးမြင့်သိန်းဖေကလည်း ဒီခေတ် နည်းပညာတွေက ကြောက်ဖို့ကောင်းကြောင်း၊ ဘယ်သူမှ သိပ်မလုံခြုံတော့သလိုဖြစ်နေကြောင်း အင်တာဗျူး တစ်ခုမှာ ပြောထားတာတွေ့ရပါတယ်။ ဒါဟာ လွန်ခဲ့တဲ့ ၃၊ ၄ နှစ်လောက်ကတည်းကစပြီး မသမာသူတွေက လုပ်နေကြ တာပါ။ ဥက္ကဌအနေနဲ့ ကိုယ့်သားသမီး၊ ကိုယ့်မောင်နှမလို ကိုယ်ချင်းစာပေးသင့်ကြောင်း၊ အခုလိုလုပ်ခြင်းဖြင့် လုပ်သူ အတွက်လည်း အကျိုးမရှိကြောင်း၊ ခံလိုက်ရတဲ့ သူတွေအတွက် ထည့်ပြီးစဉ်းစားရင်ပဲဖြစ်ဖြစ် မြန်မာဆိုတဲ့စိတ်ဓါတ်နဲ့ စဉ်းစားရင်ပဲဖြစ်ဖြစ် အင်မတန်ဆိုးရွားတဲ့ဆောင်ရွက်မှုတွေဖြစ်ကြောင်း၊ နည်းပညာကို အသုံးချပြီး ကိုယ်နဲ့တည့်လို့ဖြစ် စေ၊ မတည့်လို့ဖြစ်စေ၊ လက်တည့်စမ်းတာပဲဖြစ်စေ မလုပ်သင့်ကြောင်း ပြောထားတာတွေ့ရပါတယ်။
ကျွန်တော့်အနေနဲ့လည်း အခုလိုလုပ်ရပ်တွေကို စိတ်မကောင်းပါဘူး။ ဒီကိစ္စတွေဟာ အမှန်တကယ် ဟုတ်သည်ဖြစ်စေ၊ မဟုတ်သည်ဖြစ်စေ ပုဂ္ဂိုလ်ရေးကိုထိပါးတဲ့အတွက် မလုပ်သင့်တဲ့ဟာပါ။ ဥပဒေကြောင်းအရလည်း အသရေဖျက်မှုနဲ့ တရားစွဲလို့ရနိုင်ပါတယ်။ ဗုဒ္ဓဘာသာအမြင်နဲ့ဘဲ ကြည့်ကြရအောင်။ ဗုဒ္ဓဘာသာဝင်တွေ ရှောင်ကြဉ်အပ်တဲ့ ဒုစရိုက် ဆယ်ပါးရှိပါတယ်။ အဲဒီအထဲက ကာယဒုစရိုက် ၃ ပါးထဲမှာ သူတစ်ပါးသားမယားကို ပြစ်မှားခြင်းဆိုတဲ့ ကာမေသု မိစ္ဆာစာရကံဆိုတာ ပါ}ပါတယ်။ သူတစ်ပါးသားမယားကို ပြစ်မှားတယ်ဆိုတာ ကိုယ်ထိလက်ရောက်၊ ကိုယ်ဖိရင်ဖိ ပြစ်မှားကျူးလွန်တာကိုပဲဆိုလိုတာ မဟုတ်ပါဘူး။ ကာယကံ၊ ၀စီကံ၊ မနောကံ ဘာနဲ့မှ မပြစ်မှားအပ်ဘူးလို့ ဆိုလိုတာ ပါ။ အခုလုပ်ရပ်က ကာယကံမြောက်မထိပါးပေမယ့် ဒီလူတွေကို အထင်မှားစေဆိုတဲ့ မနောကံနဲ့ ဒီလူ ဒီလူတွေပေါ့လို့ ပြောဆိုတဲ့ ၀စီကံ နှစ်ခုမြောက်ပါတယ်။ ကာမေသုမိစ္ဆာစာရကံရဲ့ အကျိုးပေးပုံက ဘေးရန်အန္တရာယ် များပြားခြင်း၊ လူမုန်းများခြင်း၊ နှစ်သက်ဖွယ်မရှိတဲ့ လင် သို့မဟုတ် မယားနဲ့ ဆက်ဆံပေါင်းသင်းရခြင်းတို့ဖြစ်ပါတယ်။ ဒါကြောင့် ပြုလုပ်တဲ့သူတွေအနေနဲ့ ကိုယ့်ကိုယ်ကို ပြန်သုံးသပ်သင့်ပါတယ်။ မိန်းကလေးဖက်က သဘောတူကြည်ဖြူရင်တော့ တစ်မျိုးပေါ့လေ။ အဲဒီလိုမိန်းကလေးလည်း ရှိမယ်တော့မထင်ပါဘူး။ ငွေကြေးနဲ့ တခြားတစ်စုံတစ်ရာအတွက် လုပ်တဲ့သူ တွေ ရှိရင်လည်းရှိလိမ့်မပေါ့။ ကာယကံရှင် သဘောတူကြည်ဖြူမှုမရှိဘဲ၊ ဟုတ်မှန်တာလည်းမဟုတ်ဘဲ အခုလိုလုပ်တဲ့ လုပ်ရပ်ကတော့ လူမှုရေး၊ ဘာသာရေးနဲ့ ဥပဒေရေး ဘယ်ဘက်ကမှ လက်ခံနိုင်စရာမရှိပါဘူး။ ကျွန်တော်ကတော့ ကန့်ကွက်ချင်ပါတယ်။
အပြည့်အစုံဖတ်ရန်
အကျဉ်းချုပ်ရန်
ယနေ့ ဖွံ့ဖြိုးဆဲနိုင်ငံအများစုကြီး၏ ဆင်းရဲမွဲတေမှုသည် မရှိ၍ ဆင်းရဲသည်ထက် မသိ၍ ဆင်းရဲရသည်ဟု ဆိုပါက ပို၍ မှန်ကန်ပေလိမ့်မည်။ နိုင်ငံများတွင် ရုပ်ဝတ္ထုအရင်းအမြစ်များနှင့် လူသားအရင်းအမြစ်များ မရှိမဟုတ်ဘဲ ရှိနေသည်များကို မည်သို့ ထိရောက်စွာ အသုံးပြုရမည်ကိုမသိ ဆင်းရဲနေရခြင်းဖြစ်ပေသည်။ ထို့ကြောင့်လည်း လက်တင်အမေရိက နိုင်ငံတစ်နိုင်ငံမှ စီးပွားရေးပညာရှင်တစ်ဦးက ကျွန်ုပ်တို့သည် အလားအလာကောင်းသော ရွှေတွင်းကြီးပေါ်တွင် ထိုင်ပြီး ငတ်နေကြသူများဖြစ်သည်ဟု ထုတ်ဖော်ပြောဆိုခဲ့ခြင်းဖြစ်ပေသည်။
နိုင်ငံများ၏ စီးပွားရေးဖွံ့ဖြိုးမှုဆိုင်ရာအကြောင်းအရာများကို လေ့လာသူများမှာ အများအားဖြင့် စီးပွားရေးပညာရှင်များ အထူးသဖြင့် ဖွံ့ဖြိုးရေး ဘောဂဗေဒပညာရှင်များ (Development Economists)ဖြစ်ကြသော်လည်း ယင်းတို့ သည် လေ့လာရင်းဖြင့်ပင် မိမိတို့ ပညာရပ်နယ်ပယ် သတ်မှတ်ချက်ဘောင်တွင် အကျုံးမ၀င်သော အကြောင်းအရာများ နှင့်ပါ ထိပ်တိုက်တိုးမိခဲ့ကြသည်။
ယနေ့ဖွံ့ဖြိုးဆဲနိုင်ငံများအတွက် အခွင့်အလမ်းမသာဖွယ်ရာအခြေအနေမှာ ယင်းနိုင်ငံများ၏ ပကတိအခြေအနေ အရ စီးပွားရေးဖွံ့ဖြိုးတိုးတက်မှုကို ပိတ်ပင်တားဆီးထားသည့် အကြောင်းတရားများအနက် စီးပွားရေးနှင့်တိုက်ရိုက် မသက်ဆိုင်သော အကြောင်းတရားများက စီးပွားရေးနှင့် တိုက်ရိုက်သက်ဆိုင်သော အကြောင်းတရားများထက် ပိုမို အရေးပါ ပိုမိုလည်း ကျော်လွှားရန်ခက်ခဲသော အကြောင်းတရားများအဖြစ် တည်ရှိနေခြင်းပင်ဖြစ်သည်။
အမျိုးသားစည်းလုံးညီညွတ်မှု (National Unity) နှင့် အမျိုးသားစုစည်းမှု (National Integratoin) ဟူသော ဝေါဟာရနှစ်ရပ်၏ အဓိပ္ပါယ်သည် များစွာ ကွာခြားပေသည်။ အမျိုးသားစုစည်းမှုသည် နိုင်ငံတစ်ခု၏ ဖွံ့ဖြိုး တိုးတက်ရေးအတွက် မရှိမဖြစ်လိုအပ်သည့် စီးပွားရေးနှင့် တိုက်ရိုက်မသက်ဆိုင်သော အကြောင်းတရားများအနက် တစ်ခုအပါအ၀င်ဖြစ်သည်။ ခေါင်းဆောင်မှုအတွင်း၊ ခေါင်းဆောင်နှင့် ပြည်သူလူထုအတွင်း နှင့် ပြည်သူလူထုအချင်းချင်းအတွင်း အပြန်အလှန် နားလည်လက်ခံမှုနှင့် အသိအမှတ်ပြုမှုတို့ အားနည်းခြင်းနှင့် ပြည်သူ တို့၏ လူမှုရေးစည်းကမ်းထိန်းသိမ်းမှု အားနည်းခြင်းတို့သည်လည်း အမျိုးသားစုစည်းမှုအားနည်းခြင်း၏ သဘော လက္ခဏာများအဖြစ်ရှိနေပေသည်။ ယင်းသို့ အမျိုးသားစုစည်းမှုအားနည်းခြင်းသည် ယင်းနိုင်ငံများကို မဖွံ့ဖြိုးမတိုးတက် အောင် တားဆီးထားသည့် အဓိကအကြောင်းတစ်ရပ်ဖြစ်သည်ဟု လေ့လာသူများက သုံးသပ်ဖော်ပြခဲ့သည်။
အမျိုးသားစုစည်းမှုသည် ရုပ်ပိုင်းဆိုင်ရာအခြေအနေထက် စိတ်ပိုင်းဆိုင်ရာအခြေအနေနှင့် ပိုမိုသက်ဆိုင်ပေသည်။ နိုင်ငံအတွင်းရှိ တိုင်းရင်းသားလူမျိုးများ စည်းလုံးညီညွတ်နေခြင်းသည် တိုင်းရင်းသားအားလုံး၏ သဘောထား အယူအဆနှင့် အတွေးအမြင်များ ညီညွတ်နေခြင်းကို ဖော်ပြသည့်အခြင်းအရာပင်ဖြစ်သည်။ ထို့အတူ ခေါင်းဆောင်မှု အတွင်း ညီညွတ်မှု၊ ခေါင်းဆောင်နှင့် ပြည်သူအကြားညီညွတ်မှုနှင့် ပြည်သူအချင်းချင်းတို့၏ ညီညွတ်မှုများသည်လည်း အပြန်အလှန် နားလည်မှုနှင့် အသိအမှတ်ပြုမှုဟူသော စိတ်ပိုင်းဆိုင်ရာ အခြင်းအရာများပင်ဖြစ်ပေသည်။ ပြည်သူတို့၏ တရားဥပဒေကို ရိုသေလေးစားမှုနှင့် လူမှုရေး စည်းကမ်းထိန်းသိမ်းမှုတို့မှာလည်း လူတို့၏ သဘောထားပိုင်းနှင့် စိတ်ပိုင်းဆိုင်ရာ အခြေအနေများပင်ဖြစ်သည်။ သို့ဖြစ်၍ အချို့ပညာရှင်များက အမျိုးသားစုစည်းမှုကို စိတ်ပိုင်းဆိုင်ရာ စုစည်းမှု (
Emotional Integration) ဟု အမည်ပေးခဲ့ခြင်းဖြစ်ပေသည်။
အမျိုးသားစုစည်းမှုဟုဆိုရာတွင် လူ့အဖွဲ့အစည်းတစ်ရပ်၊ နိုင်ငံတစ်နိုင်ငံတွင်အကွဲကွဲအပြားပြားဖြစ်နေသော အခြေအနေများကို တစ်လုံးတစ်စည်းတည်းသဘောဖြစ်အောင် စုစည်းခြင်း၊ တစ်နည်းအားဖြင့် သေးငယ်သော လူ့အဖွဲ့ အစည်းများကို ခေတ်မီနိုင်ငံတစ်ခု၏ ဥပဓိရုပ်ပေါ်လွင်သော အနေအထားမျိုးသို့ရောက်အောင် စုစည်းတည်ဆောက်ခြင်း ပင်ဖြစ်သည်။
နိုင်ငံ၏အချုပ်အချာအာဏာသည် တစ်နိုင်ငံလုံးသို့ လွှမ်းခြုံပျံ့နှံ့မှုအားနည်းပါက အစိုးရ၏အာဏာသည် ထိရောက် ထက်မြက်မည်မဟုတ်ပေ။ ထိုအခါ ပြည်သူလူထုအတွင်း တရားဥပဒေစိုးမိုးရေးမှာလည်း အားနည်းလာမည် ဖြစ်ပေသည်။ ထိုသို့သော အခြေအနေရှိလာပါက ပြည်သူတစ်ဦးချင်း၏ လုပ်ကိုင်ဆောင်ရွက်မှုများသည် တရားဥပဒေ ဘောင်အတွင်းမှ လုပ်ကိုင်ဆောင်ရွက်နေသည်ထက် တစ်ဦးချင်း၏စိတ်ဆန္ဒနှင့် အကျိုးစီးပွားပေါ်တွင်သာ အခြေခံ လှုပ်ရှားနေခြင်း ဖြစ်ပေလိမ့်မည်။ ထို့အတူ ခေါင်းဆောင်သူအချင်းချင်း၊ ခေါင်းဆောင်နှင့် ပြည်သူလူထု၊ ပြည်သူ လူထုအချင်းချင်း စသူတို့ အပြန်အလှန်နားလည်မှုနှင့် လက်ခံအသိအမှတ်ပြုမှုများ အားနည်းပါက အချင်းချင်း ပြဿနာ များကို ဖြေရှင်းရင်းဖြင့် အချိန်ကုန်ပြီး မည်သည့်အမျိုးသားရေးလုပ်ငန်းတာဝန်ကိုမျှ ပြီးမြောက်အောင်မြင်အောင် ဆောင်ရွက်နိုင်မည်မဟုတ်ပေ။
အမျိုးသားစုစည်းမှုအားကောင်းသော နိုင်ငံတစ်ခုသည် သိပ်သည်းကျစ်လျစ်ပြီး တစ်လုံးတစ်စည်းတည်းသဘော ကို ဆောင်ယူနေသဖြင့် တည်ငြိမ်ခန့်ညားသော ဥပဓိရုပ် ပေါ်လွင်ထင်ရှားနေတတ်ပေသည်။ သိပ်သည်းခြင်းသည် ကျစ်လျစ်မှုကိုဖြစ်စေပြီး ကျစ်လျစ်မှုက ခိုင်မာအားကောင်းမှုကို ဖြစ်စေပြန်ရာ ယင်းသို့သော နိုင်ငံများ၏ အတွင်းအား များသည် ပြည့်ဖြိုးနေတတ်သည်ဟုဆိုပေသည်။ အတွင်းအားများ ပြည့်ဖြိုးနေသည့် နိုင်ငံတစ်ခုသည် မည်သည့် အခက်အခဲကိုမဆို ကျော်လွှားနိုင်ပြီး မည်သည့်အမျိုးသားရေးတာဝန်ကိုမဆို ပြီးမြောက်အောင်မြင်အောင် ဆောင်ရွက် နိုင်ပေသည်။ သို့ဖြစ်ရာ ယင်းနိုင်ငံမျိုးသည် ဖွံ့ဖြိုးတိုးတက်ရန် အလားအလာကောင်းသည့်နိုင်ငံမျိုးပင်ဖြစ်ပေသည်။
(စိုးတင်ဝင်း(ဘဏ်)ရေးသားသော နိုင်ငံများ၏ဖွံ့ဖြိုးတိုးတက်မှုဆိုင်ရာနည်းလမ်းများစာအုပ်၏ အမျိုးသားစုစည်း မှုအခန်းမှ ကောက်နှုတ်ရေးသားထားပါသည်။)
technorati tags: EmotionalIntegration, NationalIntegration, myanmar
အပြည့်အစုံဖတ်ရန်
အကျဉ်းချုပ်ရန်
ပထ၀ီဒေသတစ်ခုကို အတူမျှဝေနေထိုင်တဲ့လူတွေဟာ လူ့အဖွဲ့အစည်းတစ်ခု ဖြစ်ကိုဖြစ်လာ ရမယ်။ မဖြစ်ခဲ့ရင်တော့ ဒါဟာ အပိုင်းပိုင်းအမွှာမွှာ ပြိုကွဲခြင်းဆီ ဦးတည်နေမှာပါပဲ။ ကျွန်တော်တို့ ဟာ ပထ၀ီဒေသတစ်ခုထဲမှာ မျှဝေနေထိုင်တဲ့အခါ ဘာသာစကားလည်း မျှဝေရမယ်၊ ယဉ်ကျေးမှု လည်း မျှဝေရမယ်။ စံနှုန်းတွေ တန်ဖိုးတွေလည်း မျှဝေရပါလိမ့်မယ်။ နားလည်ထားဖို့က ကျွန်တော် တို့အားလုံးဟာ ကံကြမ္မာကိုပါ မျှဝေခံစားနေရတယ်ဆိုတာပါပဲ။ ကျွန်တော်ရဲ့ကြမ္မာဟာ ခင်ဗျားရဲ့ ကြမ္မာနဲ့ ပူးတွဲချည်နှောင်ထားပြီးသားပါ။ ပြောရရင်တော့ တစ်လှေတည်းစီး ခရီးသည်တွေမို့ "ခင်ဗျား ဘက်ကလှေတော့ နစ်တော့မယ်..." လို့ ပြောလို့မရသလိုပါပဲ။ ဒါကြောင့် ခင်ဗျားတို့ကိုဝေမျှချင်တာက ကိုယ်ကိုယ်တိုင်ရဲ့ လူမှုပတ်ဝန်းကျင်တစ်ခု အသစ်ပြင်ဆင်ဖို့ တိုးချဲ့ဖို့ လိုအပ်တဲ့ ဆောက်လုပ်ရေး အုတ်မြစ် (၁၀) ခု အကြောင်းပါပဲ။ အရည်အချင်းရှိတဲ့ လူမှုပတ်ဝန်းကျင် လူ့အဖွဲ့အစည်းတစ်ခု အတွက် အိုင်ဒီယာ (၁၀) ခုဆိုပါစို့။
အိုင်ဒီယာ အမှတ် (၁)
လူ့အဖွဲ့အစည်းကို လွှဲပြောင်းပစ္စည်းတစ်ခုအဖြစ် မယူဆပါနဲ့။ လူ့အဖွဲ့အစည်းကို ထာဝရ ပြန်လည်တည်ဆောက်ပြီး ပြန်လည်ဆန်းသစ်နေရမှာဖြစ်ပါတယ်။ အောင်မြင်တဲ့ နိုင်ငံတွေ၊ လူ့အဖွဲ့ အစည်းတွေဟာ ဒီအတိုင်းဖြစ်ပေါ်လာတာမဟုတ်ပါဘူး။ သီးသန့်အာရုံစူးစိုက်မှုတွေ၊ အနစ်နာခံမှုတွေ၊ အလုပ်ကြိုးစားမှုတွေနဲ့ တည်ဆောက်ခဲ့ရတာပါ။ တစ်ယောက်ကိုတစ်ယောက် ကူညီစောင့်ရှောက်မှုတွေ အတူတွဲဖက်လုပ်ကိုင်ဆောင်ရွက်မှုတွေနဲ့ တည်ဆောက်ခဲ့ရတာပါ။
ကျွန်တော်တို့ ဘော့စနီးယားမှာလို အပိုင်းပိုင်းအစစတွေ ဖန်တီးကြမလား၊ ဒါမှမဟုတ် လူ့အဖွဲ့ အစည်းတစ်ရပ် ဖန်တီးကြမလားဆိုတာ ကျွန်တော်တို့အပေါ်မှာဘဲ မူတည်နေပါတယ်။
အိုင်ဒီယာ အမှတ် (၂)
ကြီးမြတ်တဲ့လူ့အဖွဲ့အစည်းဟာ ကြီးမြတ်တဲ့ ခေါင်းဆောင်တွေလိုတာ မှန်ပါတယ်။ ဒါပေမယ့် ကြီးမြတ်တဲ့ ပြည်သူတွေလည်းလိုပါတယ်။ အရည်အသွေးရှိတဲ့ လူ့အဖွဲ့အစည်းဟာ ခေါင်းဆောင် လမ်းပြထက် အရည်အသွေးရှိတဲ့ ပြည်သူပြည်သားတွေပိုလိုပါတယ်။ လူ့အဖွဲ့အစည်းတည်ဆောက်ဖို့ ခင်ဗျားအနေနဲ့ ခင်ဗျားရဲ့အိမ်နီးချင်းကို ချစ်ခင်ဖို့မလိုပါဘူး။ ဒါပေမယ့် အိမ်နီးချင်းတွေကို ကြောက်ရွံ့မနေရဖို့တော့လိုပါတယ်။ အဓိပ္ပါယ်ကတော့ လူ့အဖွဲ့အစည်းတစ်ခုမှာ အတိုင်းအတာတစ်ခု အထိ ယုံကြည်စိတ်ချဖို့လိုပါတယ်။
အိုင်ဒီယာ အမှတ် (၃)
လူ့အဖွဲ့အစည်းတစ်ခုဟာ ခံနိုင်ရည်သတ္တိကို မွေးရမယ်။ လွတ်လပ်ခွင့်နဲ့ လူမှုရေး အစီအမံတွေ ဟန်ချက်ညီဖို့၊ ရပိုင်ခွင့်တွေနဲ့ တာဝန်သိမှုတွေ ဟန်ချက်ညီဖို့၊ အလိုအလျောက်ဖြစ်မှုနဲ့ ဖွဲ့စည်းတည် ဆောက်မှုတွေ လိုအပ်ပါတယ်။
ခင်ဗျား သမ္မာကျမ်းစာကို ဖတ်ခွင့်ရှိတယ်။ ကိုရမ်ကျမ်းစာကို ဖတ်ခွင့်ရှိတယ်။ ဒါပေမယ့် တခြားလူတွေကို အတင်းအကျပ်ဖတ်ခိုင်းခွင့်မရှိပါဘူး။ ကျွန်တော်တို့ဟာ ဘယ်သူ့စိတ်ကူးစိတ်သန်း ကိုမဆို သည်းခံနိုင်ကြပါတယ်။ လူမှုအဖွဲ့အစည်းဟာ ငြင်းခုံလျှောက်လဲမှုတွေနဲ့ ရှင်သန်နေရမှာပေါ့။ ဒါပေမယ့် အဲဒီစိတ်ကူးစိတ်သန်းတွေကို အများပြည်သူတွေကို အတင်းအကြပ် ယုံကြည်မခိုင်းသင့်ပါ။
ဘာသာအယူအရ ကိုယ့်ကိုယ်ထဲကို သွေးသွင်းခံဖို့ ငြင်းပယ်ခွင့်ရှိပါတယ်။ ဆေးဝါးကုသမှု ကိုတောင် ငြင်းပယ်ခွင့်ရှိပါတယ်။ ဒါပေမယ့် သူတို့ရဲ့သားသမီးတွေအတွက် သွေးသွင်းခံခွင့်၊ ဆေးဝါး ကုသခံခွင့်ကို သူတို့က ငြင်းပယ်မှာကိုတော့ ကျွန်တော်တို့သည်းမခံသင့်ပါဘူး။
အိုင်ဒီယာ အမှတ် (၄)
လူ့အဖွဲ့အစည်းဆိုတာ ဂျိုးဇက်ရဲ့ကုတ်အင်္ကျီလို အရောင်အသွေး အယူဝါဒ အမျိုးစုံရှိနေနိုင် ပါတယ်။ ဒါပေမယ့် မတူခြားနားမှုတွေကနည်းပြီး တူညီတဲ့အရာတွေကသာ ပိုများသင့်တယ်။ လူမျိုး ကွဲပြားစုံလင်မှုဟာ အားရကြည်နူးစရာပါ။ ဒါပေမယ့် ပေါင်းစည်းညီညွတ်မှုက ပိုပြီး စိတ်တက်ကြွ ကျေနပ်ဖို့ကောင်းပါတယ်။ လူ့အဖွဲ့အစည်းတစ်ခုမှာ လူတွေကို ခြားနားထားတဲ့အရာတွေထက် အသွေးတူ အဆင်တူ တူညီနေမှုကို ပိုလိုအပ်ပါတယ်။
လူ့အဖွဲ့အစည်းတစ်ခုဖြစ်အောင်ကပ်ပေးဖို့ ကော် (Social Glue) ကို မှန်မှန်ကန်ကန်ရွေးပြီး အသုံးမပြုနိုင်ခဲ့ရင် ကျွန်တော်တို့အားလုံး ဖရိုဖရဲပြန့်ကျဲနေရပါလိမ့်မယ်။ ကျွန်တော်တို့တည်ဆောက် ထားတဲ့ လူမျိုးပေါင်းစုံ၊ ယဉ်ကျေးမှုပေါင်းစုံရဲ့ လူ့အဖွဲ့အစည်းစမ်းသက်ချက် အောင်မြင်ခဲ့တာဟာ သည်းခံနိုင်မှုစွမ်းရည်ကြောင့်မဟုတ်ပါဘူး။ စိုးမိုးဦးဆောင်နိုင်မှုစွမ်းရည်ကြောင့်ပါ။
အိုင်ဒီယာ အမှတ် (၅)
အရည်အသွေးရှိတဲ့ လူ့အဖွဲ့အစည်းဆိုတာ သူ့ပြည်သူပြည်သားတွေအတွက် အလှအပ၊ စိတ်အပန်းဖြေမှုနဲ့ ကျယ်လွင့်ငြိမ်းအေးမှု၊ စိတ်ညွတ်ပြောင်းမှုကို ပေးစွမ်းနိုင်ရပါမယ်။ ဒါမှ အဲဒီကနေ ခွန်အားတွေ ရလာမှာပါ။
အိုင်ဒီယာ အမှတ် (၆)
လူမှုအဖွဲ့အစည်းဆိုတာ နောင်လာနောက်သားကို အလေးထားရတယ်။ အရှေ့အလယ်ပိုင်းက စကားပုံတစ်ခုရှိပါတယ်။ လူတစ်ယောက် အသိဥာဏ်ကြွယ်ဝပညာရှိမှုဟာ သူဘယ်တော့မှ အဲဒီ အရိပ်အောက်မှာ ထိုင်ရမှာမဟုတ်မှန်းသိရက်နဲ့ သစ်ပင်တစ်ပင်ကို စိုက်ပျိုးတဲ့အခါမှာ စတာပါပဲ...တဲ့။ ဘုရားရေ...ကျွန်တော်တို့မျိုးဆက်ကတော့ ကျွန်တော်တို့အမွေဆက်ခံရရှိတဲ့ အရိပ်ရသစ်ပင်တွေကို ဖြတ်တောက် ခုတ်လှဲနေကြပါပြီ။
အိုင်ဒီယာ အမှတ်(၇)
လူ့အဖွဲ့အစည်းဟာ လူမှုဆိုင်ရာမြို့တော်ကြီးဖြစ်နေရပါမယ်။ အဲဒီမှာ လူတွေဟာ အလုပ်အတူ လုပ်ရုံမျှမက ပြဿနာတွေကို အတူဖြေရှင်းရမယ်။ တစ်ယောက်ကိုတစ်ယောက် ယုံကြည်စိတ်ချတဲ့ အလေ့အထရှိရမယ်။
အိုင်ဒီယာ အမှတ်(၈)
လူ့အဖွဲ့အစည်းတစ်ခုဟာ ယဉ်ကျေးမှုကို အတူမျှဝေရမယ်။ ဘာသာစကားကို အတူမျှဝေ ရမယ်။ ပိုင်ဆိုင်မှုအသိ၊ အာရုံစူးစိုက်မှုအသိ၊ တာဝန်ယူမှုအသိတွေဟာ လူ့အဖွဲ့အစည်းဝင် လူသား တွေဟာ ပန်းတိုင်တွေ၊ တန်ဖိုးတွေ၊ ရည်ရွယ်ချက်တွေ တူညီရပါလိမ့်မယ်။
အိုင်ဒီယာ အမှတ်(၉)
ခင်ဗျားအနေနဲ့ လူ့အဖွဲ့အစည်းက ခင်ဗျားကို ဘာလုပ်ပေးရမယ်လို့ မတောင်းဆိုအပ်ပါဘူး။ လူ့အဖွဲ့ အစည်းအပေါ် ခင်ဗျား ဘာလုပ်ပေးနိုင်သလဲ... လို့ပဲ ကိုယ့်ကိုယ်ကိုတောင်းဆိုရမယ်။
ဆောဘဲလိုးက ပြောပါတယ်။ အမေရိကားကို 'လွတ်လပ်ခွင့်တွေပိုလျှံလွန်းမှု' က ခြိမ်းခြောက် နေတာ၊ ရုရှကိုတော့ လွတ်လပ်ခွင့်ဆိတ်သုဉ်းမှုက ခြိမ်းခြောက်နေတာ...တဲ့။
အိုင်ဒီယာ အမှတ်(၁၀)
ဆယ်ခုမြောက်အိုင်ဒီယာကိုတော့ ကျွန်တော်မပြောတော့ပါဘူး။ ခင်ဗျားကိုယ်တိုင် အိုင်ဒီယာ တစ်ခု တည်ထောင်ယူရမှာပါ။
ကျွန်တော်တို့လူ့အဖွဲ့အစည်းဖြစ်ဖို့ ဘာတွေလိုအပ်သေးသလဲ။ ကျွန်တော်တို့အားလုံးရဲ့ တွေးခေါ်မှုတွေ လိုအပ်တယ်ဆိုတာ အရေးတကြီးထင်ရှားနေပါတယ်။
လူ့အဖွဲ့အစည်းတစ်ရပ်ဟာ စီးပွားရေးအခြေခိုင်ဖို့လိုတယ်ဆိုတာ အသေအချာပေါ့။ အရင်းရှင် စနစ်ကိုရော ဒီမိုကရေစီကိုရော ကျွန်တော်ယုံကြည်ပါတယ်။ ဒီစနစ်တွေအောက်မှာ တည်ဆောက်ဖို့ ပိုလွယ်မယ်ထင်ပါတယ်။ ဒါပေမယ့် ချမ်းသာခြင်းတစ်ခုတည်းနဲ့တော့ လူမှုပတ်ဝန်းကျင်ကို တည် ဆောက်နိုင်မှာမဟုတ်ပါ။ တစ်ယောက်နဲ့တစ်ယောက် အစေးမကပ် မပေါင်းစပ်တဲ့ တစ်သီးတစ်သန့် လူချမ်းသာတွေနဲ့တော့ ဖြစ်လာမှာမဟုတ်ပါဘူး။ ကျွန်တော်တို့ဆက်ပြီး တွေးခေါ် ဆင်ခြင်ရလိမ့်မယ်။
အခြေအနေသစ်တွေဟာ တာဝန်အသစ်တွေအကြောင်း သင်ကြားပေးတယ်...တဲ့။
(Eleven News Vol: 1/N0:41, 1-10-2002 တွင်ဖော်ပြခဲ့သော ဂျူး၏ လူ့အဖွဲ့အစည်းအတွက် အိုင်ဒီယာ (၁၀) ခုမှ ကောက်နှုတ်ဖော်ပြပါသည်။)
technorati tags: idea, sociaty, myanmar
အပြည့်အစုံဖတ်ရန်
အကျဉ်းချုပ်ရန်
အပိုချဲ့ကားသိမ်းသွင်းစကားသည် လူသေစေနိုင်၏။ လူမှုဝန်းကျင်ကို ဖျက်ဆီးနိုင်၏။ အပိုချဲ့ကား သိမ်းသွင်းစကားသည် နိုင်ငံရေးကို မွန်းကျပ်အသက်ငင်စေ၏။ စီးပွားရေးကို ပျက်ပြုန်းစေ၏။ အပိုချဲ့ ကား သိမ်းသွင်း ကြော်ငြာနည်းသည် မထိုက်မတန် လူတစ်စုအား ချမ်းသာစေလျက် အများ၏ ဘ၀ကို ဖျက်ဆီး၏။ အပိုချဲ့ကားသိမ်းသွင်းခြင်းသည် လူ့အဆောက်အဦ ဖောင်ဒေးရှင်းကို မလိုတမာ စွာကျယ်သော မုသားများ တည်ဆောက်ပေးလိုက်သည်။စစ်အတွင်းမှာဆိုလျှင် အပိုချဲ့ကား သိမ်းသွင်းစကား၏အန္တရာယ်သည် ပို၍ သိသာထင်ရှားလေ့ ရှိသည်။ သို့သော် ချဲ့ကားဝါဒဖြန့်စကားသည် စစ်ကာလအတွင်းသာ ဖြစ်ပေါ်လာသည့် ဒုက္ခမဟုတ်။ လူ့ယဉ်ကျေးမှု အဆောက်အဦ၏ အတွင်းလွှာများတွင်ပါ ၀င်ရောက် သန္ဓေတည်နေခဲ့ပြီ ဖြစ်သည်။ ဈေးကွက်စီးပွားရေးသည် အပိုချဲ့ကားဝါဒဖြန့်ခြင်းပေါ်တွင် မူတည်၍ ပြုပြင်ဆောင်ရွက်နေခြင်း ဖြစ် သည်။ ချဲ့ကားဝါဒဖြန့်စကားသည် ဖျော်ဖြေရေးလုပ်ငန်း အဆောက်အဦများတွင် အလုံးအရင်းနှင့် ၀င် ရောက်လာသော ကုန်သွယ်မှုတစ်ခုဖြစ်သည်။ ရုပ်ရှင်ဇာတ်ကားတစ်ခုသည် ကြေကွဲသနားဖွယ်ရာ ကောင်း လေ ချဲ့ကားသိမ်းသွင်း စည်းရုံးမှုက များလေဖြစ်သည်။ချဲ့ကားဝါဒဖြန့်စကားက ပထမဆုံးသတ်လိုက်သောအရာမှာ စိတ် ဖြစ်သည်။ချဲ့ကားသိမ်းသွင်းဝါဒဖြန့်ခြင်း Hype ၏ ဘန်းစကားအဓိပ္ပါယ်တစ်ခုမှာ ဆေးထိုး>ပန်နှင့် အပ် ဖြစ်သည်။ တကယ်လည်း Hype သည် ဆေးအဖြစ် (အထူးသဖြင့်) မူးယစ်ဆေးအဖြစ် ဆောင်ရွက် လှုပ်ရှားပါသည်။ လူအများကို သက်ဝင်ယုံကြည်အောင် သြဇာလွှမ်းမိုးခြင်းအားဖြင့် ထိုးသွင်းပေး လိုက်သော ၀ါဒဖြန့်ဆေးကို ပထမဆုံး ထင်ရှားစွာ အသုံးပြုခဲ့သူများမှာ ဒုတိယကမ္ဘာစစ်အတွင်းက နာဇီ ဂျာမန်များဖြစ်သည်။ ယခု အိုစမာဘင်လာဒင်နှင့် အစွန်းရောက် အကြမ်းဖက်သမားများကိစ္စသည်လည်း သဘောတရား အတူတူပင် ဖြစ်သည်။ Hype ၏ အောင်မြင်မှုတစ်ခုဖြစ်ပါသည်။ချဲ့ကားသိမ်းသွင်းနည်းပညာသည် သူလိုချင်သောပန်းတိုင်သို့ ဂိုဏ်းသားစိတ်ဓါတ်သွင်းပေးပြီး ရယူတတ်သည်။ ထိုနည်းဖြင့် ချဲ့ကားဝါဒဖြန့်နည်းက နောက်ထပ်အရေးကြီးသော အရာတစ်ခုကို သတ် လိုက်သည်။ Hype က ဒုတိယ သတ်လိုက်သောအရာမှာ အစစ်အမှန် အမှန်တရားပင်ဖြစ်သည်။ချဲ့ကားဝါဒဖြန့်ခြင်းက အစစ်အမှန်ကို သတ်လိုက်သော ဥပမာတစ်ခုမှာ Blair Witch Project ရုပ်ရှင်ဖြစ်၏။ အင်တာနက်နည်းပညာ၏ ချဲ့ကားဝါဒဖြန့်မှု Hype ကို ပထမဆုံး ထိရောက်စွာ အသုံးချ အမြတ်ထုတ်လိုက်သော အဖြစ်ပါပဲ။ ရုပ်ရှင်သည် တကယ့်အဖြစ်အပျက်ကို အခြေခံ၍ ရိုက်ကူးထားခြင်း ဟု လူငယ်များအား ယုံကြည်သက်ဝင်စေသည်။ထိုအဖြစ်အပျက်အားလုံးသည် အစစ်အမှန်နှင့် ထင်ယောင်ထင်မှား ကိစ္စတို့အား မခွဲခြားနိုင်သော တစ်မျိုးတည်းသောရောဂါဖြင့် ဂိုဏ်းစိတ်သွင်းခံရခြင်းဖြစ်သည်။ အကယ်၍ ကျွန်တော်တို့သည် စိတ်ကူး ယဉ်နှင့် တကယ့်အစစ်အမှန်ကို မခွဲခြားနိုင်လျှင် ကျွန်တော်တို့သည် အကောင်းနှင့် အဆိုးကိုလည်း ခွဲခြားနိုင်ဖို့ ခက်ယဉ်းပါလိမ့်မည်။ ကောင်းကျိုးနှင့် ဆိုးကျိုးကို ခွဲခြားသိနိုင်ဖို့ ပို၍ပင်ခက်ခဲပါလိမ့်မည်။ချဲ့ကားဝါဒဖြန့်ခြင်းက တတိယ သတ်လိုက်သော အရာမှာ အရည်အသွေး ပင်ဖြစ်သည်။ချဲ့ကားသိမ်းသွင်းစည်းရုံးခြင်း နည်းပညာဖြင့် သာမန်လူ၊ သာမန်ပစ္စည်းကို ရှေ့တန်းတင် အမွှမ်း တင်လိုက်သောအခါထိုအရာသည် အကြီးကြီးဖြစ်သွား၏။အချို့ သီအိုရီပညာရှင်များက ပြော၏။ မော်ဒန်လူငယ်များသည် ချဲ့ကားဝါဒဖြန့်ခြင်းကို ခံနိုင်ရည် ရှိသည်...တဲ့။ လုံးဝမဟုတ်ပါ။ မော်ဒန်လူငယ်များသည် ဘာမဆို အရူးအမူးစိတ်ရှိသည်။ သူတို့သည် Hype ကို ခံနိုင်ရည်ရှိဖို့ တော်တော် ကိုယ်ခံအားကောင်းမှ ဖြစ်ပါမည်။ချဲ့ကားဝါဒဖြန့်ခံရသော လူငယ်များအနေဖြင့် ကမ္ဘာကြီးကို ပြုပြင်ပြောင်းလဲဖို့ တကယ့် ရုန်းကန် လှုပ်ရှားမှုဖြစ်သော နိုင်ငံရေးအတွက် အချိန်နည်းနည်းမျှမရှိပါ။ နိုင်ငံရေးသည် ချဲ့ကားဝါဒဖြန့်ခြင်းက သတ်ဖြတ်ခံရသော စတုတ္ထသားကောင် ဖြစ်ပါသည်။ နောက်တစ်ခုက ၀ါဒမဖြန့်သလိုလို၊ ရှောင်တခင် အပြုအမူလိုလို ဟန်ဆောင်လိမ်ညာပြီး ၀ါဖြန့်ခြင်းဖြစ်သည်။ ထိုမုသားသည် ပို၍ပင် ထိရောက်သေး သည်။ လူအများ၏စိတ်နှလုံးကို ပို၍ပင် သိမ်းကြုံးဆွဲငင်နိုင်သည်။နောက်ဆုံးအားဖြင့် ချဲ့ကားဝါဒဖြန့်နည်းပညာသည် ယုံကြည်မှုကို သတ်ဖြတ်ပါသည်။ တစ်ဆက် တည်းပင် ကိုယ့်ကိုယ်ကို ယုံကြည်မှုကိုသတ်သည်။ ထို့နောက် မျှော်လင့်ချက်ကိုသတ်သည်။ ဤနည်းဖြင့် လူ့အဖွဲ့အစည်းကို အသက်ရှူပေါက်ပိတ်ကာ မွန်းကြပ်စေပါသည်။အလွန်အကျွံ ချဲ့ကားဝါဒဖြန့်ခြင်း၏ နောက်ကွယ်မှာ ဘာမှမရှိ။ အလွန်အကျွံအမွှမ်းတင် သိမ်း သွင်းခြင်းဖြင့် ပြုပြင်စီရင်ထားသော ကျွန်တော်တို့ လူ့အဖွဲ့အစည်းသည် ဗလာအမှောင်ခန်းတစ်ခုထက် အနည်းငယ်သာ ပိုပါလိမ့်မည်။
(Eleven News Vol: 1/No: 11, 20-1-2002 တွင် ပါရှိသော ဂျူး၏ အလွန်အကျွံခေတ်ကြီးထဲမှာ ဆောင်းပါးမှ ထုတ်နှုတ်ထားပါသည်။)
technorati tags: burma, hype,, media, myanmar
အပြည့်အစုံဖတ်ရန်
အကျဉ်းချုပ်ရန်
လူတွေက သူတို့မှာ နှလုံးသားရှိတာကို မေ့နေကြတယ်။ သူက လောကအပေါ် အကြင်နာတရားနဲ့ ပြုမူလို့ရှိရင် လောကကလည်း သူ့ကို အကြင်နာတရားနဲ့ တုံ့ပြန်လာမှာပဲဆိုတာကိုလည်း သူက မေ့ထားတယ်။
ကျွန်တော်တို့ဟာ တကယ့်ကို အံ့အားသင့်လောက်အောင် ပဋိပက္ခတွေနဲ့ရှုပ်ထွေးနေတဲ့ လောက ကြီးထဲမှာ အသက်ရှင်နေကြရတာပါ။ တစ်ဖက်မှာတော့ လူတွေက စစ်ကို ထိတ်လန့်ကြောက်ရွံ့ နေကြပါတယ်။ တခြားတစ်ဖက်မှာကျတော့ ဒီလူသားတွေကပဲ စစ်ကို အမျက်ဒေါသ ခြောင်းခြောင်း ထပြီး ပြင်ဆင်နေကြပြန်ပါတယ်။
ယခုအခါ မဟာကရုဏာရှင် ဗုဒ္ဓရှင်တော်မြတ်ဘုရား၏ တပည့်သားတော်များ၏တာဝန်မှာ လောကတွင် ငြိမ်းချမ်းရေး ဖြစ်ပေါ်လာရေး မိမိတို့၏ဆရာသခင် ကျေးဇူးရှင်ဖြစ်တဲ့ မြတ်စွာဘုရားရဲ့ အဆုံးအမအတိုင်း နမူနာပြ လိုက်နာခြင်းအားဖြင့်လည်းကောင်း၊ လူသားအချင်းချင်းအပေါ်မှာရော ပတ်ဝန်းကျင် လောကအပေါ်မှာပါ သည်းခံစိတ်နှင့် ဆက်ဆံနိုင်ဖို့ လေ့ကျင်သင်ကြားရမှာပါ။
ငြိမ်းချမ်းရေးကို အမြဲရနိုင်ပါတယ်။ ဒါပေမဲ့ ငြိမ်းချမ်းရေးရအောင်လုပ်ရာမှာတော့ ဆုတောင်း နေလို့မရပါဘူး။ ပူဇော်ပသနေလို့ မပြီးပါဘူး။ ငြိမ်းချမ်းရေးဆိုတာက လူသားအချင်းချင်း သင့်မြတ် တဲ့အခါ ဖြစ်ပေါ်လာတဲ့တရားပါ။ လူတွေဟာ ကိုယ့်အချင်းချင်း သင့်မြတ်ကြရင်ဖြစ်ဖြစ်၊ ပတ်ဝန်း ကျင် လောကနဲ့ အဆင်ပြေပြေနေနုင်ရင်ပဲဖြစ်ဖြစ်၊ ငြိမ်းချမ်းရေးကိုရနိုင်ပါတယ်။ တစ်ကိုယ်ကောင်း လောဘနှင့် ကမ္ဘာကြီးအခြေအနေကြားမှာ ပဋိပက္ခမဖြစ်ဘဲ ကြားလပ်နေတဲ့အချိန်ဟာ ငြိမ်းချမ်းတဲ့ အချိန်ပါ။
သည်းခံစိတ် ဖြစ်ပေါ်လာအောင် မလေ့ကျင့်ဘဲနဲ့တော့ ဒီကမ္ဘာပေါ်မှာ ငြိမ်းချမ်းရေး တည်ရှိ လာနိုင်မှာ မဟုတ်ပါဘူး။ သည်းခံနိုင်စွမ်းရှိဖို့ကျတော့ ကျွန်တော်တို့အနေနဲ့ မိမိရဲ့စိတ်ထဲမှာ ဒေါသနဲ့ ဣဿမနာလိုစိတ်တွေ ဖြစ်မလာအောင် ထိန်းချုပ်နိုင်ဖို့ အရေးကြီးပါတယ်။ ဒါကြောင့် ဗုဒ္ဓရှင်တော် မြတ်ဘုရားက မကောင်းသဖြင့်ထားအပ်သော စိတ်သည်ကား ထိုစိတ်ရှိသူကို ရန်သူထက်ပင် ပို၍ ယုတ်ညံ့ အောင်ပြုနိုင်၏ ဟု ဓမ္မပဒ ၄၂ တွင် ဟောကြားခဲ့သည်။
ဗုဒ္ဓဘာသာသည် သည်းခံခြင်းတရားကို ကျင့်သုံးသောဘာသာတရား ဖြစ်ပါတယ်။ ဘာကြောင့် လဲဆိုတော့ ဒီဘာသာက ကိုယ့်စိတ်ကို ထိန်းချုပ်နိုင်ဖို့ကို ဟောကြားလို့ပဲဖြစ်ပါတယ်။ လောကအပေါ် မိမိက အကြင်နာထားပြီး ပြုမူဆက်ဆံလို့ရှိရင် မှန်ထဲမှာလိုပဲ လောကကလည်း ကိုယ့်အပေါ်ကို အကြင်နာထားပြီး ပြုမူဆက်ဆံလာတာကို မြင်တွေ့ရမှာသေချာပါတယ်။ ကိုယ်က လောကအပေါ် ငြိမ်းချမ်းစွာဆက်ဆံရင် လောကကလည်း ကိုယ့်အပေါ်ကို ငြိမ်းချမ်းစွာဆက်ဆံမှာဖြစ်ပါတယ်။
လူ့စိတ်ဆိုတာက မိမိရဲ့အားနည်းချက်ကို ၀န်မခံချင်တဲ့ ကိုယ့်ကိုယ်ကို လှည့်စားလိမ်ညာ ချင်တဲ့စိတ် ဖြစ်ပါတယ်။ သူက သူလုပ်တဲ့အပြစ်ကို လွှဲချဖို့ သူ ဒီလိုလုပ်ခဲ့ရတာ မှန်ကန်ကြောင်း တရားကြောင်းပြောဖို့ တစ်ခုခုကို အကြောင်းပြတတ်တယ်။ ပြီးတော့ သူ့မှာ အပြစ်ကင်းကြောင်းကို ဖန်တီးပြောတတ်ပါတယ်။ လူတစ်ယောက်ဟာ တကယ်တမ်း လွတ်လပ်ချင်တယ်ဆိုရင် သူ့မှာ ကိုယ့် အပြစ်ကိုကိုယ် ရဲရဲဝံ့ဝံ့ ၀န်ခံရဲတဲ့သတ္တိရှိရမယ်။ ဒါကို ဗုဒ္ဓရှင်တော်မြတ်ဘုရားက သူများအပြစ်ကိုတော့ မြင်လွယ်တယ်။ ကိုယ့်အပြစ်ကို ကိုယ်မြင်ဖို့တော့ ခက်တယ်လို့မိန့်တော်မူခဲ့တယ်။
လူတွေရော၊ နိုင်ငံတွေကပါ မိမိတို့ရဲ့ တစ်ကိုယ်ကောင်း လောဘစိတ်၊ လူမျိုးရေး မာန်စောင်မှု တွေ အာဏာတပ်မက်တဲ့ အတ္တစိတ်တွေကို သုတ်သင်နိုင်ကြပါမှ ဒီလောကမှာ ငြိမ်းချမ်းရေးဆိုတာ ဖြစ်ပေါ်လာနိုင်မှာပါ။ လူ့နှလုံးသားကိုထိထိရောက်ရောက် ပြောင်းလဲသွားအောင် လုပ်နိုင်တာက ဘာသာရေးတစ်ခုပဲရှိပါတယ်။ ကံမကောင်းလှစွာ အချို့သူများဟာ ဘာသာရေးကို ခုတုံး လုပ်ပြီး သူတို့ပဋိပက္ခထဲကို ဘာသာရေးအလံတံခွန်တွေ ထူပြီးလာကြတာလည်း ရှိပါတယ်။ သူတို့ဟာ ဘာသာရေးရဲ့ ကောင်းမြတ်လှတဲ့ နာမည်ဂုဏ်သတင်းကို အသရေပျက်အောင် လုပ်နေကြတယ်ဆိုတာကို သူတို့ မသိကြပါဘူး။
လွန်ခဲ့သော အနှစ် ၂၅၀၀ ကျော်ကာလအတွင်း ဗုဒ္ဓဘာသာဝင်တွေကြောင့် ဖြစ်ခဲ့ရသော စစ်ဖြစ် ရလောက်အောင် ပြင်းထန်သော စိတ်ဝမ်းကွဲပြားမှုများနှင့် ပဋိပက္ခကြီးများ ဘယ်သောအခါကမျှ မရှိခဲ့ ကြပါ။ ထိုကဲ့သို့ စစ်မက်ကင်းမဲ့ခဲ့ခြင်းသည် မြတ်ဗုဒ္ဓ၏ဒေသနာတော်များတွင် ပါဝင်သော တက်က လှုပ်ရှားသော သည်းခံခြင်း ခန္တီ၏သဘော အယူအဆကြောင့်ပင်ဖြစ်သည်ဟု ဆိုသင့်ပါတယ်။
ဆန်းလွင် ခေါ် အရှင်အာဒိစ္စရံသီ ဘာသာပြန်ရေးသာသည့် ဗုဒ္ဓဘာသာဝင်တွေ ယုံကြည်ကြတာက စာအုပ်မှ ထုတ်နှုတ်ထားပါသည်။
technorati tags: buddha, buddhism, buddhist, burma,, monk, myanmar
အပြည့်အစုံဖတ်ရန်
အကျဉ်းချုပ်ရန်
